هَلْ أَتَاكَ حَدِيثُ الْغَاشِيَةِ (1)
(О, Мухаммад!) сага Ороп алуучунун кабары келдиби?” |
وُجُوهٌ يَوْمَئِذٍ خَاشِعَةٌ (2)
Ал Күндө (каапыр) жүздөр коркууда(н кубарып, жер карайт) |
عَامِلَةٌ نَّاصِبَةٌ (3)
(Тозоктогу кишендерден) чарчаган, кыйналган абалда |
تَصْلَىٰ نَارًا حَامِيَةً (4)
кызыган отко кирет |
تُسْقَىٰ مِنْ عَيْنٍ آنِيَةٍ (5)
(Аларга) кайнаган булактан суу ичирилет |
لَّيْسَ لَهُمْ طَعَامٌ إِلَّا مِن ضَرِيعٍ (6)
Алар үчүн (тозокто) тикенден башка тамак жок |
لَّا يُسْمِنُ وَلَا يُغْنِي مِن جُوعٍ (7)
(Ал) семиртпейт жана тойдурбайт |
وُجُوهٌ يَوْمَئِذٍ نَّاعِمَةٌ (8)
Ал күндө (ыймандуу) жүздөр шат — куунак |
لِّسَعْيِهَا رَاضِيَةٌ (9)
(Бул дүйнөдөгү адал, сооп) иш — аракеттерине ыраазы |
فِي جَنَّةٍ عَالِيَةٍ (10)
Жогорку Бейиште |
لَّا تَسْمَعُ فِيهَا لَاغِيَةً (11)
Анда маанисиз сөздөрдү укпайт |
فِيهَا عَيْنٌ جَارِيَةٌ (12)
Анда агып турган булактар |
فِيهَا سُرُرٌ مَّرْفُوعَةٌ (13)
Бийик сөрүлөр |
وَأَكْوَابٌ مَّوْضُوعَةٌ (14)
(Ичишке даярдап) коюлган чөйчөктөр |
وَنَمَارِقُ مَصْفُوفَةٌ (15)
Сап-сап тизилген жаздыктар |
وَزَرَابِيُّ مَبْثُوثَةٌ (16)
Жана төшөлгөн килемдер бар |
أَفَلَا يَنظُرُونَ إِلَى الْإِبِلِ كَيْفَ خُلِقَتْ (17)
Алар (Каапырлар) карашпайбы, төөнүн кандай жаратылганына |
وَإِلَى السَّمَاءِ كَيْفَ رُفِعَتْ (18)
Асмандын кандай көтөрүп коюлганына |
وَإِلَى الْجِبَالِ كَيْفَ نُصِبَتْ (19)
Тоолордун кандай сайып коюлганына |
وَإِلَى الْأَرْضِ كَيْفَ سُطِحَتْ (20)
Жана жердин кандай жайып коюлганына |
فَذَكِّرْ إِنَّمَا أَنتَ مُذَكِّرٌ (21)
(О, Мухаммад) эскерткин! Анткени, сен эскертүүчүсүң |
لَّسْتَ عَلَيْهِم بِمُصَيْطِرٍ (22)
Сен аларга үстөмдүк кылуучу эмессиң |
إِلَّا مَن تَوَلَّىٰ وَكَفَرَ (23)
Бирок, ким жүз бурса жана каапыр болсо |
فَيُعَذِّبُهُ اللَّهُ الْعَذَابَ الْأَكْبَرَ (24)
Аны Аллаһ чоң азапка салат |
إِنَّ إِلَيْنَا إِيَابَهُمْ (25)
Алар (өлгөндөн соң) Бизге кайтышат |
ثُمَّ إِنَّ عَلَيْنَا حِسَابَهُم (26)
Кийин алар менен Өзүбүз эсептешип алабыз |
