إِذَا الشَّمْسُ كُوِّرَتْ (1)
Apo zuva parichaputirwa, uye chiedza charo chobva |
وَإِذَا النُّجُومُ انكَدَرَتْ (2)
Uye apo nyeredzi padzichadonha |
وَإِذَا الْجِبَالُ سُيِّرَتْ (3)
Uye apo makomo paachaitwa kuti afambe (achibva panzvimbo dzawo) |
وَإِذَا الْعِشَارُ عُطِّلَتْ (4)
Uye apo ngamera dzakazvitakura dzichasiiwa dzisina muchengeti |
وَإِذَا الْوُحُوشُ حُشِرَتْ (5)
Uye apo zvikara zvesango pazvichaunganidzwa |
وَإِذَا الْبِحَارُ سُجِّرَتْ (6)
Uye apo makungwa paachatungidzwa ova moto (kana paachapfachukira) |
وَإِذَا النُّفُوسُ زُوِّجَتْ (7)
Uye apo mweya ichabatanidzwa nemitumbi yayo (yakanaka neyakanaka uye yakaipa neyakaipa) |
وَإِذَا الْمَوْءُودَةُ سُئِلَتْ (8)
Uye apo mwanasikana akavigwa ari mupenyu (sezvaiitwa nemaArabhu vasati vave maMuslim) paachabvunzwa |
بِأَيِّ ذَنبٍ قُتِلَتْ (9)
Kuti chitadzo chei chaakaurairwa |
وَإِذَا الصُّحُفُ نُشِرَتْ (10)
Uye apo mabhuku (emabasa akanaka neakaipa) achavhurwa |
وَإِذَا السَّمَاءُ كُشِطَتْ (11)
Uye denga richasiiwa pachena robviswa panzvimbo paro |
وَإِذَا الْجَحِيمُ سُعِّرَتْ (12)
Uye apo Gehena richatungidzwa |
وَإِذَا الْجَنَّةُ أُزْلِفَتْ (13)
Uye apo Paradhiso richaiswa pedyo |
عَلِمَتْ نَفْسٌ مَّا أَحْضَرَتْ (14)
Munhu wese achaziva zvaakatungamidza (mabasa akanaka neakaipa) |
فَلَا أُقْسِمُ بِالْخُنَّسِ (15)
Naizvozvo, ndinopika nepasi pose panotaramuka (zvisikwa zvomudenga zvinonyangarika masikati zvobudikira usiku) |
الْجَوَارِ الْكُنَّسِ (16)
Uyezve (ndinopika) nepasi pose panofamba nekukurumidza nekuzvihwandisa |
وَاللَّيْلِ إِذَا عَسْعَسَ (17)
Uye neusiku paunoenda |
وَالصُّبْحِ إِذَا تَنَفَّسَ (18)
Uyezve nemambakwedza pakunochena |
إِنَّهُ لَقَوْلُ رَسُولٍ كَرِيمٍ (19)
Zvirokwazvo, iri (Qur’aan) ishoko (rakaunzwa) nemutumwa anoremekedzeka (Gabriel, kubva kuna Allah richienda kuna Mutumwa Muhammad (SAW) |
ذِي قُوَّةٍ عِندَ ذِي الْعَرْشِ مَكِينٍ (20)
Anemasimba kuna (Allah), Tenzi vechigaro (chepamusoro) |
مُّطَاعٍ ثَمَّ أَمِينٍ (21)
Anoteererwa (nengirozi kudenga) uye akavimbika |
وَمَا صَاحِبُكُم بِمَجْنُونٍ (22)
Uye (Imi vanhu) mumwe wenyu (Muhammad (SAW)) haapengi |
وَلَقَدْ رَآهُ بِالْأُفُقِ الْمُبِينِ (23)
Uye zvirokwazvo iye (Muhammad (SAW)) akamuona (Jibreel – Gabriel (AS)) mudenga makachena (kumabhazuva) |
وَمَا هُوَ عَلَى الْغَيْبِ بِضَنِينٍ (24)
Uye iye (Muhammad (SAW)) haavigi ruzivo rwezvakavanzika |
وَمَا هُوَ بِقَوْلِ شَيْطَانٍ رَّجِيمٍ (25)
Uye iri (Qur’aan) harisi shoko raShaitwaan (satani) akarasirirwa |
فَأَيْنَ تَذْهَبُونَ (26)
Naizvozvo murikunanga kupi |
إِنْ هُوَ إِلَّا ذِكْرٌ لِّلْعَالَمِينَ (27)
Zvirokwazvo, harisi chimwe chinhu kunze kweyeuchidzo kunyika dzose (Vanhu nemaJinn) |
لِمَن شَاءَ مِنكُمْ أَن يَسْتَقِيمَ (28)
Kune wese kwamuri anoshuvira kutora nzira yakatwasuka |
وَمَا تَشَاءُونَ إِلَّا أَن يَشَاءَ اللَّهُ رَبُّ الْعَالَمِينَ (29)
Uye hapana chamunoshuvira kusara kweizvo zvinoshuvirwa naAllah, Tenzi venyika dzose |
