وَالْمُرْسَلَاتِ عُرْفًا (1)
Ibut ko Puphamanogo-on, a di-i Makathondotondog |
فَالْعَاصِفَاتِ عَصْفًا (2)
Go so puphamanambur sa mabandus |
وَالنَّاشِرَاتِ نَشْرًا (3)
Go so puphamayapat (ko oran) sa samporna a kapamayapat |
فَالْفَارِقَاتِ فَرْقًا (4)
Go so gi-i makashusung-gaya sa samporna a kasunggai |
فَالْمُلْقِيَاتِ ذِكْرًا (5)
Go so puphamamugai sa Pananadum (a manga Malaikat) |
عُذْرًا أَوْ نُذْرًا (6)
Kapamokas sa Kataksilan, o di na Kapamaka-iktiyar |
إِنَّمَا تُوعَدُونَ لَوَاقِعٌ (7)
Mata-an! A so diyandi rukano (a Mapunggolaola ko Alongan a Qiyamah) na phakatana dun |
فَإِذَا النُّجُومُ طُمِسَتْ (8)
Na amai ka so manga Bito-on na mapadung |
وَإِذَا السَّمَاءُ فُرِجَتْ (9)
Go amai ka so Langit na mabunsad |
وَإِذَا الْجِبَالُ نُسِفَتْ (10)
Go amai ka so manga Palao na mamangikayambur |
وَإِذَا الرُّسُلُ أُقِّتَتْ (11)
Go amai ka so manga Sogo na Limodun ko wakto a Mapupunto |
لِأَيِّ يَوْمٍ أُجِّلَتْ (12)
Antona-a i Alongan a tiyaalik |
لِيَوْمِ الْفَصْلِ (13)
Si-i ko Alongan a Kokoman |
وَمَا أَدْرَاكَ مَا يَوْمُ الْفَصْلِ (14)
Na antona-a i miyakandao Ruka o antona-a i Alongan a Kokoman |
وَيْلٌ يَوْمَئِذٍ لِّلْمُكَذِّبِينَ (15)
Kabinasa sa Alongan noto, a bagiyan o Piyamakambokhag iran naya |
أَلَمْ نُهْلِكِ الْأَوَّلِينَ (16)
Ba Ami da binasa-a so miyanga o ona |
ثُمَّ نُتْبِعُهُمُ الْآخِرِينَ (17)
Oriyan niyan na iputhondog Ami kiran so miyanga o ori |
كَذَٰلِكَ نَفْعَلُ بِالْمُجْرِمِينَ (18)
Lagid oto man a ikhidiya Mi ko manga baradosa |
وَيْلٌ يَوْمَئِذٍ لِّلْمُكَذِّبِينَ (19)
Kabinasa sa Alongan noto, a bagiyan o Miyamanaplis |
أَلَمْ نَخْلُقكُّم مِّن مَّاءٍ مَّهِينٍ (20)
Ba Ami sukano da Aduna a pho-on sa ig a malumuk |
فَجَعَلْنَاهُ فِي قَرَارٍ مَّكِينٍ (21)
Na tiyago Amı oto ko darpaa Mapapalihara |
إِلَىٰ قَدَرٍ مَّعْلُومٍ (22)
Taman ko diyangka a katawan |
فَقَدَرْنَا فَنِعْمَ الْقَادِرُونَ (23)
Na Pindidiyangka Ami. Na sayana Kami a mapiya a Mididiyangka |
وَيْلٌ يَوْمَئِذٍ لِّلْمُكَذِّبِينَ (24)
Kabinasa ko Alongan noto, a bagiyan o Miyamanaplis |
أَلَمْ نَجْعَلِ الْأَرْضَ كِفَاتًا (25)
Ba Ami da baloya so Lopa a maka-a angkos |
أَحْيَاءً وَأَمْوَاتًا (26)
Ko manga Oyagoyag a go so Miyamatai |
وَجَعَلْنَا فِيهَا رَوَاسِيَ شَامِخَاتٍ وَأَسْقَيْنَاكُم مَّاءً فُرَاتًا (27)
Go piyakabukunan Ami oto sa manga Palao a manga poporo, go piyaka-inom Ami sukano sa ig atabang |
وَيْلٌ يَوْمَئِذٍ لِّلْمُكَذِّبِينَ (28)
Kabinasa sa Alongan noto, a bagiyan o Miyamanaplis |
انطَلِقُوا إِلَىٰ مَا كُنتُم بِهِ تُكَذِّبُونَ (29)
(Putharo-on kiran:) Songkano ko piyakambokhag iyo sukaniyan |
انطَلِقُوا إِلَىٰ ظِلٍّ ذِي ثَلَاثِ شُعَبٍ (30)
Songkano ko Along a tulo sai |
لَّا ظَلِيلٍ وَلَا يُغْنِي مِنَ اللَّهَبِ (31)
Di khasirongan, go di khirun ko kadug |
إِنَّهَا تَرْمِي بِشَرَرٍ كَالْقَصْرِ (32)
Mata-an naya! A ipuphululubad iyan so manga kotokoto a Apoi a datar o manga torogan |
كَأَنَّهُ جِمَالَتٌ صُفْرٌ (33)
Lagid o ba oto manga Onta a manga Bibinaning |
وَيْلٌ يَوْمَئِذٍ لِّلْمُكَذِّبِينَ (34)
Kabinasa sa Alongan noto, a bagiyan o Miyamanaplis |
هَٰذَا يَوْمُ لَا يَنطِقُونَ (35)
Giyaya so Alongan a di siran Makaputharo |
وَلَا يُؤْذَنُ لَهُمْ فَيَعْتَذِرُونَ (36)
Go di kiran iphangonot, ka o ba siran Makapamitowa |
وَيْلٌ يَوْمَئِذٍ لِّلْمُكَذِّبِينَ (37)
Sangat a siksa sa Alongan noto, a bagiyan o Miyamanaplis |
هَٰذَا يَوْمُ الْفَصْلِ ۖ جَمَعْنَاكُمْ وَالْأَوَّلِينَ (38)
Giyaya so Alongan a Kokoman: Linimod Ami sukano a rakhus o miyanga-o ona |
فَإِن كَانَ لَكُمْ كَيْدٌ فَكِيدُونِ (39)
Na o adun a ikmat iyo, na ikmat Ako niyo |
وَيْلٌ يَوْمَئِذٍ لِّلْمُكَذِّبِينَ (40)
Sangat a siksa sa Alongan noto, a ruk o Miyamanaplis |
إِنَّ الْمُتَّقِينَ فِي ظِلَالٍ وَعُيُونٍ (41)
Mata-an! A so Miyamananggila, na si-i ko khikasisirongan a gomanga bowalan |
وَفَوَاكِهَ مِمَّا يَشْتَهُونَ (42)
A go manga Onga, a pud koPukhababaya-an niran |
كُلُوا وَاشْرَبُوا هَنِيئًا بِمَا كُنتُمْ تَعْمَلُونَ (43)
(Putharo-on kiran:) Kangkano, go inom kano sa kapipiya ginawa sabap ko Pinggolaola niyo (a mapiya) |
إِنَّا كَذَٰلِكَ نَجْزِي الْمُحْسِنِينَ (44)
Mata-an! A Sukami na lagid oto man a kambalasi Ami ko Miphipiyapiya |
وَيْلٌ يَوْمَئِذٍ لِّلْمُكَذِّبِينَ (45)
Sangat a siksa sa Alongan noto, a ruk o Miyamanaplis |
كُلُوا وَتَمَتَّعُوا قَلِيلًا إِنَّكُم مُّجْرِمُونَ (46)
Kangkano go khariyala kano sa di mathai. Mata-an! A sukano na manga sala |
وَيْلٌ يَوْمَئِذٍ لِّلْمُكَذِّبِينَ (47)
Sangat a siksa sa Alongan noto, a ruk o Miyamanaplis |
وَإِذَا قِيلَ لَهُمُ ارْكَعُوا لَا يَرْكَعُونَ (48)
Na igira-a Pitharo kiran: a (Shambayang kano sa) Pangalimbaba-angkano! Na di siran Phangalimbaba-an |
وَيْلٌ يَوْمَئِذٍ لِّلْمُكَذِّبِينَ (49)
Sangat a siksa sa Alongan noto, a ruk o Piyakambokhag iran naya |
فَبِأَيِّ حَدِيثٍ بَعْدَهُ يُؤْمِنُونَ (50)
Na antona-a 1 Tothol, ko oriyan angkai a Qur-an, i Pharatiyaya-an niran |
