☰
×

Surah Al-Ala in Burmese

Quran ⮕ Burmese ⮕ Surah Al Ala

Translation of the Meanings of Surah Al Ala in Burmese - البورمية

The Quran in Burmese - Surah Al Ala translated into Burmese, Surah Al-Ala in Burmese. We provide accurate translation of Surah Al Ala in Burmese - البورمية, Verses 19 - Surah Number 87 - Page 591.

بسم الله الرحمن الرحيم

سَبِّحِ اسْمَ رَبِّكَ الْأَعْلَى (1)
(အို၊ ရစူလ်တမန်တော်) အသင်သည် အသင့်အား ဖွဲ့စည်းဖြစ်တည်စေတော်မူ၍ ပြုစုပျိုးထောင်စေတော်မူသော အရှင်မြတ်၏အမြင့်မြတ်ဆုံးဖြစ်တော်မူသော ဂုဏ်တော်နာမတော်များဖြင့် (ထိုအရှင်မြတ်သည် ချို့တဲ့မှု လုံးဝ ကင်းရှင်းတော်မူပြီး အနှိုင်းမဲ့ အရှင်ဖြစ်တော်မူခြင်း၊ မည်သည့်အရာကိုမျှ အကြောင်းမဲ့ ဖွဲ့စည်းဖြစ် တည်စေတော်မမူခြင်းနှင့်ကိုးကွယ်ထိုက်သော ပကတိဂုဏ်တော်အားလုံးကို ပိုင်ဆိုင်တော်မူသောအရှင်ဖြစ်တော် မူခြင်းကြောင့်) သန့်ရှင်းစင်ကြယ်တော်မူကြောင်းကို ဂုဏ်တင်လော့။
الَّذِي خَلَقَ فَسَوَّىٰ (2)
ထိုအရှင်မြတ်သည် (အရာခပ်သိမ်းတို့ကို) ဖွဲ့စည်းဖြစ်တည်စေတော်မူပြီးနောက် အချိုးအဆမျှတလိုက်ဖက်၍ နေထားတကျဖြစ်အောင်လည်း ပုံဖော်စေတော်မူ၏။
وَالَّذِي قَدَّرَ فَهَدَىٰ (3)
ထို့ပြင် ထိုအရှင်မြတ်သည် (သက်ရှိတိုင်း၏သဘောသဘာဝ၊ ထူးခြားသောဘဝ၊ ရည်ရွယ်ချက်ပန်းတိုင် တို့ကို မျှတလိုက်ဖက်သောနိယာမတော်များနှင့်အညီ) သတ်မှတ်ပြဌာန်းတော်မူပြီးနောက် လမ်းညွှန်တော်ကိုလည်း ပေးအပ်တော်၏။
وَالَّذِي أَخْرَجَ الْمَرْعَىٰ (4)
ထို့ပြင် ထိုအရှင်မြတ်သည် (မြက်၊ သစ်ပင်၊ ကောက်ပဲသီးနှံအစရှိသည်တို့ပါဝင်သည့်) ကျက်စားရာ၊ စားကျက်များကို ဖြစ်ထွန်းပေါက်ရောက်စေတော်မူ၏။
فَجَعَلَهُ غُثَاءً أَحْوَىٰ (5)
ထို့နောက် ထိုအရှင်မြတ်သည် ယင်း (မြက်ပင်သစ်ပင်များပါရှိသော စားကျက်များ) ကို (ခြောက်သွေ့၍) မည်းနက်သော ရိုးဖြတ်၊ ကောက်ရိုးများအဖြစ် ပြောင်းလဲဖြစ်စေတော်မူ၏။
سَنُقْرِئُكَ فَلَا تَنسَىٰ (6)
(အို၊ တမန်တော်၊) မုချဧကန်၊ ငါအရှင်မြတ်သည် (လူသားတို့အတွက် လမ်းညွှန်ဖြစ်သော ကျမ်းတော်မြတ်ကုရ်အာန်ကို ချမှတ်ပေးအပ်တော်မူ၍ လူသားတို့ထံ ပို့ချရန်) အသင့်အား ရွတ်ဖတ်စေတော်မူမည်။ သို့ဖြစ်ပေရာ အသင်သည် (ယင်းမှ မည်သည်ကိုမျှ) မေ့လျော့မည် မဟုတ်ပေ။
إِلَّا مَا شَاءَ اللَّهُ ۚ إِنَّهُ يَعْلَمُ الْجَهْرَ وَمَا يَخْفَىٰ (7)
(သို့ရာတွင်) အလ္လာဟ်အရှင်မြတ်သည် အရှင့်ဆန္ဒတော်၏စည်းမျဥ်းတော်နှင့်အညီ အလိုရှိတော်မူသော အရာမှအပ ဖြစ်၏။ ဧကန်မလွဲ၊ ထိုအရှင်မြတ်သည် (သင်တို့၏အတွင်းအပြင်အခြေအနေများ အပါအဝင်) မြင်သာထင်ရှားသောအရာဟူသမျှကိုလည်းကောင်း၊ ကွယ်ဝှက်ဖုံးကွယ်လျက်ရှိသောအရာဟူသမျှကိုလည်းကောင်း၊ သိနေတော်မူ၏။
وَنُيَسِّرُكَ لِلْيُسْرَىٰ (8)
ထို့ပြင် ငါအရှင်မြတ်သည် အသင့်အား (သင်၏အရေးကိစ္စအားလုံး၌) အလွယ်ကူဆုံးသော လမ်းစဉ်အတွက် (လမ်းညွှန်တော်မူလျက်) လွယ်ကူစေတော်မူမည်။
فَذَكِّرْ إِن نَّفَعَتِ الذِّكْرَىٰ (9)
သို့ဖြစ်ပေရာ အကယ်၍ ဆုံးမသြဝါဒများပါဝင်သည့် သတိရ တသ၍ ထုတ်ဖော်ဖွင့်ဟစရာ (ကျမ်းတော်) သည် (သူတို့အတွက်) အသုံးဝင်အကျိုးရှိစေလျှင် (သတိရ တသ၍ ထုတ်ဖော်ဖွင့်ဟလျက်) သတိပေး လမ်းညွှန်လော့။
سَيَذَّكَّرُ مَن يَخْشَىٰ (10)
(အလ္လာဟ်အရှင်မြတ်အား) ကြောက်ရွံ့ရိုသေသောသူသည်သာလျှင် အမှန်ပင် (သတိရ တသ၍ ထုတ် ဖော်ဖွင့်ဟလျက်) တရားရပေလိမ့်မည်။
وَيَتَجَنَّبُهَا الْأَشْقَى (11)
သို့ရာတွင် အလွန်ကောက်ကျစ်စဉ်းလဲသောယုတ်မာသူသည်ကား ယင်း (သတိရ တသ၍ ထုတ်ဖော်ဖွင့် ဟစရာဖြစ်သောကျမ်းတော်) အား အဖက်မလုက်ဘဲ သွေဖည်ရှောင်ရှား နေကြလိမ့်မည်။
الَّذِي يَصْلَى النَّارَ الْكُبْرَىٰ (12)
ထိုအရှင်မြတ်သည် (ထိုသူအား) အလွန်ကြီးကျယ်သော ငရဲမီးထဲ၌ လောင်ကျွမ်းစေရန် ဝင်ရောက်စေတော်မူလိမ့်မည်။
ثُمَّ لَا يَمُوتُ فِيهَا وَلَا يَحْيَىٰ (13)
ထို့နောက် (ထိုသူသည်) ယင်း (ငရဲမီးထဲ) ၌ (ပြစ်ဒဏ်မှ သက်သာရာရစေရန်) ကွယ်လွန်သေဆုံးမည် မဟုတ်သည့်အပြင် (ကောင်းမွန်စွာ) အသက်ရှင်ခွင့်ရမည်လည်း မဟုတ်ပေ။
قَدْ أَفْلَحَ مَن تَزَكَّىٰ (14)
ဧကန်မလွဲ၊ (မကောင်းမှုများမှ ရှောင်ကြည်လျက် သူ၏ဥစ္စာဓနများကို ဆင်းရဲနွမ်းပါးသူနှင့်အရှင့်လမ်း တော်အတွက် သုံးစွဲခြင်းဖြင့် သူ့ကိုယ်သူ) စင်ကြယ်သန့်ရှင်းစေသူ (မည်သူမဆို) သည် ပေါက်မြောက်အောင်မြင်ခဲ့လေပြီ။
وَذَكَرَ اسْمَ رَبِّهِ فَصَلَّىٰ (15)
ထို့ပြင် ထိုသူသည် သူ့အား ဖွဲ့စည်းဖြစ်တည်စေတော်မူ၍ ပြုစုပျိုးထောင်စေတော်မူသောအရှင်မြတ်၏ဂုဏ်နာမတော်ကို သတိရ တသ၍ ထုတ်ဖော်ဖွင့်ဟပြီးနောက် ဆွလာသ်ဝတ်ပြုမှုကို ဆောက်တည်၏။
بَلْ تُؤْثِرُونَ الْحَيَاةَ الدُّنْيَا (16)
အမှန်မှာ၊ (အို၊ လူသားတို့၊ သင်တို့သည်ကား ထိုသို့ အလျှင်း မဟုတ်ကြပေ။) သင်တို့သည် လောကီဘဝကိုပင် ပိုမို၍နှစ်သက်လျက် ဦးစားပေးနေကြ၏။
وَالْآخِرَةُ خَيْرٌ وَأَبْقَىٰ (17)
အမှန်သော်ကား နောင်တမလွန်ဘဝသည်သာ ပိုမို၍ကောင်းမြတ်သည့်အပြင် အတည်မြဲဆုံး ဖြစ်ပေ၏။
إِنَّ هَٰذَا لَفِي الصُّحُفِ الْأُولَىٰ (18)
ဧကန်စင်စစ်၊ ဤသည် (ယခင်ချမှတ်ပေးအပ်တော်မူသော) ရှေးကျမ်းစာများ၌ အမှန်ပင် ဖော်ပြပါရှိသော အကြောင်းအရာများ ဖြစ်၏။
صُحُفِ إِبْرَاهِيمَ وَمُوسَىٰ (19)
(ယခင်ချမှတ်ပေးအပ်တော်မူသော တမန်တော်) အီဗ်ရာဟီမ်နှင့်မူဆာတို့၏ကျမ်းစာများ (ကဲ့သို့) ပင် ဖြစ်၏။
❮ Previous Next ❯

Surahs from Quran :

1- Fatiha2- Baqarah
3- Al Imran4- Nisa
5- Maidah6- Anam
7- Araf8- Anfal
9- Tawbah10- Yunus
11- Hud12- Yusuf
13- Raad14- Ibrahim
15- Hijr16- Nahl
17- Al Isra18- Kahf
19- Maryam20- TaHa
21- Anbiya22- Hajj
23- Muminun24- An Nur
25- Furqan26- Shuara
27- Naml28- Qasas
29- Ankabut30- Rum
31- Luqman32- Sajdah
33- Ahzab34- Saba
35- Fatir36- Yasin
37- Assaaffat38- Sad
39- Zumar40- Ghafir
41- Fussilat42- shura
43- Zukhruf44- Ad Dukhaan
45- Jathiyah46- Ahqaf
47- Muhammad48- Al Fath
49- Hujurat50- Qaf
51- zariyat52- Tur
53- Najm54- Al Qamar
55- Rahman56- Waqiah
57- Hadid58- Mujadilah
59- Al Hashr60- Mumtahina
61- Saff62- Jumuah
63- Munafiqun64- Taghabun
65- Talaq66- Tahrim
67- Mulk68- Qalam
69- Al-Haqqah70- Maarij
71- Nuh72- Jinn
73- Muzammil74- Muddathir
75- Qiyamah76- Insan
77- Mursalat78- An Naba
79- Naziat80- Abasa
81- Takwir82- Infitar
83- Mutaffifin84- Inshiqaq
85- Buruj86- Tariq
87- Al Ala88- Ghashiya
89- Fajr90- Al Balad
91- Shams92- Lail
93- Duha94- Sharh
95- Tin96- Al Alaq
97- Qadr98- Bayyinah
99- Zalzalah100- Adiyat
101- Qariah102- Takathur
103- Al Asr104- Humazah
105- Al Fil106- Quraysh
107- Maun108- Kawthar
109- Kafirun110- Nasr
111- Masad112- Ikhlas
113- Falaq114- An Nas