الْحَاقَّةُ (1)
So phakatangkd |
مَا الْحَاقَّةُ (2)
Antonaa so phakatangkd |
وَمَا أَدْرَاكَ مَا الْحَاقَّةُ (3)
Na antawaa i miyakandao rka o antonaa so phakatangkd (a giyoto so bangkit) |
كَذَّبَتْ ثَمُودُ وَعَادٌ بِالْقَارِعَةِ (4)
Piyakambokhag o pagtaw a Samod, ago so pagtaw a Ad so phakatktk |
فَأَمَّا ثَمُودُ فَأُهْلِكُوا بِالطَّاغِيَةِ (5)
Na so pagtaw a Samod, na inibinasa kiran so lalis a minitaralo |
وَأَمَّا عَادٌ فَأُهْلِكُوا بِرِيحٍ صَرْصَرٍ عَاتِيَةٍ (6)
Na so pman so pagtaw a Ad, na inibinasa kiran so ndo a domadagoos, a miyakabandbands |
سَخَّرَهَا عَلَيْهِمْ سَبْعَ لَيَالٍ وَثَمَانِيَةَ أَيَّامٍ حُسُومًا فَتَرَى الْقَوْمَ فِيهَا صَرْعَىٰ كَأَنَّهُمْ أَعْجَازُ نَخْلٍ خَاوِيَةٍ (7)
Piyakapangarasi Niyan kiran sa miyakapito ka gagawii, go miyakawalo ka dawndaw sa da mapta, na khaylaing ka so pagtaw roo a khipakakklit, lagid oba siran manga itado a korma a miyanga o othang |
فَهَلْ تَرَىٰ لَهُم مِّن بَاقِيَةٍ (8)
Na ba adn a khaylaing ka kiran a malalamba |
وَجَاءَ فِرْعَوْنُ وَمَن قَبْلَهُ وَالْمُؤْتَفِكَاتُ بِالْخَاطِئَةِ (9)
Na siyogok o Pir´awn, ago so miyaonaan iyan, ago so taw sa Mo´tafikah so dosa |
فَعَصَوْا رَسُولَ رَبِّهِمْ فَأَخَذَهُمْ أَخْذَةً رَّابِيَةً (10)
Go siyangka iran so sogo o Kadnan iran, na siniksa Iyan siran sa siksa a maylot |
إِنَّا لَمَّا طَغَى الْمَاءُ حَمَلْنَاكُمْ فِي الْجَارِيَةِ (11)
Mataan! a Skami na kagiya a lomapay so ig na riyoran Ami skano ko kapal |
لِنَجْعَلَهَا لَكُمْ تَذْكِرَةً وَتَعِيَهَا أُذُنٌ وَاعِيَةٌ (12)
Kaan Ami rkano oto mabaloy a pananadm, go adn man´g skaniyan o tangila a pphamamakin´g |
فَإِذَا نُفِخَ فِي الصُّورِ نَفْخَةٌ وَاحِدَةٌ (13)
Na amay ka iyopn so sanggakala sa kaiyop a makaysa |
وَحُمِلَتِ الْأَرْضُ وَالْجِبَالُ فَدُكَّتَا دَكَّةً وَاحِدَةً (14)
Go madiyongkat so lopa ago so manga palaw, na maropt a dowa oto sa karopt a makaysa |
فَيَوْمَئِذٍ وَقَعَتِ الْوَاقِعَةُ (15)
Na sa alongan oto na makatana so phakatana (a giyoto so bangkit) |
وَانشَقَّتِ السَّمَاءُ فَهِيَ يَوْمَئِذٍ وَاهِيَةٌ (16)
Go manga oopak so langit, na skaniyan sa alongan oto na makalmk |
وَالْمَلَكُ عَلَىٰ أَرْجَائِهَا ۚ وَيَحْمِلُ عَرْشَ رَبِّكَ فَوْقَهُمْ يَوْمَئِذٍ ثَمَانِيَةٌ (17)
Go so manga malaikat na sii ko manga bagibir iyan. Na tanggongn so aras o Kadnan ka ko kaporoan iran sa alongan oto o walo (a manga malaikat) |
يَوْمَئِذٍ تُعْرَضُونَ لَا تَخْفَىٰ مِنكُمْ خَافِيَةٌ (18)
Sa alongan oto na pakadarpaan kano na da a makapagma rkano a phagma |
فَأَمَّا مَنْ أُوتِيَ كِتَابَهُ بِيَمِينِهِ فَيَقُولُ هَاؤُمُ اقْرَءُوا كِتَابِيَهْ (19)
Na so mibgay ron so daptar iyan, sii ko kawanan iyan, na tharoon iyan a: "Kowaa niyo, na batiyaa niyo so daptar akn |
إِنِّي ظَنَنتُ أَنِّي مُلَاقٍ حِسَابِيَهْ (20)
Mataan! a sakn na miyatangkd akn a mataan! a sakn na khatmo akn so itongan rakn |
فَهُوَ فِي عِيشَةٍ رَّاضِيَةٍ (21)
Na skaniyan na matago ko kawyagoyag a kasosoat |
فِي جَنَّةٍ عَالِيَةٍ (22)
Sii ko sorga a maporo |
قُطُوفُهَا دَانِيَةٌ (23)
So manga onga on na manga rarani |
كُلُوا وَاشْرَبُوا هَنِيئًا بِمَا أَسْلَفْتُمْ فِي الْأَيَّامِ الْخَالِيَةِ (24)
(Tharoon kiran:) "Kang kano go inom kano sa kapipiya ginawa, sabap ko miniona niyo ko manga alongan a miyaypos |
وَأَمَّا مَنْ أُوتِيَ كِتَابَهُ بِشِمَالِهِ فَيَقُولُ يَا لَيْتَنِي لَمْ أُوتَ كِتَابِيَهْ (25)
Na so pman so mibgay ron so daptar iyan sii ko diwang iyan, na matharo iyan: "Hay oba rakn bo da mibgay so daptar akn |
وَلَمْ أَدْرِ مَا حِسَابِيَهْ (26)
Go di akn katawan o antonaa i itongan rakn |
يَا لَيْتَهَا كَانَتِ الْقَاضِيَةَ (27)
Hay oba bo skaniyan na miyabaloy a kapatay dn |
مَا أَغْنَىٰ عَنِّي مَالِيَهْ ۜ (28)
Daa minilinding rakn o tamok akn |
هَلَكَ عَنِّي سُلْطَانِيَهْ (29)
Miyada rakn so bagr akn |
خُذُوهُ فَغُلُّوهُ (30)
(Tharoon o Allah:) "Kowaa niyo na sangkalii niyo skaniyan |
ثُمَّ الْجَحِيمَ صَلُّوهُ (31)
Oriyan iyan na so naraka Jahim na sombo niyo ron |
ثُمَّ فِي سِلْسِلَةٍ ذَرْعُهَا سَبْعُونَ ذِرَاعًا فَاسْلُكُوهُ (32)
Oriyan iyan na so rantay a aya karawa iyan na pito polo hasta, na zokharn iyo ron |
إِنَّهُ كَانَ لَا يُؤْمِنُ بِاللَّهِ الْعَظِيمِ (33)
Mataan! a skaniyan na aya btad iyan na di niyan paparatiyayaan so Allah a lbi a mala |
وَلَا يَحُضُّ عَلَىٰ طَعَامِ الْمِسْكِينِ (34)
Go di niyan i phamiis so kapakakana ko miskin |
فَلَيْسَ لَهُ الْيَوْمَ هَاهُنَا حَمِيمٌ (35)
Na da a bagian iyan sa alongan nai sii a tonganay a phakaompiya on |
وَلَا طَعَامٌ إِلَّا مِنْ غِسْلِينٍ (36)
Go da a pangn´ngkn iyan a rowar ko sago o taw ko naraka |
لَّا يَأْكُلُهُ إِلَّا الْخَاطِئُونَ (37)
Daa phakakan on inonta so manga baradosa |
فَلَا أُقْسِمُ بِمَا تُبْصِرُونَ (38)
Na kna, ka pzapa ako ko nganin a pkhaylay niyo |
وَمَا لَا تُبْصِرُونَ (39)
A go so nganin a di niyo pkhaylay |
إِنَّهُ لَقَوْلُ رَسُولٍ كَرِيمٍ (40)
Sa mataan! a skaniyan (a Qor´an) na titho a gii matharo o sogo a sslaan |
وَمَا هُوَ بِقَوْلِ شَاعِرٍ ۚ قَلِيلًا مَّا تُؤْمِنُونَ (41)
Go kna a ba skaniyan katharo o pababayok, miyakayto ito a kapaparatiyaya niyo |
وَلَا بِقَوْلِ كَاهِنٍ ۚ قَلِيلًا مَّا تَذَكَّرُونَ (42)
Go kna a ba katharo a paririmar, miyakayto ito a kapphakatadm iyo |
تَنزِيلٌ مِّن رَّبِّ الْعَالَمِينَ (43)
Initoron a phoon ko Kadnan o manga kaadn |
وَلَوْ تَقَوَّلَ عَلَيْنَا بَعْضَ الْأَقَاوِيلِ (44)
Na opama ka iniangkob iyan Rkami so sabaad ko manga katharo |
لَأَخَذْنَا مِنْهُ بِالْيَمِينِ (45)
Na mataan a khakowa Mi skaniyan sa nggolalan ko bagr |
ثُمَّ لَقَطَعْنَا مِنْهُ الْوَتِينَ (46)
Oriyan iyan na mataan a potoln Ami ron so ogat ko poso |
فَمَا مِنكُم مِّنْ أَحَدٍ عَنْهُ حَاجِزِينَ (47)
Na da a pd rkano a isa bo a mamakalinding on |
وَإِنَّهُ لَتَذْكِرَةٌ لِّلْمُتَّقِينَ (48)
Na mataan! a titho a pananadm a rk o khipanananggila |
وَإِنَّا لَنَعْلَمُ أَنَّ مِنكُم مُّكَذِّبِينَ (49)
Na mataan! a Skami na katawan Ami dn a mataan! a so sabaad rkano na piyakambokhag iran (so Qor´an) |
وَإِنَّهُ لَحَسْرَةٌ عَلَى الْكَافِرِينَ (50)
Na mataan aya! a titho a kazndit a phakatana ko miyamangongkir |
وَإِنَّهُ لَحَقُّ الْيَقِينِ (51)
Go mataan aya! a titho a bnar a matatangkd |
فَسَبِّحْ بِاسْمِ رَبِّكَ الْعَظِيمِ (52)
Na phoroporo on ka so ngaran o Kadnan ka a Lbi-a-mala |
