إِذَا الشَّمْسُ كُوِّرَتْ (1)
Bɛ yi ti nyɛhi wuntaŋ’ neesim |
وَإِذَا النُّجُومُ انكَدَرَتْ (2)
Yaha! Saŋmarsi yi ti gabi taba ni |
وَإِذَا الْجِبَالُ سُيِّرَتْ (3)
Yaha! Bɛ yi ti wurim zoya |
وَإِذَا الْعِشَارُ عُطِّلَتْ (4)
Yaha! Bɛ yi ti chɛ laakumbaɣa bahi (ka so bi lahi guli ba) |
وَإِذَا الْوُحُوشُ حُشِرَتْ (5)
Yaha! Bɛ yi ti laɣim mɔɣuni biŋkobri luɣuyini |
وَإِذَا الْبِحَارُ سُجِّرَتْ (6)
Yaha! Bɛ yi ti chɛ ka teeku kom taai ni buɣum |
وَإِذَا النُّفُوسُ زُوِّجَتْ (7)
Yaha! Bɛ yi ti laɣim nyɛvuya ni di nimgbina |
وَإِذَا الْمَوْءُودَةُ سُئِلَتْ (8)
Bɛ yi ti bɔhi bipuɣimbila so bɛ ni daa pi ni o nyɛvuli |
بِأَيِّ ذَنبٍ قُتِلَتْ (9)
Taali dini zuɣu ka bɛ daa ku o |
وَإِذَا الصُّحُفُ نُشِرَتْ (10)
Yaha! Bɛ yi ti chɛ ka ninsalinim’ tuuntumsa gbana yεɣili luɣuli kam |
وَإِذَا السَّمَاءُ كُشِطَتْ (11)
Yaha! Bɛ yi ti shi sagbana (kamani bɛ ni shiri biŋkobgu shɛm) |
وَإِذَا الْجَحِيمُ سُعِّرَتْ (12)
Yaha! Bɛ yi ti pɔbsi ʒehiimi buɣum |
وَإِذَا الْجَنَّةُ أُزْلِفَتْ (13)
Yaha! Bɛ yi ti vuui Alizanda miri na |
عَلِمَتْ نَفْسٌ مَّا أَحْضَرَتْ (14)
Nyɛvuli ni baŋ di ni kana (Chiyaama) ni shɛli |
فَلَا أُقْسِمُ بِالْخُنَّسِ (15)
M-po saŋmari shɛŋa ban chana, ka labri na |
الْجَوَارِ الْكُنَّسِ (16)
Ka di nyɛla din zɔra, ka sɔɣira |
وَاللَّيْلِ إِذَا عَسْعَسَ (17)
Ni yuŋ, di yi ti surgi |
وَالصُّبْحِ إِذَا تَنَفَّسَ (18)
Ni bekaali, di yi ti neei |
إِنَّهُ لَقَوْلُ رَسُولٍ كَرِيمٍ (19)
Achiika! Di (Alkur’aani) nyɛla tuun’ so ŋun mali jilma yɛltɔɣa |
ذِي قُوَّةٍ عِندَ ذِي الْعَرْشِ مَكِينٍ (20)
Yaalana, ŋun mali jilma Al’arshi lana sani |
مُّطَاعٍ ثَمَّ أَمِينٍ (21)
O nyɛla bɛ ni doli so nimaa ni (Alizanda), yɛmbahiga lana |
وَمَا صَاحِبُكُم بِمَجْنُونٍ (22)
Yaha! Yi zo (Annabi Muhammadu) maa pala yinyaa |
وَلَقَدْ رَآهُ بِالْأُفُقِ الْمُبِينِ (23)
Yaha! Achiika! O (Muhammadu) nya o (Malaaika Ziblila) zuɣusaa polo yεɣu ni |
وَمَا هُوَ عَلَى الْغَيْبِ بِضَنِينٍ (24)
Yaha! O pala biɛmlana ni din sɔɣi |
وَمَا هُوَ بِقَوْلِ شَيْطَانٍ رَّجِيمٍ (25)
Yaha! Di (Alkur’aani) pala shintaŋ so bɛ ni narim la yɛltɔɣa |
فَأَيْنَ تَذْهَبُونَ (26)
Dizuɣu, ya ka yi chana |
إِنْ هُوَ إِلَّا ذِكْرٌ لِّلْعَالَمِينَ (27)
Di (Alkur’aani) pa shɛli naɣila teebu n-zaŋ ti binnamda |
لِمَن شَاءَ مِنكُمْ أَن يَسْتَقِيمَ (28)
Ni ninvuɣu so ŋun bɔri ni o zani n-tuhi yi puuni |
وَمَا تَشَاءُونَ إِلَّا أَن يَشَاءَ اللَّهُ رَبُّ الْعَالَمِينَ (29)
Yi mi ku tooi yu shɛli (ka di niŋ), naɣila Naawuni, binnamda Duuma yi yu li |
