إِذَا السَّمَاءُ انشَقَّتْ (1)
Вақтики, осмон ёрилса |
وَأَذِنَتْ لِرَبِّهَا وَحُقَّتْ (2)
У(осмон) ўз Роббисига қулоқ осди, бўйсунди ва шундоқ бўлиши керак эди |
وَإِذَا الْأَرْضُ مُدَّتْ (3)
Ва вақтики, ер чўзилса |
وَأَلْقَتْ مَا فِيهَا وَتَخَلَّتْ (4)
Ва ўз ичидаги нарсаларни отиб чиқариб, холи қолса |
وَأَذِنَتْ لِرَبِّهَا وَحُقَّتْ (5)
У(ер) ўз Роббисига қулоқ осди, бўйсунди ва шундоқ бўлиши керак эди |
يَا أَيُّهَا الْإِنسَانُ إِنَّكَ كَادِحٌ إِلَىٰ رَبِّكَ كَدْحًا فَمُلَاقِيهِ (6)
Эй инсон! Албатта, сен Роббингга йўлиққунингча, ҳаракату уринишда бўласан ва охири унга йўлиқасан ҳам |
فَأَمَّا مَنْ أُوتِيَ كِتَابَهُ بِيَمِينِهِ (7)
Аммо кимнинг китоби ўнг тарафдан берилса |
فَسَوْفَ يُحَاسَبُ حِسَابًا يَسِيرًا (8)
Тезда, осонгина ҳисоб қилинур |
وَيَنقَلِبُ إِلَىٰ أَهْلِهِ مَسْرُورًا (9)
Ва аҳли ҳузурига хурсанд ҳолда қайтиб борур |
وَأَمَّا مَنْ أُوتِيَ كِتَابَهُ وَرَاءَ ظَهْرِهِ (10)
Ва аммо кимнинг китоби орқа тарафдан берилса |
فَسَوْفَ يَدْعُو ثُبُورًا (11)
У тезда ўзига ҳалокатни чақирур |
وَيَصْلَىٰ سَعِيرًا (12)
Ва қизиб турган дўзахга кирур |
إِنَّهُ كَانَ فِي أَهْلِهِ مَسْرُورًا (13)
Чунки, у (бу дунёда) ўз аҳли билан хурсанд бўлиб ўтган эди |
إِنَّهُ ظَنَّ أَن لَّن يَحُورَ (14)
Чунки, у ҳеч қачон орқага қайтмасликни ўйлаган эди |
بَلَىٰ إِنَّ رَبَّهُ كَانَ بِهِ بَصِيرًا (15)
Ҳа! Албатта, Робби уни доим кўриб турувчи эди |
فَلَا أُقْسِمُ بِالشَّفَقِ (16)
Шафақ билан қасамки |
وَاللَّيْلِ وَمَا وَسَقَ (17)
Кечаси ва у ўраб олган нарсалар билан қасамки |
وَالْقَمَرِ إِذَا اتَّسَقَ (18)
Ва тўлин ой билан қасамки |
لَتَرْكَبُنَّ طَبَقًا عَن طَبَقٍ (19)
Албатта, сизлар табақама-табақа минасизлар |
فَمَا لَهُمْ لَا يُؤْمِنُونَ (20)
Нима бўлган уларга, иймон келтирмаслар |
وَإِذَا قُرِئَ عَلَيْهِمُ الْقُرْآنُ لَا يَسْجُدُونَ ۩ (21)
Ва агар уларга Қуръон ўқилса, сажда қилмаслар |
بَلِ الَّذِينَ كَفَرُوا يُكَذِّبُونَ (22)
Балки кофирлар ёлғонга чиқарурлар |
وَاللَّهُ أَعْلَمُ بِمَا يُوعُونَ (23)
Улар (қалбларида) нимани сақлаётганларини Аллоҳнинг Ўзи биладир |
فَبَشِّرْهُم بِعَذَابٍ أَلِيمٍ (24)
Уларга аламли азобнинг «башоратини» бер |
إِلَّا الَّذِينَ آمَنُوا وَعَمِلُوا الصَّالِحَاتِ لَهُمْ أَجْرٌ غَيْرُ مَمْنُونٍ (25)
Илло, иймон келтирганларга ва яхши амаллар қилганларга миннатсиз, узлуксиз ажрлар бор |
