إِذَا السَّمَاءُ انفَطَرَتْ (1)
‘Oh watee langet bicah dum anco |
وَإِذَا الْكَوَاكِبُ انتَثَرَتْ (2)
Bintang teupiro meuhambo sudah |
وَإِذَا الْبِحَارُ فُجِّرَتْ (3)
Laot pih buboh ie jih teupanca |
وَإِذَا الْقُبُورُ بُعْثِرَتْ (4)
Kubu geubuka bandum ka teuhah |
عَلِمَتْ نَفْسٌ مَّا قَدَّمَتْ وَأَخَّرَتْ (5)
Yoh nyan jiteupue le manusia Dum buet jih nyangka masa nyang sudah Peue buet jih teuma nyang goh jipubuet |
يَا أَيُّهَا الْإِنسَانُ مَا غَرَّكَ بِرَبِّكَ الْكَرِيمِ (6)
Hai insan peue jeut teuwo keu Allah |
الَّذِي خَلَقَكَ فَسَوَّاكَ فَعَدَلَكَ (7)
Soe tipee gata jeut teuwo gata Keu Tuhan gata nyang that pemurah Ae Neupeujeut gata ngon seumpureuna Hingga jeut gata sidumnan gagah |
فِي أَيِّ صُورَةٍ مَّا شَاءَ رَكَّبَكَ (8)
Neupeugot rupa ban nyang h‘eut Tuhan Neususon badan teuh ban hʻeut Allah |
كَلَّا بَلْ تُكَذِّبُونَ بِالدِّينِ (9)
Teutapi gata mantong cit batat Uroe kiamat sulet tapeugah |
وَإِنَّ عَلَيْكُمْ لَحَافِظِينَ (10)
Keubit dum gata na soe plihara Sabe geujaga beuna ngon salah |
كِرَامًا كَاتِبِينَ (11)
Ureueng mulia nyang tuleh surat Bandum geucatat peue nyang tapeugah t |
يَعْلَمُونَ مَا تَفْعَلُونَ (12)
Peue nyang tapubuet bandum geuteupue Hana meusapeue pih na meuilah |
إِنَّ الْأَبْرَارَ لَفِي نَعِيمٍ (13)
Soe nyang peubuet got keu manusia Tamong churuga nikmat that leupah |
وَإِنَّ الْفُجَّارَ لَفِي جَحِيمٍ (14)
Teuma barangsoe nyang darohaka Dalam nuraka keudeh geukeubah |
يَصْلَوْنَهَا يَوْمَ الدِّينِ (15)
Keunan jitamong uroe kjamat |
وَمَا هُمْ عَنْهَا بِغَائِبِينَ (16)
Hana meusiat pih jeut meupisah |
وَمَا أَدْرَاكَ مَا يَوْمُ الدِّينِ (17)
Na roe tateupue uroe kiamat |
ثُمَّ مَا أَدْرَاكَ مَا يَوْمُ الدِّينِ (18)
Peve dih kiamat tacuba peugah |
يَوْمَ لَا تَمْلِكُ نَفْسٌ لِّنَفْسٍ شَيْئًا ۖ وَالْأَمْرُ يَوْمَئِذٍ لِّلَّهِ (19)
Uroe nyan bandum hana kuasa Soe keumeung bila rakan nyang salah |
