| بِسْمِ اللَّهِ الرَّحْمَٰنِ الرَّحِيمِ (1) Sii ko ngaran o Allah, a Masalinggagaw, a Makalimoon |
| الْحَمْدُ لِلَّهِ رَبِّ الْعَالَمِينَ (2) So bantogan na rk o Allah, a Kadnan o manga kaadn |
| الرَّحْمَٰنِ الرَّحِيمِ (3) A Masalinggagaw, a Makalimoon |
| مَالِكِ يَوْمِ الدِّينِ (4) A Phapaar ko alongan a kapamalas |
| إِيَّاكَ نَعْبُدُ وَإِيَّاكَ نَسْتَعِينُ (5) Ska bo i phzoasoatn ami, go Ska bo i phangnian ami sa tabang |
| اهْدِنَا الصِّرَاطَ الْمُسْتَقِيمَ (6) Nggonanaowa kaming Ka ko okit a makaoontol |
| صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ (7) So okit o siran a inikalimoo Ka siran, salakaw ko kiyararangitan Ka siran, go salakaw ko mithataridadag |