وَالنَّازِعَاتِ غَرْقًا (1)
Ibut ko di-i Nggagandur tomukao (a manga Malaikat) |
وَالنَّاشِطَاتِ نَشْطًا (2)
Go so Puphamanonggos sa mananal |
وَالسَّابِحَاتِ سَبْحًا (3)
Go so Puphamanoron sa maga-an |
فَالسَّابِقَاتِ سَبْقًا (4)
Go so Puphamangonakona mona |
فَالْمُدَبِّرَاتِ أَمْرًا (5)
Go so gi-i Thatandingan ko Sogowan (ka Pagoyagun kano dun) |
يَوْمَ تَرْجُفُ الرَّاجِفَةُ (6)
Si-i ko Alongan a Thambutambug so Phakatambug |
تَتْبَعُهَا الرَّادِفَةُ (7)
A matondog sukaniyan o phakatondog |
قُلُوبٌ يَوْمَئِذٍ وَاجِفَةٌ (8)
So manga poso sa Alongan noto na ma-aluk |
أَبْصَارُهَا خَاشِعَةٌ (9)
So manga kailai ron na Makasusunong |
يَقُولُونَ أَإِنَّا لَمَرْدُودُونَ فِي الْحَافِرَةِ (10)
Gi-i ran Tharo-on: Ba Mataan! A sukutano na khikasoi tano dun ko asal a butad (a kaoyagoyag) |
أَإِذَا كُنَّا عِظَامًا نَّخِرَةً (11)
Ati apiya pun mabaloi tano a manga tolan a miyanga rorophod |
قَالُوا تِلْكَ إِذًا كَرَّةٌ خَاسِرَةٌ (12)
Pitharo iran: A giyoto man na sa maoto na kapakakasoi a kalogi |
فَإِنَّمَا هِيَ زَجْرَةٌ وَاحِدَةٌ (13)
Na giyoto na Satiman bo a Lalis |
فَإِذَا هُم بِالسَّاهِرَةِ (14)
Na sa maoto na siran na matago siran ko liyawao o Lopa (a manga Oyagoyag) |
هَلْ أَتَاكَ حَدِيثُ مُوسَىٰ (15)
Ino a Miyakatalingoma Ruka so Totholan ko Musa |
إِذْ نَادَاهُ رَبُّهُ بِالْوَادِ الْمُقَدَّسِ طُوًى (16)
Gowani a itawag Rukaniyan o Kadnan Niyan si-i ko balintad a Soti a giya Towa |
اذْهَبْ إِلَىٰ فِرْعَوْنَ إِنَّهُ طَغَىٰ (17)
Songka ko Pir-aon, -Mataan! A sukaniyan na Miyangakowala |
فَقُلْ هَل لَّكَ إِلَىٰ أَن تَزَكَّىٰ (18)
Na Tharowangka: Ino khabaya ka a Masoti ka |
وَأَهْدِيَكَ إِلَىٰ رَبِّكَ فَتَخْشَىٰ (19)
Go Manggonanao Akun suka ko Kadnan ka, na Makapananggilaka |
فَأَرَاهُ الْآيَةَ الْكُبْرَىٰ (20)
Na Piyaki-ilai Niyan non so tanda a mala |
فَكَذَّبَ وَعَصَىٰ (21)
Na Piyakambokhag iyan go Somiyangka |
ثُمَّ أَدْبَرَ يَسْعَىٰ (22)
Oriyan niyan na Tomiyalikhod a gi-i nggaga-an |
فَحَشَرَ فَنَادَىٰ (23)
Na tominimo sa tao go Piyakalangkap iyan |
فَقَالَ أَنَا رَبُّكُمُ الْأَعْلَىٰ (24)
Sa Pitharo iyan: Sakun i Tohan niyo a Maporo |
فَأَخَذَهُ اللَّهُ نَكَالَ الْآخِرَةِ وَالْأُولَىٰ (25)
Na ini danugon o Allah so siksa ko Mori, a go so Paganai |
إِنَّ فِي ذَٰلِكَ لَعِبْرَةً لِّمَن يَخْشَىٰ (26)
Mata-an! A adun a matatago saya a titho a Thoma ko tao a Maalukun (ko Allah) |
أَأَنتُمْ أَشَدُّ خَلْقًا أَمِ السَّمَاءُ ۚ بَنَاهَا (27)
Ba sukano i marugun a adunun, antawa-a so Langit? Pimbalai Niyan Sukaniyan |
رَفَعَ سَمْكَهَا فَسَوَّاهَا (28)
Ini Poro Iyan so kaporo iyan, go Pithaong Iyan Phiyapiya |
وَأَغْطَشَ لَيْلَهَا وَأَخْرَجَ ضُحَاهَا (29)
Go Piyakalibotung Iyan so gagawi-i ron, go Piyakaliwanag Iyan so daondao ron |
وَالْأَرْضَ بَعْدَ ذَٰلِكَ دَحَاهَا (30)
Go so Lopa ko oriyan notona Kiyayat Iyan |
أَخْرَجَ مِنْهَا مَاءَهَا وَمَرْعَاهَا (31)
Piyakambowat Iyan non so ig rukaniyan, a go so manga Pangunungkun non |
وَالْجِبَالَ أَرْسَاهَا (32)
Go so manga Palao na Piyamakabukun Niyan non |
مَتَاعًا لَّكُمْ وَلِأَنْعَامِكُمْ (33)
Pagupur rukano a go so manga Ayam miyo |
فَإِذَا جَاءَتِ الطَّامَّةُ الْكُبْرَىٰ (34)
Na amai ka Makatalingoma so khaolaola a mala |
يَوْمَ يَتَذَكَّرُ الْإِنسَانُ مَا سَعَىٰ (35)
Si-i ko Alongan a Kataduman o Manosiya so Pinggolaola niyan |
وَبُرِّزَتِ الْجَحِيمُ لِمَن يَرَىٰ (36)
Go payagun so Naraka Jahim ko phakailai ron |
فَأَمَّا مَن طَغَىٰ (37)
Na so puman so tao a Miyangakowala |
وَآثَرَ الْحَيَاةَ الدُّنْيَا (38)
Go miyatomo iyan so kaoyagoyag sa doniya |
فَإِنَّ الْجَحِيمَ هِيَ الْمَأْوَىٰ (39)
Na Mata-an! A so Naraka Jahim na giyoto i darpa iyan |
وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَىٰ (40)
Na so puman so miyaluk sa ka Kha-adapa niyan ko Kadnan Niyan, go pininggun niyan a ginawa niyan ko kabaya a ribat |
فَإِنَّ الْجَنَّةَ هِيَ الْمَأْوَىٰ (41)
Na Mata-an! A so Sorga na giyoto i darpa iyan |
يَسْأَلُونَكَ عَنِ السَّاعَةِ أَيَّانَ مُرْسَاهَا (42)
Ipagisha iran Ruka so Bangkit, o andai kaphakadongko iyan |
فِيمَ أَنتَ مِن ذِكْرَاهَا (43)
Na Bangka kiran noto Kaphakisaboti |
إِلَىٰ رَبِّكَ مُنتَهَاهَا (44)
Si-i bo ko KĶKadnan Ka so Khadansalan niyan |
إِنَّمَا أَنتَ مُنذِرُ مَن يَخْشَاهَا (45)
Mata-an! A Suka na matag Ka Phamaka-iktiyar ko ma-aluk Rukaniyan |
كَأَنَّهُمْ يَوْمَ يَرَوْنَهَا لَمْ يَلْبَثُوا إِلَّا عَشِيَّةً أَوْ ضُحَاهَا (46)
Lagid o ba Mata-an a siran ko Alongan a kasandungi ranon na da-a minitarug iran (ko doniya) a rowar ko kagabi gabi o di na so kapita pita |
