اقْرَأْ بِاسْمِ رَبِّكَ الَّذِي خَلَقَ (1)
Soma ku izina rya Nyagasani wawe waremye (ibiriho byose) |
خَلَقَ الْإِنسَانَ مِنْ عَلَقٍ (2)
Yaremye umuntu mu rusoro rw’amaraso |
اقْرَأْ وَرَبُّكَ الْأَكْرَمُ (3)
Soma! Kandi Nyagasani wawe ni Umunyacyubahiro uhebuje |
الَّذِي عَلَّمَ بِالْقَلَمِ (4)
We wigishije (umuntu kwandika) akoresheje ikaramu |
عَلَّمَ الْإِنسَانَ مَا لَمْ يَعْلَمْ (5)
Yigishije umuntu ibyo atari azi |
كَلَّا إِنَّ الْإِنسَانَ لَيَطْغَىٰ (6)
Oya! Mu by’ukuri, umuntu ararengera (arahakana kandi agakora ibibi) |
أَن رَّآهُ اسْتَغْنَىٰ (7)
Iyo amaze kubona ko yihagije (kubera ibyo atunze) |
إِنَّ إِلَىٰ رَبِّكَ الرُّجْعَىٰ (8)
Mu by’ukuri, (umenye ko) kwa Nyagasani wawe ari ho garukiro |
أَرَأَيْتَ الَّذِي يَنْهَىٰ (9)
Ese (yewe Muhamadi) wabonye wawundi (Abu Jahl) ubuza |
عَبْدًا إِذَا صَلَّىٰ (10)
Umugaragu (wacu Muhamadi) gusenga |
أَرَأَيْتَ إِن كَانَ عَلَى الْهُدَىٰ (11)
Ese yabuza ate (umugaragu wacu) aramutse ari mu nzira y’ukuri |
أَوْ أَمَرَ بِالتَّقْوَىٰ (12)
Cyangwa ari gukangurira (abantu) gukora ibyiza, (mbwira icyaba iherezo ry’umubuza) |
أَرَأَيْتَ إِن كَذَّبَ وَتَوَلَّىٰ (13)
Ngaho mbwira (Abu Jahl) aramutse ahinyura (ukuri) akanatera umugongo |
أَلَمْ يَعْلَم بِأَنَّ اللَّهَ يَرَىٰ (14)
Ese ntabwo azi ko Allah abona (ibyo akora) |
كَلَّا لَئِن لَّمْ يَنتَهِ لَنَسْفَعًا بِالنَّاصِيَةِ (15)
Oya! Natarekera aho, tuzamufata uruhanga rwe turukururire mu muriro |
نَاصِيَةٍ كَاذِبَةٍ خَاطِئَةٍ (16)
Uruhanga rubeshya, rw’urunyabyaha |
فَلْيَدْعُ نَادِيَهُ (17)
Ngaho nahamagare abambari be |
سَنَدْعُ الزَّبَانِيَةَ (18)
Natwe tuzahamagara (abamalayika bacu) barinda umuriro (bamukanire urumukwiye) |
كَلَّا لَا تُطِعْهُ وَاسْجُدْ وَاقْتَرِب ۩ (19)
Oya! (Yewe Muhamadi), ntukamwumvire (Abu Jahl), ahubwo ujye wubama (usenga) uniyegereze Allah |
