هَلْ أَتَاكَ حَدِيثُ الْغَاشِيَةِ (1)
શું તમને પણ ઢાંકી દેનારી (કયામત) ની વાત પહોંચી છે |
وُجُوهٌ يَوْمَئِذٍ خَاشِعَةٌ (2)
તે દિવસે કેટલાય ચહેરા અપમાનિત હશે |
عَامِلَةٌ نَّاصِبَةٌ (3)
(અને) પરિશ્રમ કરનારા થાકેલા હશે |
تَصْلَىٰ نَارًا حَامِيَةً (4)
તેઓ ધગધગતી આગમાં જશે |
تُسْقَىٰ مِنْ عَيْنٍ آنِيَةٍ (5)
અતિશય ઉકળતા ઝરણાનું પાણી તેઓને પીવડાવવામાં આવશે |
لَّيْسَ لَهُمْ طَعَامٌ إِلَّا مِن ضَرِيعٍ (6)
તેમના માટે કાંટાવાળા સુકા ઘાસ સિવાય કંઇ ખાંણુ નહીં હોય |
لَّا يُسْمِنُ وَلَا يُغْنِي مِن جُوعٍ (7)
જે ન હૃષ્ટપૃષ્ટ કરશે અને ન ભુખ દૂર કરશે |
وُجُوهٌ يَوْمَئِذٍ نَّاعِمَةٌ (8)
કેટલાય ચહેરા તે દિવસે તાજગીભર્યા અને (ખુશહાલ) હશે |
لِّسَعْيِهَا رَاضِيَةٌ (9)
પોતાના પ્રયત્નોથી ખુશ હશે |
فِي جَنَّةٍ عَالِيَةٍ (10)
ઉચ્ચશ્રેણી ની જન્નતમાં હશે |
لَّا تَسْمَعُ فِيهَا لَاغِيَةً (11)
તેમાં કોઇ બકવાસ નહી સાંભળે |
فِيهَا عَيْنٌ جَارِيَةٌ (12)
તેમાં એક વહેતુ ઝરણું હશે |
فِيهَا سُرُرٌ مَّرْفُوعَةٌ (13)
(અને) તેમાં ઊંચા-ઊંચા આસન હશે |
وَأَكْوَابٌ مَّوْضُوعَةٌ (14)
તેમાં પ્યાલા મુકેલા (હશે) |
وَنَمَارِقُ مَصْفُوفَةٌ (15)
અને એક કતારમાં લાગેલા તકીયા હશે |
وَزَرَابِيُّ مَبْثُوثَةٌ (16)
અને મખમલી જાજમો ફેલાયેલી હશે |
أَفَلَا يَنظُرُونَ إِلَى الْإِبِلِ كَيْفَ خُلِقَتْ (17)
શું તેઓ ઊંટોને નથી જોઇ રહ્યા કે તે કઇ રીતે પેદા કરવામાં આવ્યા છે |
وَإِلَى السَّمَاءِ كَيْفَ رُفِعَتْ (18)
અને આકાશને કે કઇ રીતે ઊંચુ કરવામાં આવ્યું છે |
وَإِلَى الْجِبَالِ كَيْفَ نُصِبَتْ (19)
અને પર્વતો તરફ તે કઇ રીતે ખોડી દેવામાં આવ્યા છે |
وَإِلَى الْأَرْضِ كَيْفَ سُطِحَتْ (20)
અને ધરતી તરફ કે કઇ રીતે પાથરવામાં આવી છે |
فَذَكِّرْ إِنَّمَا أَنتَ مُذَكِّرٌ (21)
બસ તમે શિખામણ આપતા રહો. (કારણકે) તમે ફકત શિખામણ આપનારા છો |
لَّسْتَ عَلَيْهِم بِمُصَيْطِرٍ (22)
તમે તેમના ઉપર રખેવાળ નથી |
إِلَّا مَن تَوَلَّىٰ وَكَفَرَ (23)
હા ! જે વ્યક્તિ મોઢું ફેરવશે અને ઇન્કાર કરશે |
فَيُعَذِّبُهُ اللَّهُ الْعَذَابَ الْأَكْبَرَ (24)
તેને અલ્લાહ તઆલા ભારે સજા આપશે |
إِنَّ إِلَيْنَا إِيَابَهُمْ (25)
ચોક્કસપણે અમારા તરફ જ તેમને પાછા ફરવાનું છે |
ثُمَّ إِنَّ عَلَيْنَا حِسَابَهُم (26)
પછી ચોક્કસપણે અમારા શિરે છે, તેમનો હિસાબ લેવો |
