وَالسَّمَاءِ وَالطَّارِقِ (1)
Мен Асманга жана түндөсү келүүчүгө ант ичемин |
وَمَا أَدْرَاكَ مَا الطَّارِقُ (2)
(О, Мухаммад) сен түндө келүүчү (Таарик) эмне экенин билбейсиң |
النَّجْمُ الثَّاقِبُ (3)
Ал (нуру менен караңгылыкты) тешүүчү жылдыз |
إِن كُلُّ نَفْسٍ لَّمَّا عَلَيْهَا حَافِظٌ (4)
Бардык адам(дар)дын үстүндө сактоочу периште бар |
فَلْيَنظُرِ الْإِنسَانُ مِمَّ خُلِقَ (5)
Эми, инсан өзүнүн эмнеден жаралганына байкоо салсын |
خُلِقَ مِن مَّاءٍ دَافِقٍ (6)
Атырылган (бел) суудан жаратылган |
يَخْرُجُ مِن بَيْنِ الصُّلْبِ وَالتَّرَائِبِ (7)
(Ал суу) омуртка жана көкүрөк кабынын арасынан (бөлүнүп) чыгат |
إِنَّهُ عَلَىٰ رَجْعِهِ لَقَادِرٌ (8)
Ал (Аллаһ) аны (экинчи ирет дагы жашоого) кайтарууга кудуреттүү |
يَوْمَ تُبْلَى السَّرَائِرُ (9)
Сырлар ашкереленген (Кыямат) күндө |
فَمَا لَهُ مِن قُوَّةٍ وَلَا نَاصِرٍ (10)
(Ал күнү) ага эч бир кудурет, эч бир жардам берүүчү болбойт |
وَالسَّمَاءِ ذَاتِ الرَّجْعِ (11)
Асманга ант, кайра-кайра жааган жамгырлуу |
وَالْأَرْضِ ذَاتِ الصَّدْعِ (12)
Жерге ант, жарып чыккан өсүмдүктүү |
إِنَّهُ لَقَوْلٌ فَصْلٌ (13)
Ал (Кураан) аныгында (акыйкат менен жалганды) ажыратуучу Сөз |
وَمَا هُوَ بِالْهَزْلِ (14)
Азил-тамаша (сөз) эмес |
إِنَّهُمْ يَكِيدُونَ كَيْدًا (15)
Алар (каапырлар динге каршы) айла амалдарды жасашат |
وَأَكِيدُ كَيْدًا (16)
Мен дагы амалкерлик кыламын |
فَمَهِّلِ الْكَافِرِينَ أَمْهِلْهُمْ رُوَيْدًا (17)
Эми, сен (О, Мухаммад) каапырларды койо тур. Аларга бир аз гана мөөнөт бер |
