سَبِّحِ اسْمَ رَبِّكَ الْأَعْلَى (1)
Singiza izina rya Nyagasani wawe, Uwikirenga |
الَّذِي خَلَقَ فَسَوَّىٰ (2)
We waremye (buri kintu) akagitunganya |
وَالَّذِي قَدَّرَ فَهَدَىٰ (3)
Akanakigenera (gahunda yacyo yose), hanyuma akayikiyoboramo |
وَالَّذِي أَخْرَجَ الْمَرْعَىٰ (4)
Ni nawe umeza ubwatsi mu nzuri |
فَجَعَلَهُ غُثَاءً أَحْوَىٰ (5)
Hanyuma akabwumisha bukijima |
سَنُقْرِئُكَ فَلَا تَنسَىٰ (6)
Rwose (yewe Muhamadi) tuzakwigisha (gusoma Qur’an), bityo ntuzayibagirwa |
إِلَّا مَا شَاءَ اللَّهُ ۚ إِنَّهُ يَعْلَمُ الْجَهْرَ وَمَا يَخْفَىٰ (7)
Keretse ibyo Allah azashaka (ko wibagirwa). Mu by’ukuri, azi ibigaragara n’ibitagaragara |
وَنُيَسِّرُكَ لِلْيُسْرَىٰ (8)
Tuzanakorohereza inzira yo gukora ibyiza |
فَذَكِّرْ إِن نَّفَعَتِ الذِّكْرَىٰ (9)
Bityo, ibutsa (abantu) igihe urwibutso rwabagirira akamaro |
سَيَذَّكَّرُ مَن يَخْشَىٰ (10)
Mu by’ukuri, hazibuka wa wundi utinya (Allah) |
وَيَتَجَنَّبُهَا الْأَشْقَى (11)
Kandi inkozi y’ibibi izarugendera kure |
الَّذِي يَصْلَى النَّارَ الْكُبْرَىٰ (12)
(Uwo) ni we uzinjira mu muriro uhambaye |
ثُمَّ لَا يَمُوتُ فِيهَا وَلَا يَحْيَىٰ (13)
Aho atazapfa (ngo aruhuke) cyangwa ngo agiriremo ubuzima (bwiza) |
قَدْ أَفْلَحَ مَن تَزَكَّىٰ (14)
Mu by’ukuri, wawundi wiyejeje (akirinda ibyaha) yamaze kubona intsinzi |
وَذَكَرَ اسْمَ رَبِّهِ فَصَلَّىٰ (15)
Akanasingiza izina rya Nyagasani we ndetse akanakora amasengesho |
بَلْ تُؤْثِرُونَ الْحَيَاةَ الدُّنْيَا (16)
Ariko mwe mukunda ubuzima bwo kuri iyi si |
وَالْآخِرَةُ خَيْرٌ وَأَبْقَىٰ (17)
Kandi ubwo ku mperuka ari bwo bwiza ndetse buzanahoraho |
إِنَّ هَٰذَا لَفِي الصُّحُفِ الْأُولَىٰ (18)
Mu by’ukuri, ibi (mubwirwa) biri mu byanditswe byo hambere |
صُحُفِ إِبْرَاهِيمَ وَمُوسَىٰ (19)
Inyandiko (zahishuriwe) Ibrahim na Musa |
