لَا أُقْسِمُ بِهَٰذَا الْبَلَدِ (1)
Ndahiriye kuri uyu mujyi (wa Maka) |
وَأَنتَ حِلٌّ بِهَٰذَا الْبَلَدِ (2)
No kuri wowe (Ntumwa Muhamadi) utuye uyu mujyi |
وَوَالِدٍ وَمَا وَلَدَ (3)
No ku mubyeyi (Adamu) n’abo yabyaye |
لَقَدْ خَلَقْنَا الْإِنسَانَ فِي كَبَدٍ (4)
Mu by’ukuri, twaremye umuntu kugira ngo (abeho) mu ngorane |
أَيَحْسَبُ أَن لَّن يَقْدِرَ عَلَيْهِ أَحَدٌ (5)
Ese akeka ko nta n’umwe wamushobora |
يَقُولُ أَهْلَكْتُ مَالًا لُّبَدًا (6)
Aravuga ati "Nakoresheje umutungo mwinshi |
أَيَحْسَبُ أَن لَّمْ يَرَهُ أَحَدٌ (7)
Ese akeka ko nta n’umwe umubona |
أَلَمْ نَجْعَل لَّهُ عَيْنَيْنِ (8)
Ese ntitwamuhaye amaso abiri |
وَلِسَانًا وَشَفَتَيْنِ (9)
Ndetse n’ururimi n’iminwa ibiri |
وَهَدَيْنَاهُ النَّجْدَيْنِ (10)
Tukanamwereka inzira ebyiri (iy’icyiza n’ikibi) |
فَلَا اقْتَحَمَ الْعَقَبَةَ (11)
Ariko ntiyigeze ashaka kunyura mu nzira igoranye (iganisha ku byiza n’intsinzi) |
وَمَا أَدْرَاكَ مَا الْعَقَبَةُ (12)
Ese ni iki cyakumenyesha iyo nzira igoranye |
فَكُّ رَقَبَةٍ (13)
(Ni) ukubohora umucakara |
أَوْ إِطْعَامٌ فِي يَوْمٍ ذِي مَسْغَبَةٍ (14)
Cyangwa gutanga amafunguro ku munsi w’amapfa |
يَتِيمًا ذَا مَقْرَبَةٍ (15)
(Ayo mafunguro ukayaha) imfubyi mufitanye isano rya bugufi |
أَوْ مِسْكِينًا ذَا مَتْرَبَةٍ (16)
Cyangwa umukene (uryamye) mu ivumbi (uri mu kaga) |
ثُمَّ كَانَ مِنَ الَّذِينَ آمَنُوا وَتَوَاصَوْا بِالصَّبْرِ وَتَوَاصَوْا بِالْمَرْحَمَةِ (17)
Hanyuma akaba umwe mu bemeramana, bakanagirana inama zo kwihangana ndetse bakanagirana inama zo kugira impuhwe |
أُولَٰئِكَ أَصْحَابُ الْمَيْمَنَةِ (18)
Abo ni abo mu kuboko kw’iburyo (mu Ijuru) |
وَالَّذِينَ كَفَرُوا بِآيَاتِنَا هُمْ أَصْحَابُ الْمَشْأَمَةِ (19)
Naho abahakanye amagambo yacu, ni abo mu kuboko kw’ibumoso (mu muriro) |
عَلَيْهِمْ نَارٌ مُّؤْصَدَةٌ (20)
Bazaba bafungiranye mu muriro (badafite aho binjirira n’aho basohokera) |
