وَالسَّمَاءِ ذَاتِ الْبُرُوجِ (1)
Буржлар эгаси бўлган осмон билан қасам |
وَالْيَوْمِ الْمَوْعُودِ (2)
Ва ваъда қилинган кун билан қасам |
وَشَاهِدٍ وَمَشْهُودٍ (3)
Гувоҳлик берувчи ва гувоҳлик берилган билан қасам |
قُتِلَ أَصْحَابُ الْأُخْدُودِ (4)
«Ухдуд» эгаларига лаънат бўлсин |
النَّارِ ذَاتِ الْوَقُودِ (5)
У ёқилғиси кўп, қаттиқ исиган оловдир |
إِذْ هُمْ عَلَيْهَا قُعُودٌ (6)
У(кофир)лар ўша(чуқур)лар атрофида ўтирибдирлар |
وَهُمْ عَلَىٰ مَا يَفْعَلُونَ بِالْمُؤْمِنِينَ شُهُودٌ (7)
Ва улар мўминларга қилаётган нарсаларига ўзлари гувоҳдирлар |
وَمَا نَقَمُوا مِنْهُمْ إِلَّا أَن يُؤْمِنُوا بِاللَّهِ الْعَزِيزِ الْحَمِيدِ (8)
Ва (улар) мўминлардан Азийз, Ҳамийд Аллоҳга бўлган иймондан бошқа «айб» топа олмадилар |
الَّذِي لَهُ مُلْكُ السَّمَاوَاتِ وَالْأَرْضِ ۚ وَاللَّهُ عَلَىٰ كُلِّ شَيْءٍ شَهِيدٌ (9)
У шундай зотки, осмонлару ернинг мулки Унга хосдир ва Аллоҳ ҳар бир нарсага Ўзи гувоҳдир |
إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ (10)
Албатта, мўмин ва мўминаларни фитна қилиб, сўнгра тавба қилмаганларга, ана ўшаларга жаҳаннам азоби ва куйдирувчи азоб бор |
إِنَّ الَّذِينَ آمَنُوا وَعَمِلُوا الصَّالِحَاتِ لَهُمْ جَنَّاتٌ تَجْرِي مِن تَحْتِهَا الْأَنْهَارُ ۚ ذَٰلِكَ الْفَوْزُ الْكَبِيرُ (11)
Албатта, иймон келтирган ва солиҳ амал қилганларга, уларга, остидан анҳорлар оқиб турган жаннатлар бор. Бу эса ниҳоятда улкан ютуқдир |
إِنَّ بَطْشَ رَبِّكَ لَشَدِيدٌ (12)
Албатта, Роббингнинг чангали жуда ҳам шиддатли, қаттиқдир |
إِنَّهُ هُوَ يُبْدِئُ وَيُعِيدُ (13)
Албатта, У Ўзи бошлайдир ва қайтарадир |
وَهُوَ الْغَفُورُ الْوَدُودُ (14)
Ва У мағфират қилувчи, барчага яхшиликни раво кўрувчи Зотдир |
ذُو الْعَرْشِ الْمَجِيدُ (15)
У, Арш эгаси ҳамда қадри улуғ Зотдир |
فَعَّالٌ لِّمَا يُرِيدُ (16)
У нимани хоҳласа, қила олувчи Зотдир |
هَلْ أَتَاكَ حَدِيثُ الْجُنُودِ (17)
Сенга аскарларнинг хабари келдими |
فِرْعَوْنَ وَثَمُودَ (18)
Фиръавн ва Самуднинг |
بَلِ الَّذِينَ كَفَرُوا فِي تَكْذِيبٍ (19)
Балки, кофирлар ёлғонга чиқаришадир |
وَاللَّهُ مِن وَرَائِهِم مُّحِيطٌ (20)
Ҳолбуки, Аллоҳ уларнинг ортидан иҳота қилиб турувчидир |
بَلْ هُوَ قُرْآنٌ مَّجِيدٌ (21)
Йўқ!!! У Қуръони Мажийддур |
فِي لَوْحٍ مَّحْفُوظٍ (22)
У Лавҳул Маҳфуздадир |
