عَبَسَ وَتَوَلَّىٰ (1)
O (Annabi Muhammadu) saɣim o nini ni, ka lebi biri |
أَن جَاءَهُ الْأَعْمَىٰ (2)
Domin zom kana o sani na zuɣu |
وَمَا يُدْرِيكَ لَعَلَّهُ يَزَّكَّىٰ (3)
(Yaa nyini Annabi)! Bo n-leei baŋsi a ni di yi pa shɛli o naan niŋ kasi |
أَوْ يَذَّكَّرُ فَتَنفَعَهُ الذِّكْرَىٰ (4)
Bee ka o wum a wa’azu, ka wa’azu maa niŋ o anfaani |
أَمَّا مَنِ اسْتَغْنَىٰ (5)
Amaa! Ninvuɣu so ŋun mali buni maa |
فَأَنتَ لَهُ تَصَدَّىٰ (6)
Ka a zaɣisim be o ni |
وَمَا عَلَيْكَ أَلَّا يَزَّكَّىٰ (7)
Tɔ! Bo n-leei yɛn niŋ a chuuta o yi bi niŋ kasi |
وَأَمَّا مَن جَاءَكَ يَسْعَىٰ (8)
Amaa! Ŋun kana a sani n-ti bɔri yomyom’ maa |
وَهُوَ يَخْشَىٰ (9)
Ka o nyɛla ŋun zɔri Naawuni |
فَأَنتَ عَنْهُ تَلَهَّىٰ (10)
Ka a nyɛla ŋun yi o yɛla ni |
كَلَّا إِنَّهَا تَذْكِرَةٌ (11)
Haifa! Achiika! Di nyɛla teebu |
فَمَن شَاءَ ذَكَرَهُ (12)
Dinzuɣu, ŋun bɔra ŋun zaŋ li n-teei o maŋa |
فِي صُحُفٍ مُّكَرَّمَةٍ (13)
Di bela kundi shɛŋa din mali jilma la puuni |
مَّرْفُوعَةٍ مُّطَهَّرَةٍ (14)
Ka di nyɛ bɛ ni duhi shɛli, ka nyɛla din mali kasi |
بِأَيْدِي سَفَرَةٍ (15)
Ka di be Malaaikanim’ ban sabri (ninsalinim’) tuuntumsa nuu ni |
كِرَامٍ بَرَرَةٍ (16)
Darzanima, ban doli Naawuni zaligu |
قُتِلَ الْإِنسَانُ مَا أَكْفَرَهُ (17)
Bɛ narim ninsala (chɛfura), bo n- leei chɛ ka o niŋ gutulunsi |
مِنْ أَيِّ شَيْءٍ خَلَقَهُ (18)
Ni bimbo ka O (Naawuni) nam o |
مِن نُّطْفَةٍ خَلَقَهُ فَقَدَّرَهُ (19)
Ni maniyyi (dablim kom) ka O nam o, ka nam O saɣisi |
ثُمَّ السَّبِيلَ يَسَّرَهُ (20)
Din nyaaŋa ka O balgi soli n-ti o |
ثُمَّ أَمَاتَهُ فَأَقْبَرَهُ (21)
Din nyaaŋa, ka O chɛ ka o kpi, ka zaŋ o niŋ gballi ni |
ثُمَّ إِذَا شَاءَ أَنشَرَهُ (22)
Din nyaaŋa, O yi bɔra, ka O lahi yiɣisi o |
كَلَّا لَمَّا يَقْضِ مَا أَمَرَهُ (23)
Haifa! O (ninsala) bi tum Naawuni ni puhi o shɛli niŋbu |
فَلْيَنظُرِ الْإِنسَانُ إِلَىٰ طَعَامِهِ (24)
Dinzuɣu, ninsala yulmi o bindirgu |
أَنَّا صَبَبْنَا الْمَاءَ صَبًّا (25)
Achiika! Ti (Tinim’ Naawuni) kpaai la kom na (sagbana ni) kpaabu ni yɛlimaŋli |
ثُمَّ شَقَقْنَا الْأَرْضَ شَقًّا (26)
Din nyaaŋa, ka Ti chɛ ka tiŋgbani tahibɔɣi, bɔɣibu ni yɛlimaŋli |
فَأَنبَتْنَا فِيهَا حَبًّا (27)
Din nyaaŋa, ka Ti chɛ ka bimbilima yi di puuni na |
وَعِنَبًا وَقَضْبًا (28)
Ni inabi (sinsaba) mini momaha |
وَزَيْتُونًا وَنَخْلًا (29)
Ni zaituun mini dobino |
وَحَدَائِقَ غُلْبًا (30)
Ni puri din laɣim tihi pam |
وَفَاكِهَةً وَأَبًّا (31)
Ni binwola mini biŋkobri bindira |
مَّتَاعًا لَّكُمْ وَلِأَنْعَامِكُمْ (32)
Ka di nyɛla nyεɣisim n-ti ya, n-ti pahi yi biŋkobri |
فَإِذَا جَاءَتِ الصَّاخَّةُ (33)
Dinzuɣu, tahigu din pahi ayi yi ti kana |
يَوْمَ يَفِرُّ الْمَرْءُ مِنْ أَخِيهِ (34)
Dindali ka ninsala yɛn ti zɔri ka chɛri o mabia |
وَأُمِّهِ وَأَبِيهِ (35)
Ni o ba mini o ma |
وَصَاحِبَتِهِ وَبَنِيهِ (36)
Ni o paɣa mini o bihi |
لِكُلِّ امْرِئٍ مِّنْهُمْ يَوْمَئِذٍ شَأْنٌ يُغْنِيهِ (37)
Dindali maa, bɛ puuni ninvuɣu yino kam daa ti yεn malila yɛli shɛli din saɣindi o |
وُجُوهٌ يَوْمَئِذٍ مُّسْفِرَةٌ (38)
Dindali maa, ninvuɣu shɛba nina yɛn ti malila neesim |
ضَاحِكَةٌ مُّسْتَبْشِرَةٌ (39)
Ka nyɛla din lara, ka mali suhupɛlli |
وَوُجُوهٌ يَوْمَئِذٍ عَلَيْهَا غَبَرَةٌ (40)
Dindali maa mi, taŋkpagbilgu yɛn ti limsila shɛba nina polo |
تَرْهَقُهَا قَتَرَةٌ (41)
Ka zimsim ŋari li |
أُولَٰئِكَ هُمُ الْكَفَرَةُ الْفَجَرَةُ (42)
Bannim’ maa n-nyɛ chɛfurinima, ka nyɛ bibiɛhi |
