وَاللَّيْلِ إِذَا يَغْشَىٰ (1)
Demi ‘oh malam ka seupott buta |
وَالنَّهَارِ إِذَا تَجَلَّىٰ (2)
‘Oh uroe teuma peungeuh sileupah |
وَمَا خَلَقَ الذَّكَرَ وَالْأُنثَىٰ (3)
Neupeujeut agam Neupeujeut inong |
إِنَّ سَعْيَكُمْ لَشَتَّىٰ (4)
Usaha teuh nyan meupisah-pisah Usaha gata dum macam-macam |
فَأَمَّا مَنْ أَعْطَىٰ وَاتَّقَىٰ (5)
Nyang saboh macam ureueng pemurah Geubri areuta ngon geutakwa |
وَصَدَّقَ بِالْحُسْنَىٰ (6)
Lom geupeubeuna peue nyang peurintah Balasan nyang got pih geupeucaya |
فَسَنُيَسِّرُهُ لِلْيُسْرَىٰ (7)
Ureueng nyan teuma Kamoe peumudah Kamoe bri mudah jalan keu udep |
وَأَمَّا مَن بَخِلَ وَاسْتَغْنَىٰ (8)
Teuma soe nyang kriet laen lom balah Jithee kaya droe tan sapeue hajat |
وَكَذَّبَ بِالْحُسْنَىٰ (9)
Jikheun sulet that peue nyang peurintah Balasan nyang got pih han jipateh |
فَسَنُيَسِّرُهُ لِلْعُسْرَىٰ (10)
Meubri treuk keu jih jalan nyang susah |
وَمَا يُغْنِي عَنْهُ مَالُهُ إِذَا تَرَدَّىٰ (11)
Hana guna le bah le areuta Meu ka binasa teuh tan phaedah |
إِنَّ عَلَيْنَا لَلْهُدَىٰ (12)
Nyang bri peutunyok cit hak bak Kamoe |
وَإِنَّ لَنَا لَلْآخِرَةَ وَالْأُولَىٰ (13)
Meunan pih Kamoe Po bandua blah Akhirat donya pih atra Kamoe |
فَأَنذَرْتُكُمْ نَارًا تَلَظَّىٰ (14)
Gata dum jinoe teuma Lon peugah Haba peuingat Lon kheun bak gata Apui nuraka tutong that leupah |
لَا يَصْلَاهَا إِلَّا الْأَشْقَى (15)
Nyang tamong keunan cit ureueng paleh |
الَّذِي كَذَّبَ وَتَوَلَّىٰ (16)
Nyang han tem pateh peue nyang peurintah Jikheun nyan sulet jipaleng muka |
وَسَيُجَنَّبُهَا الْأَتْقَى (17)
Soe nyang takwa teuma meutuah Ureueng nyan han toe deungon nuraka |
الَّذِي يُؤْتِي مَالَهُ يَتَزَكَّىٰ (18)
Geubri areuta zakeut seudeukah Geupeugleh atra deungon droe gopnyan |
وَمَا لِأَحَدٍ عِندَهُ مِن نِّعْمَةٍ تُجْزَىٰ (19)
Teuma bandum nyan akan geubalah Balasan nikmat teuma han geubri |
إِلَّا ابْتِغَاءَ وَجْهِ رَبِّهِ الْأَعْلَىٰ (20)
Meulengkan suci ate ikheulah Geuharap sagai rila Po gopnyan Nyang Maha Manyang ngon Maha Murah |
وَلَسَوْفَ يَرْضَىٰ (21)
Meunyo na meunan jeut rila ate Seunang bukon le got that beunalah |
