لَا أُقْسِمُ بِيَوْمِ الْقِيَامَةِ (1)
Мен Кыямат күнүнө ант ичип |
وَلَا أُقْسِمُ بِالنَّفْسِ اللَّوَّامَةِ (2)
Жоемелөөчү напси? менен ант ичип, (айтамын) |
أَيَحْسَبُ الْإِنسَانُ أَلَّن نَّجْمَعَ عِظَامَهُ (3)
“Инсан (өзүнчө), Биз анын сөөктөрүн (Кыямат күндө кайра тирилтүү үчүн) эч качан чогулта албайбыз деп ойлойбу?!” |
بَلَىٰ قَادِرِينَ عَلَىٰ أَن نُّسَوِّيَ بَنَانَهُ (4)
Жок! Биз анын бармактарын да өз ордуна (далма-дал) келтирүүгө кудуреттүүбүз |
بَلْ يُرِيدُ الْإِنسَانُ لِيَفْجُرَ أَمَامَهُ (5)
Балким (шекчил) инсан өзүнүн келечегин(деги кайра тирилүүнү) жалганга чыгаргысы келээр |
يَسْأَلُ أَيَّانَ يَوْمُ الْقِيَامَةِ (6)
(Жана шектенүү менен) «Кыямат күнү качан?» деп сураар |
فَإِذَا بَرِقَ الْبَصَرُ (7)
Качан (Кыяматтын убактысы келгенде) көз(дөр коркуудан) чекчейип калат |
وَخَسَفَ الْقَمَرُ (8)
Айдын нуру өчөт |
وَجُمِعَ الشَّمْسُ وَالْقَمَرُ (9)
жана Күн менен Ай бириктирилет |
يَقُولُ الْإِنسَانُ يَوْمَئِذٍ أَيْنَ الْمَفَرُّ (10)
Ошол күнү инсан «кайда качсам экен!» деп калат |
كَلَّا لَا وَزَرَ (11)
Жок! Качып бара турган орун жок |
إِلَىٰ رَبِّكَ يَوْمَئِذٍ الْمُسْتَقَرُّ (12)
Ал күнү (ар бир адам жеке Өзүнө сурак берүү үчүн) Раббиңе гана кайтуу бар |
يُنَبَّأُ الْإِنسَانُ يَوْمَئِذٍ بِمَا قَدَّمَ وَأَخَّرَ (13)
Ал күнү (ар бир) инсанга мурдагы жана кийинки жасаган (жакшы —жаман) иштери жөнүндө кабар берилет |
بَلِ الْإِنسَانُ عَلَىٰ نَفْسِهِ بَصِيرَةٌ (14)
Ал гана эмес, инсан(дын көз, кулак, кол, жана буту) өзүнүн зыянына күбөгө өтөт |
وَلَوْ أَلْقَىٰ مَعَاذِيرَهُ (15)
Жана эгерде шылтоо-себептерин айтса да (кабыл алынбайт) |
لَا تُحَرِّكْ بِهِ لِسَانَكَ لِتَعْجَلَ بِهِ (16)
(О, Мухаммад, сага Жебрейил периште окуп берген аяттарды жаттоого) шашылып тилиңди кыймылдата бербе |
إِنَّ عَلَيْنَا جَمْعَهُ وَقُرْآنَهُ (17)
Аны (сенин жүрөгүңө) чогултуу да, окулушу(н тилиңе бекем орноштуруу) да Биздин милдет |
فَإِذَا قَرَأْنَاهُ فَاتَّبِعْ قُرْآنَهُ (18)
Эми, качан Биз(дин элчибиз Жебрейил) аны окуп бүткөндө анын кыраатына (жайбаракат) ээрчигин |
ثُمَّ إِنَّ عَلَيْنَا بَيَانَهُ (19)
Андан соң аны (маани-маңызы сакталган бойдон) түшүндүрүп берүү дагы Биздин милдет |
كَلَّا بَلْ تُحِبُّونَ الْعَاجِلَةَ (20)
Жок, (эй, күнөөкөр адамдар!) силер өткөөл дүйнөнү сүйөсүңөр |
وَتَذَرُونَ الْآخِرَةَ (21)
жана (түбөлүк) Акыретти таштап койосуңар |
وُجُوهٌ يَوْمَئِذٍ نَّاضِرَةٌ (22)
Ал күнү (ыймандуу) жүздөр нурданып |
إِلَىٰ رَبِّهَا نَاظِرَةٌ (23)
Раббисине (үмүт менен) карап турат |
وَوُجُوهٌ يَوْمَئِذٍ بَاسِرَةٌ (24)
Ал эми, (ыймансыз) жүздөр ал күндө капаланып |
تَظُنُّ أَن يُفْعَلَ بِهَا فَاقِرَةٌ (25)
өздөрүнө запкылуу азап берилишин билип калат |
كَلَّا إِذَا بَلَغَتِ التَّرَاقِيَ (26)
Акыйкатта, (пенделердин жаны) алкымына капталганда |
وَقِيلَ مَنْ ۜ رَاقٍ (27)
«Ким дем салып койоор экен?!» деп (кабатыр сөздөр) айтылганда |
وَظَنَّ أَنَّهُ الْفِرَاقُ (28)
(Күнөөкөр пенде «дүйнөдөн) ажыроо дегени ушул турбайбы» деп ойлоп калганда |
وَالْتَفَّتِ السَّاقُ بِالسَّاقِ (29)
Жана балтыр балтырга жабышып, тыбырчылаганда |
إِلَىٰ رَبِّكَ يَوْمَئِذٍ الْمَسَاقُ (30)
Дал ошол күндө Раббиңдин алдына айдап келүү болоор |
فَلَا صَدَّقَ وَلَا صَلَّىٰ (31)
Ал эми (каапыр болсо, пайгамбарды да) тастыктабады, намаз да окубады |
وَلَٰكِن كَذَّبَ وَتَوَلَّىٰ (32)
Бирок, «жалган» деп далысын салып койду |
ثُمَّ ذَهَبَ إِلَىٰ أَهْلِهِ يَتَمَطَّىٰ (33)
Андан соң текеберленип (каңгыраган, бош жүрөк менен) үй-бүлөсүнө кетти |
أَوْلَىٰ لَكَ فَأَوْلَىٰ (34)
Өлүм болсун сага өлүм |
ثُمَّ أَوْلَىٰ لَكَ فَأَوْلَىٰ (35)
Андан соң (дагы) сага өлүм болсун, өлүм |
أَيَحْسَبُ الْإِنسَانُ أَن يُتْرَكَ سُدًى (36)
(Күнөөкөр) инсан өзүн (дүйнөдө) беймаксат таштап коюлган деп ойлойбу |
أَلَمْ يَكُ نُطْفَةً مِّن مَّنِيٍّ يُمْنَىٰ (37)
Ал (түпкүлүгүндө) атырылган бел суунун бир тамчысы эмес беле |
ثُمَّ كَانَ عَلَقَةً فَخَلَقَ فَسَوَّىٰ (38)
Анан коюу кан болду. Анан (Аллаһ) аны кадыресе адам шекилине келтирди (жана жан киргизди) |
فَجَعَلَ مِنْهُ الزَّوْجَيْنِ الذَّكَرَ وَالْأُنثَىٰ (39)
Анан аны (түйүлдүктү) эки жуп: эркек менен аял кылып жаратты |
أَلَيْسَ ذَٰلِكَ بِقَادِرٍ عَلَىٰ أَن يُحْيِيَ الْمَوْتَىٰ (40)
Эми, ушул (Аллаһ) өлүктөрдү (экинчи ирет) тирилтүүгө кудуреттүү эмеспи |
