يَا أَيُّهَا الْمُزَّمِّلُ (1)
Hai gata ureueng nyang meuseulimbot |
قُمِ اللَّيْلَ إِلَّا قَلِيلًا (2)
Beudoh lam seupot tajak munajah Takeubah malam mantong meubacut |
نِّصْفَهُ أَوِ انقُصْ مِنْهُ قَلِيلًا (3)
Siteungoh pih jeuet mantong takeubah Atawa kureueng nibak nyan bacut |
أَوْ زِدْ عَلَيْهِ وَرَتِّلِ الْقُرْآنَ تَرْتِيلًا (4)
Tatamah pih jeuet tabeuet qiraah Tabeuet Qur'an keunong makheurot |
إِنَّا سَنُلْقِي عَلَيْكَ قَوْلًا ثَقِيلًا (5)
Lon meu bri nyang got narit brat leupah |
إِنَّ نَاشِئَةَ اللَّيْلِ هِيَ أَشَدُّ وَطْئًا وَأَقْوَمُ قِيلًا (6)
Meu tabeuet malam mesra jitamong Teupat ngon keunong tabeuet qiraah |
إِنَّ لَكَ فِي النَّهَارِ سَبْحًا طَوِيلًا (7)
Meu tabeuet uroe gadoh that gata Panyang keurija mita napakah |
وَاذْكُرِ اسْمَ رَبِّكَ وَتَبَتَّلْ إِلَيْهِ تَبْتِيلًا (8)
Teuma taseubot nan Tuhan gata Ibadat gata khuchu“ keu Allah |
رَّبُّ الْمَشْرِقِ وَالْمَغْرِبِ لَا إِلَٰهَ إِلَّا هُوَ فَاتَّخِذْهُ وَكِيلًا (9)
Tuhan keuh nyang Po timu ngon barat Kon Tuhan meuhat meunyo kon Allah Bak Tuhan gata talakee lindong |
وَاصْبِرْ عَلَىٰ مَا يَقُولُونَ وَاهْجُرْهُمْ هَجْرًا جَمِيلًا (10)
Peue-peue nyang jikheun saba that leupah Tapeujioh jih deungon cara got |
وَذَرْنِي وَالْمُكَذِّبِينَ أُولِي النَّعْمَةِ وَمَهِّلْهُمْ قَلِيلًا (11)
Tinggai lon meuhat ngon jih nyang salah Jikheun sulet dum peue-peue nyang takheun Nikmat keu jih nyan ka le that leupah Tayue meutanggoh bak jih nyan siat |
إِنَّ لَدَيْنَا أَنكَالًا وَجَحِيمًا (12)
Bak Kamoe azeub ka lheuh meukeubah Rante nuraka keu jih nyan meuhat |
وَطَعَامًا ذَا غُصَّةٍ وَعَذَابًا أَلِيمًا (13)
Makanan jih that tutong sileupah Meuceukiek reukueng han ek takarat Azeub peudeh that hanaban peugah |
يَوْمَ تَرْجُفُ الْأَرْضُ وَالْجِبَالُ وَكَانَتِ الْجِبَالُ كَثِيبًا مَّهِيلًا (14)
Bumoe ngon gunong uroe nyan anco Gunong teupiro jipo dum bicah |
إِنَّا أَرْسَلْنَا إِلَيْكُمْ رَسُولًا شَاهِدًا عَلَيْكُمْ كَمَا أَرْسَلْنَا إِلَىٰ فِرْعَوْنَ رَسُولًا (15)
Ka Kamoe kirem rasul bak gata Keu saksi gata beuna ngon salah Saban ngon dilee ka Kamoe kirem Ubak Peuraʻun pih hana ubah Meukirem rasul ubak Peuraʻun |
فَعَصَىٰ فِرْعَوْنُ الرَّسُولَ فَأَخَذْنَاهُ أَخْذًا وَبِيلًا (16)
Teuma Peuraʻun maksiet that leupah Jibantah rasul han jitem pateh Meusiksa treuk jih teuma brat leupah |
فَكَيْفَ تَتَّقُونَ إِن كَفَرْتُمْ يَوْمًا يَجْعَلُ الْوِلْدَانَ شِيبًا (17)
Pakri teuma droeuteuh taplihara Uroe nyan teuka takheun hana sah Uroe nyoe puteh dum ok aneuk miet Dumnan keuh meugriet hanaban peugah Gata takaphe akan uroe nyan |
السَّمَاءُ مُنفَطِرٌ بِهِ ۚ كَانَ وَعْدُهُ مَفْعُولًا (18)
Langet meuguncang Neubri le Allah Janji Tuhanku han jeuet han teuka Anco meuleua langet dum bicah |
إِنَّ هَٰذِهِ تَذْكِرَةٌ ۖ فَمَن شَاءَ اتَّخَذَ إِلَىٰ رَبِّهِ سَبِيلًا (19)
Keubit atra nyoe jeuet keu peuingat Barangsoe hajat jijak bak Allah Jalan Po jih nyan nyang jijak mita |
۞ إِنَّ رَبَّكَ يَعْلَمُ أَنَّكَ تَقُومُ أَدْنَىٰ مِن ثُلُثَيِ اللَّيْلِ وَنِصْفَهُ وَثُلُثَهُ وَطَائِفَةٌ مِّنَ الَّذِينَ مَعَكَ ۚ وَاللَّهُ يُقَدِّرُ اللَّيْلَ وَالنَّهَارَ ۚ عَلِمَ أَن لَّن تُحْصُوهُ فَتَابَ عَلَيْكُمْ ۖ فَاقْرَءُوا مَا تَيَسَّرَ مِنَ الْقُرْآنِ ۚ عَلِمَ أَن سَيَكُونُ مِنكُم مَّرْضَىٰ ۙ وَآخَرُونَ يَضْرِبُونَ فِي الْأَرْضِ يَبْتَغُونَ مِن فَضْلِ اللَّهِ ۙ وَآخَرُونَ يُقَاتِلُونَ فِي سَبِيلِ اللَّهِ ۖ فَاقْرَءُوا مَا تَيَسَّرَ مِنْهُ ۚ وَأَقِيمُوا الصَّلَاةَ وَآتُوا الزَّكَاةَ وَأَقْرِضُوا اللَّهَ قَرْضًا حَسَنًا ۚ وَمَا تُقَدِّمُوا لِأَنفُسِكُم مِّنْ خَيْرٍ تَجِدُوهُ عِندَ اللَّهِ هُوَ خَيْرًا وَأَعْظَمَ أَجْرًا ۚ وَاسْتَغْفِرُوا اللَّهَ ۖ إِنَّ اللَّهَ غَفُورٌ رَّحِيمٌ (20)
Keubit Po gata Neuteupue sudah Neuteupue gata malam tabagi Dua boh bagi tatueng phaedah Nibak Ihee bagi tacok dua boh Bacut hana troh tangui keu jatah Got pih tabeudoh siteungoh malam Bahgi lhee malam tabeudoh sudah Ngon rakan gata nyang sajan gata Sit ka Neukada bandum le Allah Han ek takira Tuhan Neuteupue Malam ngon uroe urusan Allah Toubat dum gata Tuhan teurimong Tabeuet beu keunong peue-peue nyang mudah Peue-peue nyang mudah tabeuet Qur'an Hana Neuparan gata le Allah Neuteupue gata ladom nyang saket Ladom jiteubiet mita napakah Lam bumoe Tuhan jijak keurija Jimeung jak mita karonya Allah Teuma seumbahyang ngon taboh zakeut Meunan lom tabeut peue-peue nyang mudah Peuutang Tuhan deungon buet nyang got Tapubuet nyang got keudroe teuh bagah Peue nyang tapubuet cit na balasan Neubri le Tuhan keu gata upah Raya that Neubri pahla le Tuhan Talakee ampon laju bak Allah Keubit roe Tuhan Maha Pengampon Lagi pih Tuhan Maha Pemurah |
