إِذَا وَقَعَتِ الْوَاقِعَةُ (1)
ߣߌ߫ ( ߟߐ߬ߓߊ ߟߏ߲߫ ) ߞߍߕߊ ߞߍ߫ ߘߊ߫ ߕߎ߬ߡߊ ߡߍ߲ |
لَيْسَ لِوَقْعَتِهَا كَاذِبَةٌ (2)
ߝߊ߬ߣߌ߲߬ߧߊ߬ߓߊ߯ ߕߍ߫ ߞߍ߫ ߏ߬ ߞߍ ߟߊ߫ |
خَافِضَةٌ رَّافِعَةٌ (3)
ߡߊ߬ߖߌ߰ߟߌ߬ߟߊ߫ ߟߋ߬ ߸ ߡߊ߬ߦߟߍ߬ߟߌ߬ߟߊ߫ ߟߋ߬ |
إِذَا رُجَّتِ الْأَرْضُ رَجًّا (4)
ߣߌ߫ ߘߎ߱ ߟߊߦߙߍߦߙߍ߫ ߘߊ߫ ߕߎ߬ߡߊ ߡߍ߲ ߜߙߌߜߙߌ߫ |
وَبُسَّتِ الْجِبَالُ بَسًّا (5)
ߞߊ߬ ߞߎ߬ߙߎ ߟߎ߬ ߜߘߊߟߊ߫ ߓߙߌ߫ |
فَكَانَتْ هَبَاءً مُّنبَثًّا (6)
ߞߵߊ߬ߟߎ߬ ߞߍ߫ ߓߎ߬ߙߎ߲߬ߓߎߙߎ߲ ߘߌ߫ ߞߎߙߍ߫ |
وَكُنتُمْ أَزْوَاجًا ثَلَاثَةً (7)
ߊߟߎ߫ ߘߌ߫ ߕߟߊ߫ ߛߌ߰ ߛߓߊ߬ ߘߌ߫ |
فَأَصْحَابُ الْمَيْمَنَةِ مَا أَصْحَابُ الْمَيْمَنَةِ (8)
ߓߟߏߓߘߍߟߞߊ ߟߎ߬ ߦߋ߫ ߘߏ߫ ߘߌ߫ ߸ ߓߟߏߓߘߍ߫ ߡߊ߬ |
وَأَصْحَابُ الْمَشْأَمَةِ مَا أَصْحَابُ الْمَشْأَمَةِ (9)
ߓߟߏߖߎ߯ߟߞߊ ߟߎ߬ ߦߋ߫ ߘߏ߫ ߘߌ߫ ߸ ߓߟߏߖߎ߯ ߡߊ߬ |
وَالسَّابِقُونَ السَّابِقُونَ (10)
ߞߐ߲߰ߒ߬ߢߍ߬ߓߊ߮ ߟߎ߬ ߦߋ߫ ߘߏ߫ ߘߌ߫ ߸ ߞߐ߲߬ߞߐ߲߬ߒ߬ߧߍ߬ߓߊ߮ ߟߎ߬ ߞߊ߬ߣߌ߲߫ |
أُولَٰئِكَ الْمُقَرَّبُونَ (11)
ߏ߬ ߟߎ߫ ߟߋ߬ ߡߊ߬ߛߎ߬ߘߎ߲߬ߧߊ߬ߓߊ߮ ߟߎ߬ ߘߌ߫ |
فِي جَنَّاتِ النَّعِيمِ (12)
ߡߍ߲ߘߌߦߊ߫ ߣߍߡߊ ߟߎ߬ ߘߐ߫ |
ثُلَّةٌ مِّنَ الْأَوَّلِينَ (13)
ߏ߬ ߟߎ߬ ߞߊ߫ ߛߌߦߊ߫ ߝߟߐ߫ ߡߐ߱ ߟߎ߬ ߘߐ߫ |
وَقَلِيلٌ مِّنَ الْآخِرِينَ (14)
ߊ߬ ߣߴߊ߬ߟߎ߬ ߕߜߋ߫ ߞߐߟߊ߫ ߡߐ߮ ߟߎ߬ ߘߐ߫ |
عَلَىٰ سُرُرٍ مَّوْضُونَةٍ (15)
ߏ߬ ߟߎ߬ ߦߋ߫ ߜߍ߬ߡߍ߫ ߡߐ߬ߟߐ߲߬ߡߊ ߟߎ߫ ߟߋ߬ ߘߐ߫ |
مُّتَّكِئِينَ عَلَيْهَا مُتَقَابِلِينَ (16)
ߊ߬ߟߎ߫ ߛߍ߲߬ߓߍ߬ߣߍ߲߫ ߏ߬ ߟߎ߬ ߘߐ߫ ߞߵߊ߬ߟߎ߬ ߢߊ ߟߎ߫ ߓߍ߲߬ ߢߐ߲߮ ߡߊ߬ |
يَطُوفُ عَلَيْهِمْ وِلْدَانٌ مُّخَلَّدُونَ (17)
ߞߎߘߊߌ߫ ߖߍ߲ߓߎߟߍ߲ ߠߎ߬ ߦߴߊ߬ߟߎ߬ ߡߊߕߎ߬ߙߍ߬ߕߎ߬ߙߍ߬ ߟߊ߫ |
بِأَكْوَابٍ وَأَبَارِيقَ وَكَأْسٍ مِّن مَّعِينٍ (18)
ߞߙߏ ߣߌ߫ ߛߋ߬ߙߎ߲ ߘߌ߫ ߸ ߊ߬ ߣߌ߫ ߕߍߓߙߍ߫ ߞߘߎ߬ߣߍ߲ ߘߌ߫ (ߘߟߐ߬) ߡߌ߲߬ߕߊ߬ ߢߌߡߊ ߘߐ߫ |
لَّا يُصَدَّعُونَ عَنْهَا وَلَا يُنزِفُونَ (19)
ߊ߬ߟߎ߬ ߕߍ߫ ߞߎ߲߬ߘߌ߬ߡߌ߲߬ߕߐ߬ߦߊ߬ ߟߊ߫߸ ߊ߬ߟߎ߫ ߘߏ߲߬ ߕߍ߫ ߡߌߟߏ߫ ߟߊ߫ |
وَفَاكِهَةٍ مِّمَّا يَتَخَيَّرُونَ (20)
ߊ߬ ߣߴߊ߬ߟߎ߬ ߦߋ߫ ߦߙߌߘߋ߲ ߡߍ߲ ߠߎ߬ ߛߎߥߊ߲ߘߌ߫ ߟߊ߫ |
وَلَحْمِ طَيْرٍ مِّمَّا يَشْتَهُونَ (21)
ߊ߬ ߣߌ߫ ߞߣߐ߬ ߛߓߏ ߡߍ߲ ߠߎ߫ ߣߋ߬ߦߌ ߦߴߊ߬ߟߎ߬ ߟߊ߫ |
وَحُورٌ عِينٌ (22)
ߊ߬ ߣߌ߫ ߖߏ߲ߞߊ߲߫ ߢߊߥߟߎߞߎ ߟߎ߬ |
كَأَمْثَالِ اللُّؤْلُؤِ الْمَكْنُونِ (23)
ߏ߬ ߟߎ߯ ߟߋ߬ ߦߏ߫ ߟߓߊ߬ߞߐߣߐ߲߫ ߢߡߊߘߏ߲߰ߣߍ߲ |
جَزَاءً بِمَا كَانُوا يَعْمَلُونَ (24)
ߞߵߏ߬ ߟߎ߬ ߞߍ߫ ߊ߬ߟߎ߬ ߟߊ߫ ߓߊ߯ߙߊ ߟߎ߫ ߛߊ߬ߙߊ ߘߌ߫ |
لَا يَسْمَعُونَ فِيهَا لَغْوًا وَلَا تَأْثِيمًا (25)
ߊ߬ߟߎ߬ ߕߍ߫ ߡߣߊ߬ߡߣߊ߬ ߣߌ߫ ߞߎ߲߬ߞߏ߬ߕߐ߬ߦߊ߬ ߞߊ߲߫ ߡߍ߲߫ ߠߊ߫ ߦߋ߲߬ |
إِلَّا قِيلًا سَلَامًا سَلَامًا (26)
ߝߏ߫ ߸ ߌ ߣߌ߫ ߖߐ߫ ߸ ߌ ߣߌ߫ ߖߐ߫ ߞߎߡߊ |
وَأَصْحَابُ الْيَمِينِ مَا أَصْحَابُ الْيَمِينِ (27)
ߓߟߏߓߘߍߟߞߊ ߟߎ߬ ߛߊ߫߸ ߏ߬ ߟߎ߬ ߦߋ߫ ߓߟߏߓߘߍ߫ ߟߋ߫ ߡߊ߬ |
فِي سِدْرٍ مَّخْضُودٍ (28)
ߕߡߐߙߐ߲߫ ߣߎ߲ߞߎ ߟߎ߬ ߞߘߐ߫ |
وَطَلْحٍ مَّنضُودٍ (29)
ߊ߬ ߣߌ߫ ߓߊߙߊ߲ߛߊ߲ߛߎ߲߫ ߝߙߍߕߍߕߍ ߟߎ߬ ߞߘߐ߫ |
وَظِلٍّ مَّمْدُودٍ (30)
ߊ߬ ߣߌ߫ ߘߎߟߋ߲߫ ߝߌ߰ߝߊ߰ߣߍ߲ ߠߎ߬ ߞߘߐ߫ |
وَمَاءٍ مَّسْكُوبٍ (31)
ߊ߬ ߣߌ߫ ߖߌ߫ ߥߦߏ߬ߟߊ ߟߎ߫ ߝߍ߬ |
وَفَاكِهَةٍ كَثِيرَةٍ (32)
ߊ߬ ߣߌ߫ ߦߙߌߘߋ߲߫ ߛߌߦߊߡߊ߲߫ ߘߐ߫ |
لَّا مَقْطُوعَةٍ وَلَا مَمْنُوعَةٍ (33)
ߏ߬ ߟߎ߬ ߕߍ߫ ߓߟߏߕߍ߰ ߟߊ߫߸ ߊ߬ߟߎ߬ (ߘߌ) ߕߍ߫ ߘߐߛߊ߬ ߟߊ߫ |
وَفُرُشٍ مَّرْفُوعَةٍ (34)
ߊ߬ ߣߌ߫ ߟߊߟߊ߲߫ ߞߘߐߕߊ߬ߣߍ߲ ߠߎ߫ ߞߊ߲߬ |
إِنَّا أَنشَأْنَاهُنَّ إِنشَاءً (35)
ߒ߬ߠߎ߫ ߟߋ߫ ߞߊ߬ ߖߏ߲ߞߊ߲ ߠߎ߬ ߘߊ߲߫ ߞߍ߫ ߞߏߢߌߡߦߊ ߟߊ߫ |
فَجَعَلْنَاهُنَّ أَبْكَارًا (36)
ߞߵߊ߬ߟߎ߬ ߞߍ߫ ߞߊߓߊ߲ ߠߎ߬ ߘߌ߫ |
عُرُبًا أَتْرَابًا (37)
ߗߍ߬ߟߊ߲߬ߘߌ߫ ߝߌߟߊ߲ ߠߎ߬ ߘߌ߫ |
لِّأَصْحَابِ الْيَمِينِ (38)
ߓߟߏߓߘߍߟߞߊ ߟߎ߬ ߦߋ߫ |
ثُلَّةٌ مِّنَ الْأَوَّلِينَ (39)
ߏ߬ ߟߎ߬ ߞߊ߫ ߛߌߦߊ߫ ߝߟߐߡߐ߱ ߟߎ߬ ߘߐ߫ |
وَثُلَّةٌ مِّنَ الْآخِرِينَ (40)
ߊ߬ ߣߴߊ߬ߟߎ߬ ߞߊ߫ ߛߌߦߊ߫ ߞߐߟߊ߫ ߡߐ߮ ߟߎ߬ ߘߐ߫ |
وَأَصْحَابُ الشِّمَالِ مَا أَصْحَابُ الشِّمَالِ (41)
ߓߟߏߖߎ߯ߟߞߊ ߟߎ߬ ߛߊ߫߸ ߏ߬ ߟߎ߬ ߦߋ߫ ߓߟߏߖߎ߯ ߟߋ߬ ߡߊ߬ |
فِي سَمُومٍ وَحَمِيمٍ (42)
ߝߢߐ߫ ߞߊߟߊ߲ߡߊ߲ ߘߐ߫ ߊ߬ ߣߌ߫ ߖߌ߫ ߝߎߦߊߝߎߦߊ ߞߊ߲߬ |
وَظِلٍّ مِّن يَحْمُومٍ (43)
ߊ߬ ߣߌ߫ ߛߌ߬ߛߌ߬ ߝߌ߲߬ ߞߟߊߡߊ߲ ߘߎߟߋ߲ ߞߘߐ߫ |
لَّا بَارِدٍ وَلَا كَرِيمٍ (44)
ߞߏߝߌ߬ߟߊ ߏ߬ ߛߎߡߊߣߍ߲߫ ߕߍ߫ ( ߞߊ߬ ߛߎߡߦߊ߫ ߛߐ߬ߘߐ߲߬ ) ߸ ߊ߬ ߘߏ߲߬ ߢߌ߬ߡߊ߬ ߕߍ߫ ( ߞߏ߫ ߊ߬ ߣߌߟߊߞߟߌ ߘߌ߫ ߓߍ߲߬) |
إِنَّهُمْ كَانُوا قَبْلَ ذَٰلِكَ مُتْرَفِينَ (45)
ߏ߬ ߟߎ߬ ߡߊߣߍߡߊߣߍ߲߫ ߠߋ߫ ߕߘߍ߬ ߞߘߐ߬ߡߊ߲߫ |
وَكَانُوا يُصِرُّونَ عَلَى الْحِنثِ الْعَظِيمِ (46)
ߊ߬ ߣߴߊ߬ߟߎ߬ ߕߋ߲ߜߋߘߋ߲߫ ߕߘߍ߬ ߖߟߎ߬ߡߎ߲߬ߓߊ ߟߎ߫ ߞߊ߲߬ |
وَكَانُوا يَقُولُونَ أَئِذَا مِتْنَا وَكُنَّا تُرَابًا وَعِظَامًا أَإِنَّا لَمَبْعُوثُونَ (47)
ߊ߬ ߣߴߊ߬ߟߎ߫ ߕߘߍ߬ ߊ߬ ߝߐ߫ ߟߊ߫߸ ߞߏ߫ ߣߴߊ߲ ߛߊ߬ ߘߊ߫ ߕߎ߬ߡߊ ߡߍ߲ ߞߵߊ߲ ߞߍ߫ ߓߊ߲߬ߞߎ ߣߌ߫ ߞߟߏ ߟߎ߬ ߘߌ߫، ߊ߬ ߝߐ߫ ߒ߬ ߘߌ߫ ߟߊߥߌ߬ߟߌ߫ ߓߊ߬؟ |
أَوَآبَاؤُنَا الْأَوَّلُونَ (48)
ߥߟߴߊ߲ ߝߊ߬ ߝߟߐ ߟߎ߬؟ |
قُلْ إِنَّ الْأَوَّلِينَ وَالْآخِرِينَ (49)
ߊ߬ ߝߐ߫ ߞߏ߫ ߝߟߐ߫ ߡߐ߱ ߟߎ߬ ߣߌ߫ ߞߐߟߊ߫ ߡߐ߮ ߟߎ߬ ߏ߱ |
لَمَجْمُوعُونَ إِلَىٰ مِيقَاتِ يَوْمٍ مَّعْلُومٍ (50)
ߏ߬ ߓߍ߯ ߟߊߘߍ߬ߕߐ߫ ߟߏ߲߫ ߡߊߟߐ߲ߣߍ߲߫ ߟߐ߯ߟߊߣߍ߲ ߘߏ߫ ߟߋ߬ ߡߊ߬ ߕߘߋ߫ |
ثُمَّ إِنَّكُمْ أَيُّهَا الضَّالُّونَ الْمُكَذِّبُونَ (51)
ߏ߬ ߞߐ߫ ߸ ߤߍ߲߬ ߊߟߎ߬ ߝߟߌ߬ߓߊ߰ߒߕߋ߫ ߡߊ߬ߛߐ߬ߛߐ߬ߟߌ߬ߟߊ ߟߎ߬ |
لَآكِلُونَ مِن شَجَرٍ مِّن زَقُّومٍ (52)
ߊߟߎ߫ ߓߍߣߊ߬ ߝߙߎ߬ߡߐ߬ ߦߙߌ ߘߏ߫ ߘߊߥߎ߲߫ ߠߋ߬ ߖߐ߫ |
فَمَالِئُونَ مِنْهَا الْبُطُونَ (53)
ߞߊ߬ ߞߣߐߓߘߊ ߟߎ߬ ߞߐߟߌߦߐ߫ ߏ߬ ߘߐ߫ |
فَشَارِبُونَ عَلَيْهِ مِنَ الْحَمِيمِ (54)
ߞߊ߬ ߝߎߦߊߝߎߦߊ ߘߏ߫ ߡߌ߲߬ ߏ߬ ߞߊ߲߬ |
فَشَارِبُونَ شُرْبَ الْهِيمِ (55)
ߞߵߏ߬ ߓߌ߬ߙߌ߲߬ߘߌ߫ ߢߐ߯ߡߍ߫ ߡߌ߲߬ߟߐ߰ߕߐ ߕߊ ߞߍߢߊ ߡߊ߬ |
هَٰذَا نُزُلُهُمْ يَوْمَ الدِّينِ (56)
ߢߌ߲߬ ߠߎ߫ ߟߴߊ߬ߟߎ߬ ߢߍߛߌ߮ ߘߌ߫ ߛߙߊ߬ߟߌ ߟߏ߲ ߘߐ߫ |
نَحْنُ خَلَقْنَاكُمْ فَلَوْلَا تُصَدِّقُونَ (57)
ߒ߬ߠߎ߫ ߟߋ߫ ߞߵߊߟߎ߫ ߘߊ߲߫߸ ߥߟߊߞߏ߫ ߊߟߎ߫ ߕߘߍ߬ ߏ߬ ߕߎ߬ߢߊ߬ߕߌ߰ߦߊ߫ |
أَفَرَأَيْتُم مَّا تُمْنُونَ (58)
ߊߟߎ߫ ߞߵߊ߬ ߦߋ߫ ߓߊ߬ ߊߟߎ߫ ߦߋ߫ ߛߖߌ ߡߍ߲ ߠߊߞߎߌ߫ ߟߊ߫ |
أَأَنتُمْ تَخْلُقُونَهُ أَمْ نَحْنُ الْخَالِقُونَ (59)
ߊߟߎ ߟߴߏ߬ ߘߊ߲߫ ߠߊ߫ ߓߊ߬ ߥߟߊ߫ ߒ߬ߠߎ߫ ߟߋ߬ ߘߊ߲ߠߌ߲ߠߊ ߟߎ߬ ߘߌ߫؟ |
نَحْنُ قَدَّرْنَا بَيْنَكُمُ الْمَوْتَ وَمَا نَحْنُ بِمَسْبُوقِينَ (60)
ߒ߬ߠߎ߫ ߟߋ߫ ߞߊ߬ ߛߊ߬ߦߊ ߟߊߕߍ߰ ߊߟߎ߫ ߕߍ߫، ߒ߬ߠߎ߫ ߘߏ߲߬ ߕߍ߫ ߞߏ߬ߙߌ߬ߓߊ߯ ߟߎ߫ ߘߌ߫ |
عَلَىٰ أَن نُّبَدِّلَ أَمْثَالَكُمْ وَنُنشِئَكُمْ فِي مَا لَا تَعْلَمُونَ (61)
ߊߟߎ߫ ߡߊߝߊ߬ߟߋ߲ ߘߐ߫ ߊߟߎ߫ ߛߎ߯ ߜߘߍ߫ ߟߊ߫߸ ߞߵߊߟߎ߫ ߘߊ߲߫ ߝߋ߲߫ ߘߐ߫ ߊߟߎ߫ ߕߍ߫ ߡߍ߲ ߞߊ߬ߟߊߡߊ߬ |
وَلَقَدْ عَلِمْتُمُ النَّشْأَةَ الْأُولَىٰ فَلَوْلَا تَذَكَّرُونَ (62)
ߊߟߎ߫ ߘߏ߲߬ ߜߎ ߓߘߊ߫ ߘߊ߲ߠߌ߲߫ ߝߟߐ ߟߐ߲߫ ߸ ߥߟߊߞߏ߫ ߊߟߎ߫ ߕߘߍ߬ ߦߴߊߟߎ߫ ߕߊ߰ߛߌ߫ (ߏ߬ ߡߊ߬) |
أَفَرَأَيْتُم مَّا تَحْرُثُونَ (63)
ߊߟߎ߫ ߞߵߊ߬ ߦߋ߫ ߓߊ߬ ߊߟߎ߫ ߦߋ߫ ߝߋ߲ ߡߍ߲ ߛߣߍ߬ ߟߊ߫ |
أَأَنتُمْ تَزْرَعُونَهُ أَمْ نَحْنُ الزَّارِعُونَ (64)
ߊߟߎ ߟߴߏ߬ ߟߊߝߍߘߍ߲߫ ߠߊ߫ ߓߊ߬ ߥߟߊ߫ ߒ߬ߠߎ߫ ߟߋ߫ ߟߊ߬ߝߍ߬ߘߍ߲߬ߠߌ߲߬ߠߊ ߟߎ߬ ߘߌ߫؟ |
لَوْ نَشَاءُ لَجَعَلْنَاهُ حُطَامًا فَظَلْتُمْ تَفَكَّهُونَ (65)
ߊ߬ ߕߎ߲߬ ߓߊ߯ ߒ߬ ߘߌߦߊ߫߸ ߒ߬ ߕߘߍ߬ ߘߴߏ߬ ߞߍ߫ ߝߏ߬ߝߏ ߟߎ߬ ߘߌ߫ ߸ ߊߟߎ߫ ߕߎ߲߬ ߘߌ߫ ߕߋ߬ߟߋ߲߫ ߏ߬ ( ߓߐ߬ߣߐ ) ߘߐߞߓߊ߫ ߟߊ߫ |
إِنَّا لَمُغْرَمُونَ (66)
ߞߏ߫ ߖߎ߬ߟߎ ߓߘߊ߫ ߦߍ߬ߟߍ߫ ߒ߬ ߠߊ߫ ( ߝߘߏ߬ߓߋ ߛߍ߱ ߞߐ߫) |
بَلْ نَحْنُ مَحْرُومُونَ (67)
ߍ߲߬ߍ߲߫ ߸ ߒ߬ ߝߐߣߍ߲߫ ߠߴߊ߬ ( ߕߐ߬ߣߐ ) ߟߊ߫ |
أَفَرَأَيْتُمُ الْمَاءَ الَّذِي تَشْرَبُونَ (68)
ߊߟߎ߫ ߞߵߊ߬ ߦߋ߫ ߓߊ߬ ߊߟߎ߫ ߦߋ߫ ߖߌ ߡߍ߲ ߡߌ߲߬ ߠߊ߫ |
أَأَنتُمْ أَنزَلْتُمُوهُ مِنَ الْمُزْنِ أَمْ نَحْنُ الْمُنزِلُونَ (69)
ߊߟߎ ߟߴߏ߬ ߟߊߖߌ߰ ߟߊ߫ ߞߊ߬ ߓߐ߫ ߛߊ߲ߝߌ߲ ߘߐ߫ ߓߊ߬ ߥߟߊ߫ ߒ߬ߠߎ߫ ߟߋ߬ ߊ߬ ߟߊߖߌ߰ߓߊ߮ ߟߎ߬ ߘߌ߫؟ |
لَوْ نَشَاءُ جَعَلْنَاهُ أُجَاجًا فَلَوْلَا تَشْكُرُونَ (70)
ߊ߬ ߕߎ߲߬ ߓߊ߯ ߒ߬ ߘߌߦߊ߫ ߒ߬ ߕߘߍ߬ ߘߴߏ߬ ߞߍ߫ ( ߞߐ߰ߡߊ߫ ) ߛߞߊߞߊ ߘߌ߫، ߥߟߊߞߏ߫ ߊߟߎ߫ ߕߎ߲߬ ߦߴߏ߬ ( ߞߍߓߊߟߌߦߊ) ߞߏߢߌ߲ߡߊߟߐ߲ ߞߍ߫ |
أَفَرَأَيْتُمُ النَّارَ الَّتِي تُورُونَ (71)
ߊߟߎ߫ ߞߵߊ߬ ߦߋ߫ ߓߊ߬ ߊߟߎ߫ ߦߋ߫ ߕߊ ߡߍ߲ ߟߊߡߍߣߍ߲߫ ߠߊ߫ |
أَأَنتُمْ أَنشَأْتُمْ شَجَرَتَهَا أَمْ نَحْنُ الْمُنشِئُونَ (72)
ߊߟߎ ߟߋ߫ ߞߵߏ߬ ߦߙߌ ߘߊ߲߫ ߓߊ߬߸ ߥߟߊ߫ ߒ߬ߠߎ߫ ߟߋ߬ ߘߊ߲ߠߌ߲ߠߊ ߟߎ߬ ߘߌ߫؟ |
نَحْنُ جَعَلْنَاهَا تَذْكِرَةً وَمَتَاعًا لِّلْمُقْوِينَ (73)
ߒ߬ߠߎ߫ ߣߵߏ߬ ߞߍ߫ ߟߊ߫ ߕߊ߰ߛߌ߬ߞߏ߫ ߟߋ߬ ߘߌ߫ ߸ ߊ߬ ߣߌ߫ ߓߎ߰ߘߊ߬ ߟߊ߬ ߡߐ߮ ߟߎ߫ ߡߊ߬ߞߏ߬ߢߊ߬ ߝߋ߲߫ ߘߌ߫ |
فَسَبِّحْ بِاسْمِ رَبِّكَ الْعَظِيمِ (74)
ߒ߬ߓߊ߬ ߌߟߋ ߦߴߌ ߡߊ߰ߙߌ ߕߐ߮ ߛߊߣߌ߲ߧߊ߫ ߟߋ߬ ߞߟߋ߫ |
۞ فَلَا أُقْسِمُ بِمَوَاقِعِ النُّجُومِ (75)
ߍ߲߬ߍ߲߫ ߸ ߒ ߧߋ߫ ߒ ߞߊ߬ߟߌ߬ ߟߊ߫ ߟߋ߬ ߝߏ߬ߟߏ߲߬ߝߊߟߊ߲ ߠߎ߬ ߞߍߦߙߐ ߟߎ߬ ߟߊ߫ |
وَإِنَّهُ لَقَسَمٌ لَّوْ تَعْلَمُونَ عَظِيمٌ (76)
ߏ߬ ߦߋ߫ ߞߊ߬ߟߌ߬ߟߌ߬ߓߊ߫ ߟߋ߬ ߘߌ߫ ߘߋ߬ ߣߴߊߟߎ߫ ߓߴߊ߬ ߟߐ߲߫ ߠߊ߫ |
إِنَّهُ لَقُرْآنٌ كَرِيمٌ (77)
‹ ߞߎ߬ߙߊ߬ߣߊ › ߦߋ߫ ߘߐ߬ߛߊ߬ߙߌ߬ ߞߟߊߒߞߋ߫ ߟߋ߬ ߘߌ߫ ߘߋ߬ |
فِي كِتَابٍ مَّكْنُونٍ (78)
ߟߍߙߊ߫ ߟߊߕߊ߲߬ߞߊ߬ߣߍ߲ ߞߣߐ߫ |
لَّا يَمَسُّهُ إِلَّا الْمُطَهَّرُونَ (79)
ߡߐ߰ ߕߍ߫ ߡߊ߰ ߟߴߊ߬ ߟߊ߫ ߝߏ߫ ߛߊߣߌ߲ߧߊߓߊ߯ߕߐ ߟߎ߬ |
تَنزِيلٌ مِّن رَّبِّ الْعَالَمِينَ (80)
ߊ߬ ߟߊߖߌ߰ߣߍ߲߫ ߞߊ߬ ߝߘߊ߫ ߖߊ߯ߓߊ ߟߎ߫ ߡߊ߰ߙߌ ߟߋ߬ ߟߊ߫ |
أَفَبِهَٰذَا الْحَدِيثِ أَنتُم مُّدْهِنُونَ (81)
ߊߟߎ߫ ߦߴߏ߬ ߟߋ ߞߎߡߊ ߡߊߟߍ߬ߟߍ߬ߟߊ ߣߌ߲߬ ߓߊ߬؟ |
وَتَجْعَلُونَ رِزْقَكُمْ أَنَّكُمْ تُكَذِّبُونَ (82)
ߊ߬ ߣߴߊߟߎ߫ ߘߴߊߟߎ߫ ߤߊ߬ߙߌ߬ߖߍ߮ ( ߞߏߢߌߡߊߟߐ߲ ) ߞߍ߫ ߡߊ߬ߛߐ߬ߛߐ߬ߟߌ ߘߌ߫ |
فَلَوْلَا إِذَا بَلَغَتِ الْحُلْقُومَ (83)
ߣߌ߫ ߣߌ ߛߋ߫ ߘߊ߫ ߞߊ߲ߥߐߙߐ߲ߞߐ߲ߕߐ߲ ߘߐ߫ ߕߎ߬ߡߊ ߡߍ߲ |
وَأَنتُمْ حِينَئِذٍ تَنظُرُونَ (84)
ߞߵߊ߬ ߕߘߍ߬ ߊߟߎ߫ ߢߊ ߓߍ߲߬ߣߍ߲߫ ߞߊ߬ߟߏ߬ߕߐ ߡߊ߬ |
وَنَحْنُ أَقْرَبُ إِلَيْهِ مِنكُمْ وَلَٰكِن لَّا تُبْصِرُونَ (85)
ߒ߬ߠߎ߫ ߟߋ߫ ߛߎ߬ߘߎ߲߬ߡߊ߲߫ ߊ߬ ߟߴߊߟߎ߫ ߘߌ߫، ߞߏ߬ߣߌ߲߬ ߊߟߎ߫ ߕߍ߫ ߦߋߟߌ߫ ߟߋ߬ ߞߍ߫ ߟߊ߫ |
فَلَوْلَا إِن كُنتُمْ غَيْرَ مَدِينِينَ (86)
ߣߴߊߟߎ߫ ߕߎ߲߬ ߞߍ߫ ߘߊ߫ ߘߛߍߓߊߟߌ ߟߎ߬ ߘߌ߫ |
تَرْجِعُونَهَا إِن كُنتُمْ صَادِقِينَ (87)
ߊߟߎ߫ ߕߘߍ߬ ߘߴߏ߬ ( ߣߌ ) ߟߊߛߊ߬ߦߌ߫ ߞߍ߬ ߣߴߊߟߎ߫ ߦߋ߫ ߕߎ߬ߢߊ߬ ߕߌ߯ ߟߎ߫ ߘߌ߫ |
فَأَمَّا إِن كَانَ مِنَ الْمُقَرَّبِينَ (88)
ߣߌ߫ ‹ ߛߊ߬ߓߊ߮› ߞߍ߫ ߘߊ߫ ߡߊ߬ߛߎ߬ߘߎ߲߬ߧߊ߬ߓߊ߮ ߟߎ߬ ߘߏ߫ ߘߌ߫ ߏ߬ ߘߐ߫ |
فَرَوْحٌ وَرَيْحَانٌ وَجَنَّتُ نَعِيمٍ (89)
ߢߐߢߐ߲ߠߌ߲߫ ߠߴߊ߬ ߦߋ߫ ߸ ߊ߬ ߣߌ߫ ߘߊߦߟߌߡߍ ߣߌ߫ ߣߍߡߊ ߣߊߞߐ |
وَأَمَّا إِن كَانَ مِنْ أَصْحَابِ الْيَمِينِ (90)
ߣߌ߫ ‹ ߌߟߋ ߛߊ߬ߓߊ߮› ߞߍ߫ ߘߊ߫ ߓߟߏߓߘߍߟߞߊ ߟߎ߬ ߘߏ߫ ߘߌ߫ ߏ߬ ߘߐ߫ |
فَسَلَامٌ لَّكَ مِنْ أَصْحَابِ الْيَمِينِ (91)
ߝߏ߬ߟߌ ߟߵߌ ߦߋ߫ ߞߊ߬ ߝߘߊ߫ ߓߟߏߓߘߍߟߞߊ ߟߎ߬ ߟߊ߫ ߏ߬ ߘߐ߫ |
وَأَمَّا إِن كَانَ مِنَ الْمُكَذِّبِينَ الضَّالِّينَ (92)
ߣߌ߫ ‹ ߛߊ߬ߓߊ߮ › ߘߏ߲߬ ߞߍ߫ ߘߊ߫ ߡߊ߬ߛߐ߬ߛߐ߬ߟߌ߬ߟߊ߫ ߝߟߌ߬ߓߊ߰ߒߕߋ ߟߎ߬ ߘߏ߫ ߘߌ߫ |
فَنُزُلٌ مِّنْ حَمِيمٍ (93)
ߊ߬ ߖߌ߬ߦߊ߬ߘߊ ߘߌ߫ ߞߍ߫ ߝߎߦߊߝߎߦߊ ߘߏ߫ ߘߌ߫ |
وَتَصْلِيَةُ جَحِيمٍ (94)
ߊ߬ ߣߌ߫ ߥߋ߲߯ߓߋ ߘߐ߫ ߘߏ߲߭ ߘߌ߫ |
إِنَّ هَٰذَا لَهُوَ حَقُّ الْيَقِينِ (95)
ߡߍ߲ ( ߝߐ߫ ߞߊ߲߫ ) ߦߋ߫ ߣߌ߲߬ ߘߌ߫ ߸ ߕߎ߬ߢߊ ߔߊߞߌߛߊ ߟߋ߬ |
فَسَبِّحْ بِاسْمِ رَبِّكَ الْعَظِيمِ (96)
ߌߟߋ ߦߴߌ ߡߊ߰ߙߌ߬ߓߊ ߕߐ߮ ߟߊߜߍ߫ ߏ߬ ߘߐ߫ ߟߋ߬ ߘߋ߬ |
