وَالنَّازِعَاتِ غَرْقًا (1)
ߊ߰ ߒ ߣߌ߫ ߓߏ߬ߛߟߌ߬ߟߊ ߟߎ߬ ߕߍ߫ ߔߏߦߌ߫ |
وَالنَّاشِطَاتِ نَشْطًا (2)
ߊ߰ ߒ ߣߌ߫ ߣߌߘߐߘߌߦߟߊ ߟߎ߬ ߕߍ߫ ߝߊ߲ߛߊ߲߫ |
وَالسَّابِحَاتِ سَبْحًا (3)
ߊ߰ ߒ ߣߌ߫ ߣߊߥߎ߲ߠߌ߲ߠߊ ߟߎ߬ ߕߍ߫ ߔߌߘߏ߲ߔߌߘߏ߲߫ |
فَالسَّابِقَاتِ سَبْقًا (4)
ߊ߰ ߒ ߣߌ߫ ߓߏ߬ߙߌ߬ߘߐ߬ߞߢߊ߬ߟߊ ߟߎ߬ ߕߍ߫ ߓߘߌߓߘߌ߫ |
فَالْمُدَبِّرَاتِ أَمْرًا (5)
ߏ߬ ߞߐ߫ ߸ ߊ߰ ߒ ߣߌ߫ ߞߏߢߊ ( ߟߎ߫ ) ߝߙߍ߬ ߘߐ߬ߓߍ߲߬ߠߊ ߟߎ߬ ߕߍ߫ |
يَوْمَ تَرْجُفُ الرَّاجِفَةُ (6)
ߟߊ߬ߦߍ߬ߙߍ߲߬ߠߌ߲߬ߠߊ ߦߋ߫ ߟߊ߬ߦߍ߬ߙߍ߲߬ߠߌ߲ ߞߍ߫ ߟߊ߫ ߟߏ߲ ߡߍ߲ ( ߜߌߚߌ߫) |
تَتْبَعُهَا الرَّادِفَةُ (7)
ߛߊ߯ߘߊߟߌߟߊ ߘߴߏ߬ ߣߐ߬ߡߌ߬ߣߊ߬ |
قُلُوبٌ يَوْمَئِذٍ وَاجِفَةٌ (8)
ߖߎ߬ߛߎ ߟߎ߬ ߦߋ߫ ߞߟߎ߫ ߟߴߏ߬ ߟߏ߲ ߠߋ߬ (ߛߌߟߊ߲ ߡߊ߬) |
أَبْصَارُهَا خَاشِعَةٌ (9)
ߊ߬ߟߎ߬ ߟߊ߫ ߦߋߟߌ ߟߎ߬ ߦߋ߫ ߞߌߛߐ߫ |
يَقُولُونَ أَإِنَّا لَمَرْدُودُونَ فِي الْحَافِرَةِ (10)
ߟߎ߬ ߦߴߊ߬ ߝߐ ߞߊ߲߬ ߞߏ߫ ߊ߬ ߝߐ߫ ߊ߲ ߠߊߛߊ߬ߦߌ߲߬ߕߐ߫ ߟߋ߬ ߊ߲ ߢߊ߫ ߞߘߐ ( ߥߟߌߞߏ ߡߊߛߐ߬ߛߐ߬ߓߊ߮ ) ߡߊ߬ ߓߊ߬؟ |
أَإِذَا كُنَّا عِظَامًا نَّخِرَةً (11)
ߊ߲ ߞߍߣߍ߲ ߞߐ߫ ߞߟߏ߫ ߡߎ߰ߡߎ߰ߣߍ߲ ߠߎ߬ ߘߌ߫ ߞߊ߬ߣߌ߲߫؟ |
قَالُوا تِلْكَ إِذًا كَرَّةٌ خَاسِرَةٌ (12)
ߞߴߏ߬ ߘߏ߲߬ ߦߋ߫ ߞߐߛߊߦߌ߲߫ ߜߊ߲ߛߊ߲߫ ߘߴߏ߬ ߘߐ߫ ߘߋ߬؟ |
فَإِنَّمَا هِيَ زَجْرَةٌ وَاحِدَةٌ (13)
ߤߊ߫߸ ߏ߬ ߦߋ߫ ߟߊ߬ߜߎ߬ߝߎ߲߬ߠߌ߲߬ ߞߋߟߋ߲߫ ߔߋ߫ ߟߋ߬ ߘߌ߫ ߘߋ߬ |
فَإِذَا هُم بِالسَّاهِرَةِ (14)
ߘߊ߬ߡߊ߲߬ߛߊ߫ ߊ߬ߟߎ߬ ߓߍ߯ ߓߘߊ߫ ߛߋ߫ ߘߎ߰ߜߍ ߞߊ߲߬ |
هَلْ أَتَاكَ حَدِيثُ مُوسَىٰ (15)
ߦߊ߯ߟߊ߫ ߡߎߛߊߞߏ ߓߊ߬ߘߏ ߣߊ߬ ߘߴߌ ߡߊ߬ ߓߊ߬؟ |
إِذْ نَادَاهُ رَبُّهُ بِالْوَادِ الْمُقَدَّسِ طُوًى (16)
ߊ߬ ߡߊ߰ߙߌ ߞߵߊ߬ ߞߟߌ߫ ߕߏߥߊ߫ ߝߙߊ߬ ߛߊߣߌ߲ ߘߟߊ߫ ߕߎ߬ߡߊ ߡߍ߲ |
اذْهَبْ إِلَىٰ فِرْعَوْنَ إِنَّهُ طَغَىٰ (17)
ߕߊ߯ ߝߋߙߊߥߎ߲߫ ߕߘߍ߬ ߓߊ߫߸ ߓߊߏ߬ ߊ߬ ߓߘߊ߫ ߘߊ߲߬ߠߊߕߊ߬ߡߌ߲߫ |
فَقُلْ هَل لَّكَ إِلَىٰ أَن تَزَكَّىٰ (18)
ߌ ߦߴߊ߬ ߝߐ߫ ߞߴߌ ߦߴߊ߬ ߝߍ߬ ߞߊ߬ ߛߊߣߌ߲ߧߊ߫ ߓߊ߬؟ |
وَأَهْدِيَكَ إِلَىٰ رَبِّكَ فَتَخْشَىٰ (19)
ߊ߬ ߣߌ߫ ߒ ߧߴߌ ߞߊ߲ߘߊ߫ ߌ ߡߊ߰ߙߌ ߡߊ߬߸ ߊ߬ ߢߍߡߌߙߌ߲ ߦߋ߫ ߞߴߌ ߟߊ߫ |
فَأَرَاهُ الْآيَةَ الْكُبْرَىٰ (20)
ߊ߬ ߞߊ߬ ߡߊ߲߬ߕߊ߬ߣߌ߲߬ ߓߟߋߓߟߋ ߦߌ߬ߘߴߊ߬ ߟߊ߫ ߏ߬ ߟߋ ߘߐ߫ |
فَكَذَّبَ وَعَصَىٰ (21)
ߞߏ߬ߣߵߊ߬ ߞߵߊ߬ ߥߎߦߊߒߕߋߦߊ߫ ߞߵߊ߬ ߡߊߛߐ߬ߛߐ߬ |
ثُمَّ أَدْبَرَ يَسْعَىٰ (22)
ߏ߬ ߞߐ߫ ߸ ߞߵߊ߬ ߞߐߘߏ߲߬ ߕߊ߯ߡߊ ߘߌ߫ ߛߐߍ߫ |
فَحَشَرَ فَنَادَىٰ (23)
ߞߊ߬ ߟߊ߬ߘߍ ߞߍ߫ ߏ߬ ߘߐ߫ ߞߊ߬ ߞߟߋߞߟߋߡߊߦߟߍ ߓߍ߯ ߞߍ߫ |
فَقَالَ أَنَا رَبُّكُمُ الْأَعْلَىٰ (24)
ߞߵߊ߬ ߟߊߛߋ߫ ߏ߬ ߘߐ߫ ߞߏ߫ ߒߠߋ ߟߴߊߟߎ߫ ߡߊ߰ߙߌ߬ ߞߘߐߕߊ߬ߣߍ߲߬ߓߊ ߘߌ߫ |
فَأَخَذَهُ اللَّهُ نَكَالَ الْآخِرَةِ وَالْأُولَىٰ (25)
ߊߟߊ߫ ߞߵߊ߬ ߕߍߕߊ߬ ߛߎ߬ߟߊ߫ ߣߌ߫ ߞߌߢߍ߲߫ ߓߌ߲߬ߓߊߏ ߟߊ߫ ߏ߬ ߟߋ ߘߐ߫ |
إِنَّ فِي ذَٰلِكَ لَعِبْرَةً لِّمَن يَخْشَىٰ (26)
ߤߊ߲߫߸ ߕߊ߰ߛߌ߬ߟߌ߫ ߟߴߏ߬ ߘߐ߫ ( ߊߟߊߞߏ ) ߢߍ߬ߣߍ߲߬ߕߐ ߦߋ߫ ߘߋ߬ |
أَأَنتُمْ أَشَدُّ خَلْقًا أَمِ السَّمَاءُ ۚ بَنَاهَا (27)
ߐ߲߬ߤߐ߲߫ ߸ ߊߟߎ ߟߋ߬ ߘߊ߲ ߞߊ߫ ߜߍ߬ߟߍ߲߫ ߓߊ߬ ߥߟߊ߫ ߛߊ߲߸ ߊ߬ ߘߏ߲߬ ߞߵߏ ߟߐ߬ |
رَفَعَ سَمْكَهَا فَسَوَّاهَا (28)
ߞߵߏ߬ ߓߟߌ ߞߘߐߕߊ߬ ߞߵߊ߬ ߟߊߞߢߊ߫ |
وَأَغْطَشَ لَيْلَهَا وَأَخْرَجَ ضُحَاهَا (29)
ߊ߬ ߣߴߊ߬ ߞߵߊ߬ ߛߎ ߘߌ߬ߓߌߘߏ߲߬ ߸ ߞߵߊ߬ ߛߎ߲߰ߕߟߋ ߞߣߍߦߊ ߟߊߓߐ߫ |
وَالْأَرْضَ بَعْدَ ذَٰلِكَ دَحَاهَا (30)
ߊ߬ ߞߊ߬ ߘߎ߱ ߘߐߝߎߟߋ߲߫ ߏ߬ ߟߋ ߞߐ߫ |
أَخْرَجَ مِنْهَا مَاءَهَا وَمَرْعَاهَا (31)
ߞߵߊ߬ ߖߌ ߟߊߓߐ߫ ߊ߬ ߞߣߐ߫ ߸ ߊ߬ ߣߴߊ߬ ߖߍߥߎߟߍ |
وَالْجِبَالَ أَرْسَاهَا (32)
ߊ߬ ߣߴߊ߬ ߞߊ߬ ߞߎ߬ߙߎ ߟߎ߬ ߕߘߎ߫ |
مَتَاعًا لَّكُمْ وَلِأَنْعَامِكُمْ (33)
ߘߊ߰ߡߎ߲ ߘߌ߫ ߊߟߎ߫ ߣߴߊߟߎ߫ ߟߊ߫ ߓߌߦߊ߲ ߠߎ߬ ߦߋ߫ |
فَإِذَا جَاءَتِ الطَّامَّةُ الْكُبْرَىٰ (34)
ߒ߬ߓߊ߬ ߣߌ߫ ߥߙߊ߬ߒ߬ߘߊ߬ߡߊ߫ ߓߟߋ߬ߓߟߋ ߣߊ߬ ߘߊ߫ ߕߎ߬ߡߊ ߡߍ߲ |
يَوْمَ يَتَذَكَّرُ الْإِنسَانُ مَا سَعَىٰ (35)
ߡߐ߱ ߘߴߊ߬ ߦߟߌߓߌ߬ߟߴߊ߬ ߗߋߥߊߟߌ߫ ߞߍߣߍ߲ ߘߐ߫ ߏ߬ ߟߏ߲ |
وَبُرِّزَتِ الْجَحِيمُ لِمَن يَرَىٰ (36)
ߊ߬ ߣߌ߫ ߥߋ߲߯ߓߋ ߘߌ߫ ߟߊߓߐ߫ ߜߍ ߘߐ߫ ߦߋߟߌߟߊ ߢߊߞߘߐ߫ |
فَأَمَّا مَن طَغَىٰ (37)
ߒ߬ߓߊ߬ ߣߌ߫ ߡߍ߲ ߣߐ߬ ߞߍ߫ ߘߊ߫ ߘߊ߲߬ߠߊ߬ߕߊߡߌ߲ ߞߍ߫ ߟߊ߫ |
وَآثَرَ الْحَيَاةَ الدُّنْيَا (38)
ߊ߬ ߣߴߊ߬ ߞߊ߬ ߘߎߢߊ߫ ߢߣߊߡߦߊ ߛߎߥߊ߲ߘߌ߫ |
فَإِنَّ الْجَحِيمَ هِيَ الْمَأْوَىٰ (39)
ߥߋ߲߯ߓߋ ߟߴߏ߬ ߡߊߞߍ߫ ߦߌߟߊ ߘߌ߫ ߏ߬ ߘߐ߫ ߘߋ߬ |
وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَىٰ (40)
ߒ߬ߓߊ߬ ߣߌ߫ ߡߍ߲ ߛߌߟߊ߲ߣߍ߲߫ ߞߍ߫ ߘߴߊ߬ ߡߊ߰ߙߌ ߓߘߊ߫ ߟߐ ߢߍ߫ ߛߊ߫߸ ߊ߬ ߣߌ߫ ߞߵߊ߬ ߣߌ ߝߊߕߊ߲ߕߌ߫ ߣߋ߬ߦߌ ߟߎ߫ ߡߊ߬ |
فَإِنَّ الْجَنَّةَ هِيَ الْمَأْوَىٰ (41)
ߡߍ߲ߘߌߦߊ߫ ߟߴߏ߬ ߡߊߞߍ߫ ߦߌߟߊ ߘߌ߫ ߛߋߚߋ߫ |
يَسْأَلُونَكَ عَنِ السَّاعَةِ أَيَّانَ مُرْسَاهَا (42)
ߊ߬ߟߎ߬ ߦߴߌߟߋ ߢߌ߬ߣߌ߲߬ߞߊ߬ ߟߊ߫ (ߟߐ߬ߓߊ) ߕߎ߬ߡߊ ߡߊ߬߸ ߞߴߏ߬ ߞߍߕߐ߫ ߕߎ߬ߡߊ ߢߌ߬ߡߊ߲߬؟ |
فِيمَ أَنتَ مِن ذِكْرَاهَا (43)
ߌߟߋ ߕߊ ߢߌ߬ߡߊ߲߫ ߠߴߏ߬ ߞߏߝߐ ߘߐ߫؟ |
إِلَىٰ رَبِّكَ مُنتَهَاهَا (44)
ߏ߬ ߞߐߘߊ߲ ߦߋ߫ ߞߊߕߙߍ߬ ߌ ߡߊ߰ߙߌ ߟߋ߫ ߡߊ߬ |
إِنَّمَا أَنتَ مُنذِرُ مَن يَخْشَاهَا (45)
ߊ߬ ߞߎ߬ߘߎ ߦߋ߫ ߡߍ߲ ߞߊ߲ߠߊ߫ ߌߟߋ ߦߋ߫ ߖߊ߬ߛߙߋ߬ߡߟߊ߬ߓߊ߮ ߘߴߏ߬ ߟߋ ߦߋ߫ |
كَأَنَّهُمْ يَوْمَ يَرَوْنَهَا لَمْ يَلْبَثُوا إِلَّا عَشِيَّةً أَوْ ضُحَاهَا (46)
ߊ߬ߟߎ߬ ߞߍߕߐ߫ ߊ߬ ߦߋ߫ ߟߊ߫ ߟߏ߲ ߡߍ߲ ߸ ߊ߬ߟߎ߬ ߘߌ߫ ߞߍ߫ ߦߏ߫ ߊ߬ߟߎ߬ ߡߊ߫ ߥߛߎ߬ ߛߌ߫ ߞߍ߫ (ߘߎߢߊ߫ ߘߐ߫) ߝߏ߫ ߥߎ߬ߙߘߊ߬ߣߍ߲߬ ߞߋߟߋ߲߫ ߸ ߥߟߊ߫ ߏ߬ ߛߐ߰ߡߘߊ߬ߣߍ߲߫ |
