لَا أُقْسِمُ بِيَوْمِ الْقِيَامَةِ (1)
Ulon meusumpah lon ngon uroe nyan Kiamat yoh nyan hebat sileupah |
وَلَا أُقْسِمُ بِالنَّفْسِ اللَّوَّامَةِ (2)
Ulon meusumpah ngon napsu nyang got Meunyo hana got jikheun nyan salah |
أَيَحْسَبُ الْإِنسَانُ أَلَّن نَّجْمَعَ عِظَامَهُ (3)
Peue nyang jisangka le manusia Hana kuasa kamoe that leupah Tuleung jih han ek Kamoe peusapat |
بَلَىٰ قَادِرِينَ عَلَىٰ أَن نُّسَوِّيَ بَنَانَهُ (4)
Nyang leubeh lom brat ek Kamoe ulah Ujong jaroe jih ek meupeusaban |
بَلْ يُرِيدُ الْإِنسَانُ لِيَفْجُرَ أَمَامَهُ (5)
Teutapi insan napsu keu salah Napsu jimaksiet hana jipiyoh |
يَسْأَلُ أَيَّانَ يَوْمُ الْقِيَامَةِ (6)
Jikheun pajan troh peue nyang tapeugah Uroe kiamat pajan troh teuka |
فَإِذَا بَرِقَ الْبَصَرُ (7)
‘Oh teuglong mata jih peue jipeugah |
وَخَسَفَ الْقَمَرُ (8)
Watee ka gadoh cahaya buleun |
وَجُمِعَ الشَّمْسُ وَالْقَمَرُ (9)
Meunan pih buleuen geupinah sudah Ngon mata uroe jih geupeusapat |
يَقُولُ الْإِنسَانُ يَوْمَئِذٍ أَيْنَ الْمَفَرُّ (10)
Watee nyan meuhat seungap dum babah Nyang na jeuet jikheun ho takeumeung pluen; Gata nyoe bandum cit ka Iheuh salah |
كَلَّا لَا وَزَرَ (11)
Tapi hana le jalan rot taplueng |
إِلَىٰ رَبِّكَ يَوْمَئِذٍ الْمُسْتَقَرُّ (12)
Teutap uroe nyan keudeh bak Allah |
يُنَبَّأُ الْإِنسَانُ يَوْمَئِذٍ بِمَا قَدَّمَ وَأَخَّرَ (13)
Geubri thee bandum bak manusia Uroe nyan teuma dumpeue geupeugah Nyang ka jipubuet got goh jipubuet |
بَلِ الْإِنسَانُ عَلَىٰ نَفْسِهِ بَصِيرَةٌ (14)
Atra nyan nyang buet droe jieu sudah Droejih keu saksi sit deuh jikalon |
وَلَوْ أَلْقَىٰ مَعَاذِيرَهُ (15)
Bah le beu jikheun jih hana salah |
لَا تُحَرِّكْ بِهِ لِسَانَكَ لِتَعْجَلَ بِهِ (16)
Bek tagrak dilee nyan lidah gata Takeumeung baca bagah that leupah |
إِنَّ عَلَيْنَا جَمْعَهُ وَقُرْآنَهُ (17)
Kamoe peusapat teuma meubaca |
فَإِذَا قَرَأْنَاهُ فَاتَّبِعْ قُرْآنَهُ (18)
‘Oh kamoe baca tatiree bagah |
ثُمَّ إِنَّ عَلَيْنَا بَيَانَهُ (19)
Lheuh nyan meukeusud jih kamoe peutrang |
كَلَّا بَلْ تُحِبُّونَ الْعَاجِلَةَ (20)
Tapi gata dum laen that ulah Galak teuh that-that keu seunang donya |
وَتَذَرُونَ الْآخِرَةَ (21)
Akhirat teuma ka roh takeubah |
وُجُوهٌ يَوْمَئِذٍ نَّاضِرَةٌ (22)
Uroe nyan teuma na muka nyang gleh |
إِلَىٰ رَبِّهَا نَاظِرَةٌ (23)
Jieu Tuhan jih seunang jih leupah |
وَوُجُوهٌ يَوْمَئِذٍ بَاسِرَةٌ (24)
Teuma uroe nyan na muka nyang krot |
تَظُنُّ أَن يُفْعَلَ بِهَا فَاقِرَةٌ (25)
Akan geutuntut yakin jih sudah Meuhajat that jih jikeumeung gisa |
كَلَّا إِذَا بَلَغَتِ التَّرَاقِيَ (26)
Tapi nyawong ka bak uram lidah Meu ka troh nyawong keunan bak reukueng |
وَقِيلَ مَنْ ۜ رَاقٍ (27)
Laju geutanyong soe keumeung rajah |
وَظَنَّ أَنَّهُ الْفِرَاقُ (28)
Jiyakin yoh nyan jih nyan ka meucre |
وَالْتَفَّتِ السَّاقُ بِالسَّاقِ (29)
Hana jalan le soe keumeung peuglah Beuteh ngon beuteh meutindeh lapeh |
إِلَىٰ رَبِّكَ يَوْمَئِذٍ الْمَسَاقُ (30)
Bak puteh keudeh bandum meulangkah |
فَلَا صَدَّقَ وَلَا صَلَّىٰ (31)
Yoh dilee sulet jikheun keu nabi Sembahyang lagi di jih jikeubah Hana tom di jih pubuet seumbahyang |
وَلَٰكِن كَذَّبَ وَتَوَلَّىٰ (32)
Tapi jibangkang bandum jibantah Jipaleng muka jijak ho laen |
ثُمَّ ذَهَبَ إِلَىٰ أَهْلِهِ يَتَمَطَّىٰ (33)
Keudeh bak kawom jiwoe le bagah Mbong ngon teukabo jigiduek guda |
أَوْلَىٰ لَكَ فَأَوْلَىٰ (34)
Patot that gata leubeh sileupah |
ثُمَّ أَوْلَىٰ لَكَ فَأَوْلَىٰ (35)
Teuma leubeh that patot roe gata |
أَيَحْسَبُ الْإِنسَانُ أَن يُتْرَكَ سُدًى (36)
Di manusia sangka jih salah Jisangka di jih geukeubah meunan Bah jih lagee nyan hana phaedah |
أَلَمْ يَكُ نُطْفَةً مِّن مَّنِيٍّ يُمْنَىٰ (37)
Kon jeuet jih dilee bak ie sititek Mani sititek bak asaliyah |
ثُمَّ كَانَ عَلَقَةً فَخَلَقَ فَسَوَّىٰ (38)
Teuma jeuet treuk jih darah sigumpai ‘Oh ka meuakai ka le peue peugah Lheuh Neupeujeut jih ka Neuseumpurna |
فَجَعَلَ مِنْهُ الزَّوْجَيْنِ الذَّكَرَ وَالْأُنثَىٰ (39)
Sipasang teuma jih jeut dua blah Neupeujeut jih nyan agam ngon inong |
أَلَيْسَ ذَٰلِكَ بِقَادِرٍ عَلَىٰ أَن يُحْيِيَ الْمَوْتَىٰ (40)
Kon that meukeunong peuneujuet Allah f Ureueng nyang mate ek Neupeuudep Watee Neubangket leubeh lom mudah |
