وَاللَّيْلِ إِذَا يَغْشَىٰ (1)
ರಾತ್ರಿಯಾಣೆ – ಅದು, ಅದನ್ನು (ಹಗಲನ್ನು) ಮರೆ ಮಾಚಿದಾಗ |
وَالنَّهَارِ إِذَا تَجَلَّىٰ (2)
ಹಗಲಿನಾಣೆ – ಅದು ಬೆಳಗಿದಾಗ |
وَمَا خَلَقَ الذَّكَرَ وَالْأُنثَىٰ (3)
ಗಂಡು ಹಾಗೂ ಹೆಣ್ಣನ್ನು ಸೃಷ್ಟಿಸಿದವನಾಣೆ |
إِنَّ سَعْيَكُمْ لَشَتَّىٰ (4)
ನಿಮ್ಮ ಶ್ರಮಗಳು ವಿವಿಧ ಬಗೆಯದ್ದಾಗಿವೆ |
فَأَمَّا مَنْ أَعْطَىٰ وَاتَّقَىٰ (5)
ದಾನ ಮಾಡಿದವನು ಹಾಗೂ ಧರ್ಮ ನಿಷ್ಠನಾಗಿರುವವನು |
وَصَدَّقَ بِالْحُسْنَىٰ (6)
ಮತ್ತು ಒಳಿತನ್ನು ಸಮರ್ಥಿಸಿದವನು – |
فَسَنُيَسِّرُهُ لِلْيُسْرَىٰ (7)
– ಅವನ ಪಾಲಿಗೆ ನಾವು ಸರಳವಾದ ಮಾರ್ಗದ ಸುಲಭ ಗೊಳಿಸುವೆವು |
وَأَمَّا مَن بَخِلَ وَاسْتَغْنَىٰ (8)
ಮತ್ತು ಜಿಪುಣತೆ ತೋರಿದ ಹಾಗೂ ನಿರ್ಲಕ್ಷಿಸಿದವನು |
وَكَذَّبَ بِالْحُسْنَىٰ (9)
ಮತ್ತು ಒಳಿತನ್ನು ತಿರಸ್ಕರಿಸಿದವನು – |
فَسَنُيَسِّرُهُ لِلْعُسْرَىٰ (10)
– ಅವನ ಪಾಲಿಗೆ ನಾವು ಕಠಿಣವಾದ ಮಾರ್ಗವನ್ನು ಸುಲಭಗೊಳಿಸುವೆವು |
وَمَا يُغْنِي عَنْهُ مَالُهُ إِذَا تَرَدَّىٰ (11)
ಅವನು ಉರುಳಿ ಬಿದ್ದಾಗ ಅವನ ಸಂಪತ್ತು ಅವನ ಯಾವ ಕೆಲಸಕ್ಕೂ ಬಾರದು |
إِنَّ عَلَيْنَا لَلْهُدَىٰ (12)
ದಾರಿ ತೋರುವ ಹೊಣೆಯು ಖಂಡಿತ ನಮ್ಮ ಮೇಲಿದೆ |
وَإِنَّ لَنَا لَلْآخِرَةَ وَالْأُولَىٰ (13)
ಪರಲೋಕವೂ ಇಹಲೋಕವೂ ಖಂಡಿತ ನಮಗೇ ಸೇರಿವೆ |
فَأَنذَرْتُكُمْ نَارًا تَلَظَّىٰ (14)
ನಾನು ನಿಮಗೆ ಧಗಧಗಿಸುವ ಅಗ್ನಿಯ ಕುರಿತು ಮುನ್ನೆಚ್ಚರಿಕೆ ನೀಡುತ್ತಿದ್ದೇನೆ |
لَا يَصْلَاهَا إِلَّا الْأَشْقَى (15)
ಭಾಗ್ಯಹೀನನು ಮಾತ್ರ ಅದರೊಳಗೆ ಪ್ರವೇಶಿಸುವನು – |
الَّذِي كَذَّبَ وَتَوَلَّىٰ (16)
– ಅವನು (ಸತ್ಯವನ್ನು) ತಿರಸ್ಕರಿಸಿದವನು ಹಾಗೂ ಅದರಿಂದ ಮುಖ ತಿರುಗಿಸಿ ಕೊಂಡವನು |
وَسَيُجَنَّبُهَا الْأَتْقَى (17)
ಅಲ್ಲಾಹನು ಧರ್ಮ ನಿಷ್ಠನನ್ನು ಅದರಿಂದ ರಕ್ಷಿಸುವನು |
الَّذِي يُؤْتِي مَالَهُ يَتَزَكَّىٰ (18)
ಅವನು ಪರಿಶುದ್ಧನಾಗಲಿಕ್ಕಾಗಿ ತನ್ನ ಸಂಪತ್ತನ್ನು (ಸನ್ಮಾರ್ಗದಲ್ಲಿ) ದಾನ ಮಾಡುತ್ತಾನೆ |
وَمَا لِأَحَدٍ عِندَهُ مِن نِّعْمَةٍ تُجْزَىٰ (19)
ಅವನು ಮರು ಪಾವತಿಸಬೇಕಾದ ಯಾವ ಋಣವೂ ಅವನ ಮೇಲಿಲ್ಲ – |
إِلَّا ابْتِغَاءَ وَجْهِ رَبِّهِ الْأَعْلَىٰ (20)
ಅವನು (ಮಾಡುವ ದಾನವೆಲ್ಲಾ) ಕೇವಲ ತನ್ನ ಪರಮೋನ್ನತ ಒಡೆಯನನ್ನು (ಅಲ್ಲಾಹನನ್ನು) ಮೆಚ್ಚಿಸುವುದಕ್ಕಾಗಿ ಮಾತ್ರವಾಗಿರುತ್ತದೆ |
وَلَسَوْفَ يَرْضَىٰ (21)
ಮತ್ತು ಅವನು ಬಹು ಬೇಗನೇ ಸಂತೃಪ್ತನಾಗುವನು |
