وَالسَّمَاءِ وَالطَّارِقِ (1)
(Ndinopika) nedenga, neAt-Twaariq (nyenyedzi inouya usiku) |
وَمَا أَدْرَاكَ مَا الطَّارِقُ (2)
Uye chii chichakuita kuti uzive kuti At-Twaariq chii |
النَّجْمُ الثَّاقِبُ (3)
Inyenyedzi inopenya zvikuru |
إِن كُلُّ نَفْسٍ لَّمَّا عَلَيْهَا حَافِظٌ (4)
Munhu wose ane muchengetedzi pamusoro pake (ngirozi dzinoona kumuchengetedza, kunyora mabasa ake akanaka neakaipa).
nezvemunhu wose |
فَلْيَنظُرِ الْإِنسَانُ مِمَّ خُلِقَ (5)
Naizvozvo munhu ngaatarise kuti akasikwa kubva pai |
خُلِقَ مِن مَّاءٍ دَافِقٍ (6)
Akasikwa kubva mumvura inobuda nesimba |
يَخْرُجُ مِن بَيْنِ الصُّلْبِ وَالتَّرَائِبِ (7)
Inobva pakati pemuzongoza nembabvu |
إِنَّهُ عَلَىٰ رَجْعِهِ لَقَادِرٌ (8)
Zvirokwazvo, (Allah) vane simba rekumudzora (kuhupenyu) |
يَوْمَ تُبْلَى السَّرَائِرُ (9)
Zuva zvakavanzika (mabasa, minamato, kutsanya, nezvimwewo) zvichaongororwa (zvichaburitswa) |
فَمَا لَهُ مِن قُوَّةٍ وَلَا نَاصِرٍ (10)
Naizvozvo achange asina simba kana mubatsiri |
وَالسَّمَاءِ ذَاتِ الرَّجْعِ (11)
(Ndinopika) nedenga (rine makore emvura) rinopa mvura, nguva nenguva |
وَالْأَرْضِ ذَاتِ الصَّدْعِ (12)
Uye nepasi rinotsemuka (nekukura kwemiti nezvirimwa) |
إِنَّهُ لَقَوْلٌ فَصْلٌ (13)
Zvirokwazvo, (Qur’aan) iri ishoko rinopatsanura (chokwadi kubva kumanyepo) |
وَمَا هُوَ بِالْهَزْلِ (14)
Uye harisi chinhu chedambe |
إِنَّهُمْ يَكِيدُونَ كَيْدًا (15)
Zvirokwazvo, vari kuronga hurongwa (hwekukuvhiringidza Muhammad (SAW) |
وَأَكِيدُ كَيْدًا (16)
Uye ini (wo) ndiri kuronga hurongwa |
فَمَهِّلِ الْكَافِرِينَ أَمْهِلْهُمْ رُوَيْدًا (17)
Naizvozvo chimbononotsa vasingatendi, wovasiya kwekanguva |
