إِذَا السَّمَاءُ انشَقَّتْ (1)
Күтүүсүздөн асман жарылды |
وَأَذِنَتْ لِرَبِّهَا وَحُقَّتْ (2)
Ал Раббисине моюн сунган эле жана (моюн сунушу) акыйкат болчу |
وَإِذَا الْأَرْضُ مُدَّتْ (3)
Жана жер (дагы) күтүүсүздөн (силкине-силкине) созулуп |
وَأَلْقَتْ مَا فِيهَا وَتَخَلَّتْ (4)
ичиндеги нерселерин (төрөгөн сыяктуу) чыгарып, бошонуп калды |
وَأَذِنَتْ لِرَبِّهَا وَحُقَّتْ (5)
Ал дагы Раббисине моюн сунган эле жана (ушундай болушу) акыйкат болчу |
يَا أَيُّهَا الْإِنسَانُ إِنَّكَ كَادِحٌ إِلَىٰ رَبِّكَ كَدْحًا فَمُلَاقِيهِ (6)
О,инсан! Сен Раббиңе (жолугуу үчүн сооптуу же күнөөлүү иштер менен) түйшөлүп, акырында Ага жолуктуң |
فَأَمَّا مَنْ أُوتِيَ كِتَابَهُ بِيَمِينِهِ (7)
Кимдин (амал) китеби оң тарабынан берилсе |
فَسَوْفَ يُحَاسَبُ حِسَابًا يَسِيرًا (8)
Өтө жеңил суралат |
وَيَنقَلِبُ إِلَىٰ أَهْلِهِ مَسْرُورًا (9)
Жана (бейиштеги) үй-бүлөсүнө сүйүнгөн бойдон кайтып келет |
وَأَمَّا مَنْ أُوتِيَ كِتَابَهُ وَرَاءَ ظَهْرِهِ (10)
Ал эми, кимдин (амал) китеби арка тарабынан берилсе |
فَسَوْفَ يَدْعُو ثُبُورًا (11)
(Өзүнө) өлүм чакырат |
وَيَصْلَىٰ سَعِيرًا (12)
Жана тозокко ташталат |
إِنَّهُ كَانَ فِي أَهْلِهِ مَسْرُورًا (13)
Чынында, ал (дүйнө жашоосунда) үй-бүлөсүнүн арасында шат-курсант болчу |
إِنَّهُ ظَنَّ أَن لَّن يَحُورَ (14)
Чынында, ал өзүн эч качан (Раббисине) кайтпачудай сезчү |
بَلَىٰ إِنَّ رَبَّهُ كَانَ بِهِ بَصِيرًا (15)
Жок! Андай эмес! (Ал раббисине кайтып барат!) Акыйкатта, Раббиси аны көрүп турган |
فَلَا أُقْسِمُ بِالشَّفَقِ (16)
Мен (күн батып бараткандагы) күүгүмгө ант ичип |
وَاللَّيْلِ وَمَا وَسَقَ (17)
Түнгө, жана да түн өз койнуна алган (бардык) нерсеге ант ичип |
وَالْقَمَرِ إِذَا اتَّسَقَ (18)
Жана толгон кездеги (толун) айга ант ичип (айтамын) |
لَتَرْكَبُنَّ طَبَقًا عَن طَبَقٍ (19)
(О, инсандар!) силер аныгында, баскычтан баскычка минесиңер |
فَمَا لَهُمْ لَا يُؤْمِنُونَ (20)
Аларга эмне болду, ыйман келтирбей жатышат |
وَإِذَا قُرِئَ عَلَيْهِمُ الْقُرْآنُ لَا يَسْجُدُونَ ۩ (21)
Жана эгер аларга Кураан окуп берилчү болсо, (моюн суну менен) сажда кылышпайт |
بَلِ الَّذِينَ كَفَرُوا يُكَذِّبُونَ (22)
Тескерисинче, каапыр болгон пенделер (кайра тирилүүнү) «жалган» дешет |
وَاللَّهُ أَعْلَمُ بِمَا يُوعُونَ (23)
Бирок, алар ичине эмне жашырганын Аллаһ эң жакшы билет |
فَبَشِّرْهُم بِعَذَابٍ أَلِيمٍ (24)
(О, Мухаммад!) Сен аларга жан ооруткан азаптын кабарын бер |
إِلَّا الَّذِينَ آمَنُوا وَعَمِلُوا الصَّالِحَاتِ لَهُمْ أَجْرٌ غَيْرُ مَمْنُونٍ (25)
А бирок, ыйман келтирип, жакшы (сооп) иштерди жасагандар(га бейишти сүйүнчүлө). Алар үчүн түгөнгүс сыйлыктар бар |
