الْحَاقَّةُ (1)
સાબિત થવાવાળી |
مَا الْحَاقَّةُ (2)
સાબિત થવાવાળી શું છે |
وَمَا أَدْرَاكَ مَا الْحَاقَّةُ (3)
અને તને શું ખબર કે તે સાબિત થનાર શું છે |
كَذَّبَتْ ثَمُودُ وَعَادٌ بِالْقَارِعَةِ (4)
તે ખખડાવી દેનારને ષમૂદ અને આદ ( પ્રાચીન સમયની તાકતવર કૌમોએ) જુઠલાવી દીધી |
فَأَمَّا ثَمُودُ فَأُهْلِكُوا بِالطَّاغِيَةِ (5)
(જેના પરિણામ રૂપે) ષમૂદને ત્રાસજનક (અને ઊંચા) અવાજ વડે નષ્ટ કરવામાં આવ્યા |
وَأَمَّا عَادٌ فَأُهْلِكُوا بِرِيحٍ صَرْصَرٍ عَاتِيَةٍ (6)
અને આદ ને તીવ્ર તોફાની આંધીથી નષ્ટ કરી દેવામાં આવ્યા |
سَخَّرَهَا عَلَيْهِمْ سَبْعَ لَيَالٍ وَثَمَانِيَةَ أَيَّامٍ حُسُومًا فَتَرَى الْقَوْمَ فِيهَا صَرْعَىٰ كَأَنَّهُمْ أَعْجَازُ نَخْلٍ خَاوِيَةٍ (7)
જેને તેમના પર નિરંતર સાત રાત્રિઓ અને આઠ દિવસ સુધી (અલ્લાહએ) છવાયેલી રાખી. બસ ! તમે જોતા કે આ લોકો જમીન પર એવી રીતે પટકાયેલા પડયા છે જેવી રીતે કે ખજૂરના ખોખલા થડ હોય |
فَهَلْ تَرَىٰ لَهُم مِّن بَاقِيَةٍ (8)
શું તેમના માંથી કોઇ પણ તમને બાકી દેખાઇ છે |
وَجَاءَ فِرْعَوْنُ وَمَن قَبْلَهُ وَالْمُؤْتَفِكَاتُ بِالْخَاطِئَةِ (9)
ફિરઔન અને તેનાથી પહેલાના લોકો અને જેમની વસ્તીઓ પલટાવી નાખી તેમણે પણ અપરાધ આચર્યો |
فَعَصَوْا رَسُولَ رَبِّهِمْ فَأَخَذَهُمْ أَخْذَةً رَّابِيَةً (10)
અને પોતાના પાલનહારના પયગંબરની અવગણના કરી. (છેવટે) અલ્લાહ એ તેઓને (પણ) સખત પકડમાં લઇ લીધા |
إِنَّا لَمَّا طَغَى الْمَاءُ حَمَلْنَاكُمْ فِي الْجَارِيَةِ (11)
જ્યારે પાણીમાં તોફાન આવી ગયું તો તે સમયે અમે તમને નૌકામાં સવાર કરી દીધા |
لِنَجْعَلَهَا لَكُمْ تَذْكِرَةً وَتَعِيَهَا أُذُنٌ وَاعِيَةٌ (12)
જેથી તે તમારા માટે શિખામણ અને યાદગાર બની જાય અને (જેથી) યાદ રાખવાવાળા કાન તેને યાદ રાખે |
فَإِذَا نُفِخَ فِي الصُّورِ نَفْخَةٌ وَاحِدَةٌ (13)
બસ ! જ્યારે સૂરમાં એક ફૂંક મારવામાં આવશે |
وَحُمِلَتِ الْأَرْضُ وَالْجِبَالُ فَدُكَّتَا دَكَّةً وَاحِدَةً (14)
અને જમીન તથા પર્વતો ઉઠાવી લેવામાં આવશે. અને એક જ પ્રહારમાં ચૂરેચૂરા કરી દેવામાં આવશે |
فَيَوْمَئِذٍ وَقَعَتِ الْوَاقِعَةُ (15)
તે દિવસે થઇ જનારી (કયામત) થઇ જશે |
وَانشَقَّتِ السَّمَاءُ فَهِيَ يَوْمَئِذٍ وَاهِيَةٌ (16)
અને આકશ ફાટી જશે, અને તે દિવસે ઘણું જ નબળુ પડી જશે |
وَالْمَلَكُ عَلَىٰ أَرْجَائِهَا ۚ وَيَحْمِلُ عَرْشَ رَبِّكَ فَوْقَهُمْ يَوْمَئِذٍ ثَمَانِيَةٌ (17)
તેના કિનારાઓ પર ફરિશ્તાઓ હશે, અને તારા પાલનાહારનો અર્શ તે દિવસે આઠ (ફરિશ્તાઓ) પોતાના ઉપર ઉઠાવેલ હશે |
يَوْمَئِذٍ تُعْرَضُونَ لَا تَخْفَىٰ مِنكُمْ خَافِيَةٌ (18)
તે દિવસે તમે સૌ રજૂ કરવામાં આવશો, તમારૂ કોઇ રહસ્ય છૂપાયેલું નહી રહે |
فَأَمَّا مَنْ أُوتِيَ كِتَابَهُ بِيَمِينِهِ فَيَقُولُ هَاؤُمُ اقْرَءُوا كِتَابِيَهْ (19)
તો, જેને તેનું કર્મપત્ર જમણા હાથમાં આપવામાં આવશે, તો તે કહેવા લાગશે કે “ લો મારૂ કર્મપત્ર વાંચી લો” |
إِنِّي ظَنَنتُ أَنِّي مُلَاقٍ حِسَابِيَهْ (20)
મને તો સંપૂર્ણ વિશ્ર્વાસ હતો કે મને મારો હિસાબ મળશે જ |
فَهُوَ فِي عِيشَةٍ رَّاضِيَةٍ (21)
બસ ! તે એક મનગમતા જીવનમાં હશે |
فِي جَنَّةٍ عَالِيَةٍ (22)
ઉચ્ચ દરજ્જાવાળી જન્નતમાં |
قُطُوفُهَا دَانِيَةٌ (23)
જેના ગુચ્છા નમી પડેલા હશે |
كُلُوا وَاشْرَبُوا هَنِيئًا بِمَا أَسْلَفْتُمْ فِي الْأَيَّامِ الْخَالِيَةِ (24)
(તેમને કહેવામાં આવશે) કે આનંદથી ખાઓ પીઓ, પોતાના તે કર્મોના બદલામાં જે તમે વિતેલા દિવસોમાં કર્યા |
وَأَمَّا مَنْ أُوتِيَ كِتَابَهُ بِشِمَالِهِ فَيَقُولُ يَا لَيْتَنِي لَمْ أُوتَ كِتَابِيَهْ (25)
પરંતુ જેનું કર્મપત્ર તેના ડાબા હાથમાં આપવામાં આવશે તો તે કહશે કે “ કદાચ મને મારૂ કર્મપત્ર આપવામાં જ ન આવ્યુ હોત” |
وَلَمْ أَدْرِ مَا حِسَابِيَهْ (26)
અને હું જાણતો જ ન હોત કે હિસાબ શું છે |
يَا لَيْتَهَا كَانَتِ الْقَاضِيَةَ (27)
કદાચ ! કે મૃત્યુ (મારૂ) કામ પુરૂ કરી દેત |
مَا أَغْنَىٰ عَنِّي مَالِيَهْ ۜ (28)
મારૂ ધન પણ મને કંઇ ફાયદો ન પહોંચાડી શક્યુ |
هَلَكَ عَنِّي سُلْطَانِيَهْ (29)
મારી સત્તા પણ મારા પાસેથી જતી રહી |
خُذُوهُ فَغُلُّوهُ (30)
આદેશ આપવામાં આવશે, તેને પકડી લો પછી તેને ગાળિયું પહેરાવી દો |
ثُمَّ الْجَحِيمَ صَلُّوهُ (31)
પછી તેને દોઝખમાં નાખી દો |
ثُمَّ فِي سِلْسِلَةٍ ذَرْعُهَا سَبْعُونَ ذِرَاعًا فَاسْلُكُوهُ (32)
પછી તેને એવી સાંકળમાં બાંધી દો જેની માપણી સિત્તેર હાથ લાંબી છે |
إِنَّهُ كَانَ لَا يُؤْمِنُ بِاللَّهِ الْعَظِيمِ (33)
નિ:શંક તે મહાનતાવાળા અલ્લાહ પર ઇમાન નહતો રાખતો |
وَلَا يَحُضُّ عَلَىٰ طَعَامِ الْمِسْكِينِ (34)
અને લાચારને ખવડાવવા માટે પ્રોત્સાહન નહતો આપતો |
فَلَيْسَ لَهُ الْيَوْمَ هَاهُنَا حَمِيمٌ (35)
બસ ! આજે તેનું ન કોઇ મિત્ર છે |
وَلَا طَعَامٌ إِلَّا مِنْ غِسْلِينٍ (36)
અને ન તો પરૂ સિવાય તેનુ કોઇ ભોજન છે |
لَّا يَأْكُلُهُ إِلَّا الْخَاطِئُونَ (37)
જેને ગુનેગાર સિવાય કોઇપણ નહીં ખાય |
فَلَا أُقْسِمُ بِمَا تُبْصِرُونَ (38)
બસ ! મને સોગંદ છે તે વસ્તુઓના જેને તમે જુઓ છો |
وَمَا لَا تُبْصِرُونَ (39)
અને તે વસ્તુઓના જેને તમે નથી જોતા |
إِنَّهُ لَقَوْلُ رَسُولٍ كَرِيمٍ (40)
કે નિ:શંક આ (કુરઆન) પ્રતિષ્ઠિત પયગંબરનું કથન છે |
وَمَا هُوَ بِقَوْلِ شَاعِرٍ ۚ قَلِيلًا مَّا تُؤْمِنُونَ (41)
આ કોઇ કવિનું કથન નથી (અફસોસ) તમે ભાગ્યે જ ઇમાન લાવો છો |
وَلَا بِقَوْلِ كَاهِنٍ ۚ قَلِيلًا مَّا تَذَكَّرُونَ (42)
અને ન તો કોઇ જયોતિષનું કથન છે. (અફસોસ) ભાગ્યે જ શિખામણ પ્રાપ્ત કરો છો |
تَنزِيلٌ مِّن رَّبِّ الْعَالَمِينَ (43)
(આ તો ) જગતના પાલનહારે અવતરિત કરેલ છે |
وَلَوْ تَقَوَّلَ عَلَيْنَا بَعْضَ الْأَقَاوِيلِ (44)
અને જો આ (મુહમ્મદ પયગંબર) અમારા પર કોઇપણ વાત ઘડત |
لَأَخَذْنَا مِنْهُ بِالْيَمِينِ (45)
તો જરૂરથી અમે તેનો જમણો હાથ પકડી લેતા |
ثُمَّ لَقَطَعْنَا مِنْهُ الْوَتِينَ (46)
પછી તેની ધોરી નસ કાપી નાખતા |
فَمَا مِنكُم مِّنْ أَحَدٍ عَنْهُ حَاجِزِينَ (47)
પછી તમારામાંથી કોઇ પણ મને તે કામથી અટકાવનાર ન હોત |
وَإِنَّهُ لَتَذْكِرَةٌ لِّلْمُتَّقِينَ (48)
નિ:શંક આ કુરઆન ડરવાવાળાઓ માટે શિખામણ છે |
وَإِنَّا لَنَعْلَمُ أَنَّ مِنكُم مُّكَذِّبِينَ (49)
અમને ખરેખર જાણ છે કે તમારામાંથી કેટલાક તેને જુઠલાવનારા છે |
وَإِنَّهُ لَحَسْرَةٌ عَلَى الْكَافِرِينَ (50)
નિ:શંક (આ જુઠલાવવુ) ઇન્કારીઓ ઉપર ખેદ છે |
وَإِنَّهُ لَحَقُّ الْيَقِينِ (51)
અને નિ:શંક આ તદ્દન વિશ્ર્વસનીય સત્ય છે |
فَسَبِّحْ بِاسْمِ رَبِّكَ الْعَظِيمِ (52)
બસ ! તુ પોતાના મહાન પાલનહારની પવિત્રતા બયાન કર |
