عَبَسَ وَتَوَلَّىٰ (1)
Miyakarimng (so Nabi) go tomiyalikhod |
أَن جَاءَهُ الْأَعْمَىٰ (2)
Sa kiyapakatalingoma on o bota (a si Abdollah Ibno Ommi Maktoom) |
وَمَا يُدْرِيكَ لَعَلَّهُ يَزَّكَّىٰ (3)
Na antawaa i kaphakitokawan iyan rka sa masikn a skaniyan na pzoti |
أَوْ يَذَّكَّرُ فَتَنفَعَهُ الذِّكْرَىٰ (4)
O di na phakindao na makanggay ron a gona so ndao |
أَمَّا مَنِ اسْتَغْنَىٰ (5)
Na so taw a mitharambisa |
فَأَنتَ لَهُ تَصَدَّىٰ (6)
Na ska na ayang ka gii zasagipaan |
وَمَا عَلَيْكَ أَلَّا يَزَّكَّىٰ (7)
A kna a ba rka khisndit a di niyan kapzoti |
وَأَمَّا مَن جَاءَكَ يَسْعَىٰ (8)
Na so pman so miyakaoma rka a mananamar |
وَهُوَ يَخْشَىٰ (9)
A skaniyan na maalkn (ko Allah) |
فَأَنتَ عَنْهُ تَلَهَّىٰ (10)
Na ska na ikaririmorng ka |
كَلَّا إِنَّهَا تَذْكِرَةٌ (11)
Ding ka oto ppharomani, mataan aya! a pananadm |
فَمَن شَاءَ ذَكَرَهُ (12)
Na sadn sa khabaya, na pananadmn iyan |
فِي صُحُفٍ مُّكَرَّمَةٍ (13)
Matatago ko manga kitab a sslaan |
مَّرْفُوعَةٍ مُّطَهَّرَةٍ (14)
A ipoporo, a sosotin |
بِأَيْدِي سَفَرَةٍ (15)
A minggolalan ko manga lima o manga panonorat |
كِرَامٍ بَرَرَةٍ (16)
A khisslaan a pphamangongonotan |
قُتِلَ الْإِنسَانُ مَا أَكْفَرَهُ (17)
Pimorkaan so manosiya (a miyongkir)! Sayana a da a tadm iyan |
مِنْ أَيِّ شَيْءٍ خَلَقَهُ (18)
Antonaa shay´ i pakapoon iyan, sa kiyaadna on o Allah |
مِن نُّطْفَةٍ خَلَقَهُ فَقَدَّرَهُ (19)
Miyakapoon sa notfa, inadn Iyan go pindidiyangka Iyan |
ثُمَّ السَّبِيلَ يَسَّرَهُ (20)
Oriyan iyan na so lalan na libod Iyan on |
ثُمَّ أَمَاتَهُ فَأَقْبَرَهُ (21)
Oriyan iyan na inisabap Iyan a kiyapatay Niyan, na piyakikobor Iyan |
ثُمَّ إِذَا شَاءَ أَنشَرَهُ (22)
Oriyan iyan na amay ko kabaya Iyan na oyagn Iyan bo |
كَلَّا لَمَّا يَقْضِ مَا أَمَرَهُ (23)
Sabnar, a da Niyan nggolalann so inisogo on (o Allah) |
فَلْيَنظُرِ الْإِنسَانُ إِلَىٰ طَعَامِهِ (24)
Na pamimikirana o manosiya so pangn´ngkn iyan |
أَنَّا صَبَبْنَا الْمَاءَ صَبًّا (25)
A mataan! a Skami na inodod Ami so ig sa samporna a kawdod |
ثُمَّ شَقَقْنَا الْأَرْضَ شَقًّا (26)
Oriyan iyan na piyakambabatkad Ami so lopa sa maroni a kambabatkad |
فَأَنبَتْنَا فِيهَا حَبًّا (27)
Na piyamakathoan Ami skaniyan sa prpran |
وَعِنَبًا وَقَضْبًا (28)
Go anggor, go llthaan |
وَزَيْتُونًا وَنَخْلًا (29)
Go zayton, go korma |
وَحَدَائِقَ غُلْبًا (30)
Go manga pamomolan a manga rarabong |
وَفَاكِهَةً وَأَبًّا (31)
Go manga onga, go manga paotanotan |
مَّتَاعًا لَّكُمْ وَلِأَنْعَامِكُمْ (32)
Ka an iyo kanggonai ago so manga ayam iyo |
فَإِذَا جَاءَتِ الصَّاخَّةُ (33)
Na amay ko makatalingoma so lalis |
يَوْمَ يَفِرُّ الْمَرْءُ مِنْ أَخِيهِ (34)
Sii ko alongan a palagoyan o taw so pagari niyan |
وَأُمِّهِ وَأَبِيهِ (35)
Go so ina iyan, ago so ama iyan |
وَصَاحِبَتِهِ وَبَنِيهِ (36)
Go so karoma niyan, go so manga wata iyan |
لِكُلِّ امْرِئٍ مِّنْهُمْ يَوْمَئِذٍ شَأْنٌ يُغْنِيهِ (37)
Oman i isa kiran sa alongan oto, na adn a btad a makattmbang on |
وُجُوهٌ يَوْمَئِذٍ مُّسْفِرَةٌ (38)
Adn a manga paras sa alongan oto a khisisigay |
ضَاحِكَةٌ مُّسْتَبْشِرَةٌ (39)
Makakhakala, a mabababaya |
وَوُجُوهٌ يَوْمَئِذٍ عَلَيْهَا غَبَرَةٌ (40)
Go adn a manga paras sa alongan oto - a masasalapot a lopapk |
تَرْهَقُهَا قَتَرَةٌ (41)
A kakokoloban sa malibotng |
أُولَٰئِكَ هُمُ الْكَفَرَةُ الْفَجَرَةُ (42)
Siran man na siran so miyamangongkir a manga baradosa |
