وَالْمُرْسَلَاتِ عُرْفًا (1)
Demi dum rasul nyang malaikat Nyang ba haba got keu hamba Allah |
فَالْعَاصِفَاتِ عَصْفًا (2)
Teureubang meutreung tajam ban kilat |
وَالنَّاشِرَاتِ نَشْرًا (3)
Geujakba rahmat keu alam luah |
فَالْفَارِقَاتِ فَرْقًا (4)
Geupeungkleh nyang got nibak nyang jeuheut |
فَالْمُلْقِيَاتِ ذِكْرًا (5)
Geupeutroh ligat teuma peurintah |
عُذْرًا أَوْ نُذْرًا (6)
Na nyang Neuampon uleh Hadharat Ladom peuingat haba geupeugah |
إِنَّمَا تُوعَدُونَ لَوَاقِعٌ (7)
Keubit roe teuma peue nyang geujanji Han jeuet han jadi lagee geupeugah Peue nyang geujanji bak gata bandum |
فَإِذَا النُّجُومُ طُمِسَتْ (8)
Watee bintang dum ka abeh sudah |
وَإِذَا السَّمَاءُ فُرِجَتْ (9)
Langet ka teuhah han sapeue na le |
وَإِذَا الْجِبَالُ نُسِفَتْ (10)
Gunong dum reule anco ngon bicah |
وَإِذَا الرُّسُلُ أُقِّتَتْ (11)
Bak rasul-rasul ka geubri watee |
لِأَيِّ يَوْمٍ أُجِّلَتْ (12)
Uroe peue teuntee tanggoh geupeugah |
لِيَوْمِ الْفَصْلِ (13)
Sampoe troh uroe putosan Tuhan |
وَمَا أَدْرَاكَ مَا يَوْمُ الْفَصْلِ (14)
Peue roe uroe nyan jeuet teuh tapeugah |
وَيْلٌ يَوْمَئِذٍ لِّلْمُكَذِّبِينَ (15)
Uroe nyan teuma ceulaka keubit Ureueng kheun sulet keu rasul Allah |
أَلَمْ نُهْلِكِ الْأَوَّلِينَ (16)
Kon ka beh dilee meupeubinasa Bandum ka nyata masa nyang sudah |
ثُمَّ نُتْبِعُهُمُ الْآخِرِينَ (17)
Kamoe peuikot dudoe nibak nyan Lagee ureueng nyan cit pubuet salah |
كَذَٰلِكَ نَفْعَلُ بِالْمُجْرِمِينَ (18)
Meunan keuh Kamoe ‘oh meukeurija Ureueng meudacha bandum meubalah |
وَيْلٌ يَوْمَئِذٍ لِّلْمُكَذِّبِينَ (19)
Uroe nyan teuma ceulaka keubit Ureueng kheun sulet keu rasul Allah |
أَلَمْ نَخْلُقكُّم مِّن مَّاءٍ مَّهِينٍ (20)
Kon Kamoe peujeut gata nyoe bandum Bak ie nyang maklum hina sileupah |
فَجَعَلْنَاهُ فِي قَرَارٍ مَّكِينٍ (21)
Meukeubah ie nyan bak teumpat teutap |
إِلَىٰ قَدَرٍ مَّعْلُومٍ (22)
Padum trep meuhat Kamoe boh batah |
فَقَدَرْنَا فَنِعْمَ الْقَادِرُونَ (23)
Ban nyang h‘eut Kamoe Kamoe boh kada Sineujroh kada nyang Kamoe ulah |
وَيْلٌ يَوْمَئِذٍ لِّلْمُكَذِّبِينَ (24)
Uroe nyan teuma ceulaka keubit Soe nyang kheun sulet keu rasul Allah |
أَلَمْ نَجْعَلِ الْأَرْضَ كِفَاتًا (25)
Kon bak meusapat meupeujeuet bumoe |
أَحْيَاءً وَأَمْوَاتًا (26)
Nyang udep sinoe sang seunang leupah Meunan pih sinoe dum ureueng mate |
وَجَعَلْنَا فِيهَا رَوَاسِيَ شَامِخَاتٍ وَأَسْقَيْنَاكُم مَّاءً فُرَاتًا (27)
Gunong deungon gle sinan meukeubah Gunong nyang meugah meubri ngon ujeuen Keu gata bandum ie jih gleh leupah |
وَيْلٌ يَوْمَئِذٍ لِّلْمُكَذِّبِينَ (28)
Uroe nyan teuma ceulaka keubit Ureueng kheun sulet keu rasul Allah |
انطَلِقُوا إِلَىٰ مَا كُنتُم بِهِ تُكَذِّبُونَ (29)
Jak keudeh bandum bek le tapeutrep Nyang takheun sulet keunan talangkah |
انطَلِقُوا إِلَىٰ ظِلٍّ ذِي ثَلَاثِ شُعَبٍ (30)
Jak laju keunan u yup bak kayee Na cabeung jih Ihee cit trang sileupah |
لَّا ظَلِيلٍ وَلَا يُغْنِي مِنَ اللَّهَبِ (31)
Kon jeut meureului di yup kayee nyan Tutong di sinan hanaban peugah |
إِنَّهَا تَرْمِي بِشَرَرٍ كَالْقَصْرِ (32)
Jirhom meuk apui be-be meuligoe |
كَأَنَّهُ جِمَالَتٌ صُفْرٌ (33)
Unta sang bagoe kuneng sileupah |
وَيْلٌ يَوْمَئِذٍ لِّلْمُكَذِّبِينَ (34)
Uroe nyan teuma ceulaka keubit Ureueng kheun sulet keu rasul Allah |
هَٰذَا يَوْمُ لَا يَنطِقُونَ (35)
Jih dum uroe nyoe han jeut marit le |
وَلَا يُؤْذَنُ لَهُمْ فَيَعْتَذِرُونَ (36)
Han geuizin le meungaku salah |
وَيْلٌ يَوْمَئِذٍ لِّلْمُكَذِّبِينَ (37)
Uroe nyan teuma ceulaka keubit Ureueng kheun sulet keu rasul Allah |
هَٰذَا يَوْمُ الْفَصْلِ ۖ جَمَعْنَاكُمْ وَالْأَوَّلِينَ (38)
Nyoe keuh uroe nyoe uroe putosan Ngon gata bandum meusapat sudah Ngon ureueng dilee bandum meusapat |
فَإِن كَانَ لَكُمْ كَيْدٌ فَكِيدُونِ (39)
Peue ek na pakat Lon nyoe tahilah |
وَيْلٌ يَوْمَئِذٍ لِّلْمُكَذِّبِينَ (40)
Uroe nyoe teuma ceulaka keubit Ureueng kheun sulet keu rasul Allah |
إِنَّ الْمُتَّقِينَ فِي ظِلَالٍ وَعُيُونٍ (41)
Ureueng takwa lam reului sabe Mata ie ile hana peue peugah |
وَفَوَاكِهَ مِمَّا يَشْتَهُونَ (42)
Ngon boh kayee le peue nyang geumeuh‘eut |
كُلُوا وَاشْرَبُوا هَنِيئًا بِمَا كُنتُمْ تَعْمَلُونَ (43)
Pajoh ngon tajep ladat sileupah Nyan keuh balasan peue nyang tapubuet |
إِنَّا كَذَٰلِكَ نَجْزِي الْمُحْسِنِينَ (44)
Soe nyang pubuet got meunan meubalah |
وَيْلٌ يَوْمَئِذٍ لِّلْمُكَذِّبِينَ (45)
Uroe nyan teuma ceulaka keubit Ureueng kheun sulet keu rasul Allah |
كُلُوا وَتَمَتَّعُوا قَلِيلًا إِنَّكُم مُّجْرِمُونَ (46)
Pajoh ngon seunang gata dum siat Tapubuet jeuheut raya that salah |
وَيْلٌ يَوْمَئِذٍ لِّلْمُكَذِّبِينَ (47)
Uroe nyan teuma ceulaka keubit Ureueng kheun sulet keu rasul Allah |
وَإِذَا قِيلَ لَهُمُ ارْكَعُوا لَا يَرْكَعُونَ (48)
‘Oh geuyue ruku‘ geuyue seumbahyang Jipaleng rijang hana jipapah |
وَيْلٌ يَوْمَئِذٍ لِّلْمُكَذِّبِينَ (49)
Uroe nyan teuma ceulaka keubit Ureueng kheun sulet keu rasul Allah |
فَبِأَيِّ حَدِيثٍ بَعْدَهُ يُؤْمِنُونَ (50)
Seupoe cit narit nyang jimeuiman Meu han jiiman keu narit Allah |
