سَبِّحِ اسْمَ رَبِّكَ الْأَعْلَى (1)
(ದೂತರೇ,) ಉನ್ನತನಾಗಿರುವ ನಿಮ್ಮ ಒಡೆಯನ ಪಾವಿತ್ರವನ್ನು ಜಪಿಸಿರಿ |
الَّذِي خَلَقَ فَسَوَّىٰ (2)
(ಅವನು) ನಿಮ್ಮನ್ನು ಸೃಷ್ಟಿಸಿದವನು ಮತ್ತು ರೂಪಿಸಿದವನು |
وَالَّذِي قَدَّرَ فَهَدَىٰ (3)
ವಿಧಿಯನ್ನು ನಿರ್ಣಯಿಸಿದವನು, ಸರಿದಾರಿಯನ್ನು ತೋರಿದವನು |
وَالَّذِي أَخْرَجَ الْمَرْعَىٰ (4)
ಮೇವನ್ನು ಬೆಳೆಸಿದವನು |
فَجَعَلَهُ غُثَاءً أَحْوَىٰ (5)
ಕೊನೆಗೆ ಅವನು ಅದನ್ನು ಕಪ್ಪಗಿನ ಕಸವಾಗಿಸಿದನು |
سَنُقْرِئُكَ فَلَا تَنسَىٰ (6)
ನಾವು ನಿಮಗೆ ಓದಿಸುವೆವು ಮತ್ತೆ ನೀವು ಮರೆಯಲಾರಿರಿ |
إِلَّا مَا شَاءَ اللَّهُ ۚ إِنَّهُ يَعْلَمُ الْجَهْرَ وَمَا يَخْفَىٰ (7)
ಅಲ್ಲಾಹನು ಇಚ್ಛಿಸಿದ್ದರ ಹೊರತು. ಅವನು ಬಹಿರಂಗವಾದುದನ್ನು ಮತ್ತು ಗುಪ್ತವಾದುದನ್ನು ಖಂಡಿತ ಬಲ್ಲನು |
وَنُيَسِّرُكَ لِلْيُسْرَىٰ (8)
ನಾವು ನಿಮ್ಮ ಪಾಲಿಗೆ ಸುಲಭದ ಹಾದಿಯನ್ನು ಸುಗಮ ಗೊಳಿಸುವೆವು |
فَذَكِّرْ إِن نَّفَعَتِ الذِّكْرَىٰ (9)
ಉಪದೇಶದಿಂದ ಲಾಭವಿದ್ದಲ್ಲಿ ನೀವು ಉಪದೇಶಿಸಿ |
سَيَذَّكَّرُ مَن يَخْشَىٰ (10)
(ದೇವರ) ಭಯ ಉಳ್ಳವನು ಉಪದೇಶ ಸ್ವೀಕರಿಸುವನು |
وَيَتَجَنَّبُهَا الْأَشْقَى (11)
ದುಷ್ಟನು ಅದರಿಂದ ದೂರ ಉಳಿಯುವನು |
الَّذِي يَصْلَى النَّارَ الْكُبْرَىٰ (12)
ಅವನು (ಪರಲೋಕದಲ್ಲಿ) ಮಹಾ ಅಗ್ನಿ ಕುಂಡವನ್ನು ಸೇರುವನು |
ثُمَّ لَا يَمُوتُ فِيهَا وَلَا يَحْيَىٰ (13)
ಅದರಲ್ಲಿ ಅವನಿಗೆ ಸಾಯಲಿಕ್ಕೂ ಆಗದು ಬದುಕಲಿಕ್ಕೂ ಆಗದು |
قَدْ أَفْلَحَ مَن تَزَكَّىٰ (14)
ಖಂಡಿತ ವಿಜಯಿಯಾದನು – ಶುದ್ಧನಾದವನು |
وَذَكَرَ اسْمَ رَبِّهِ فَصَلَّىٰ (15)
ಮತ್ತು ತನ್ನೊಡೆಯನ ಹೆಸರನ್ನು ಸ್ಮರಿಸಿದವನು ಮತ್ತು ನಮಾಝನ್ನು ಸಲ್ಲಿಸಿದವನು |
بَلْ تُؤْثِرُونَ الْحَيَاةَ الدُّنْيَا (16)
ಆದರೆ ನೀವು ಇಹಲೋಕದ ಜೀವನಕ್ಕೆ ಪ್ರಾಶಸ್ತ್ಯ ನೀಡುತ್ತೀರಿ |
وَالْآخِرَةُ خَيْرٌ وَأَبْقَىٰ (17)
ನಿಜವಾಗಿ ಪರಲೋಕವು ಉತ್ತಮವಾಗಿದೆ – ಮತ್ತು ಅದು ಸದಾ ಉಳಿದಿರುತ್ತದೆ |
إِنَّ هَٰذَا لَفِي الصُّحُفِ الْأُولَىٰ (18)
ಗತಕಾಲದ ಗ್ರಂಥಗಳಲ್ಲಿ ಇದನ್ನೇ ಹೇಳಲಾಗಿದೆ – |
صُحُفِ إِبْرَاهِيمَ وَمُوسَىٰ (19)
– ಇಬ್ರಾಹೀಮ್ ಮತ್ತು ಮೂಸಾರ ಗ್ರಂಥಗಳಲ್ಲಿ |
