وَالنَّازِعَاتِ غَرْقًا (1)
Ibt ko dii nggagandr tomkaw (a manga malaikat) |
وَالنَّاشِطَاتِ نَشْطًا (2)
Go so pphamanonggos sa mananay |
وَالسَّابِحَاتِ سَبْحًا (3)
Go so pphamanoron sa magaan |
فَالسَّابِقَاتِ سَبْقًا (4)
Go so pphamangonakona |
فَالْمُدَبِّرَاتِ أَمْرًا (5)
Go so gii thatandingan ko sogoan (ka pagoyagn kano dn) |
يَوْمَ تَرْجُفُ الرَّاجِفَةُ (6)
Sii ko alongan a thambtambg so phakatambg |
تَتْبَعُهَا الرَّادِفَةُ (7)
A matondog skaniyan o phakatondog |
قُلُوبٌ يَوْمَئِذٍ وَاجِفَةٌ (8)
So manga poso sa alongan oto na maalk |
أَبْصَارُهَا خَاشِعَةٌ (9)
So manga kaylay ron na makassnong |
يَقُولُونَ أَإِنَّا لَمَرْدُودُونَ فِي الْحَافِرَةِ (10)
Gi iran tharoon: "Ba mataan! a sktano na khikasoy tano dn ko asal a btad (a kawyagoyag) |
أَإِذَا كُنَّا عِظَامًا نَّخِرَةً (11)
Ati apiya pn mabaloy tano a manga tolan a miyanga rorophod |
قَالُوا تِلْكَ إِذًا كَرَّةٌ خَاسِرَةٌ (12)
Pitharo iran a: "Giyoto man na samawto na kapakakasoy a kalogi |
فَإِنَّمَا هِيَ زَجْرَةٌ وَاحِدَةٌ (13)
Na giyoto na satiman bo a lalis |
فَإِذَا هُم بِالسَّاهِرَةِ (14)
Na samawto na siran na matago siran ko liyawaw o lopa (a manga oyagoyag) |
هَلْ أَتَاكَ حَدِيثُ مُوسَىٰ (15)
Ino a miyakatalingoma rka so totholan ko Mosa |
إِذْ نَادَاهُ رَبُّهُ بِالْوَادِ الْمُقَدَّسِ طُوًى (16)
Gowani a itawag rkaniyan o Kadnan iyan sii ko balintad a soti a giya Towa |
اذْهَبْ إِلَىٰ فِرْعَوْنَ إِنَّهُ طَغَىٰ (17)
Song ka ko Pir´awn, mataan! a skaniyan na miyangakowala |
فَقُلْ هَل لَّكَ إِلَىٰ أَن تَزَكَّىٰ (18)
Na tharoang ka: ´Ino khabaya ka a masoti ka?´ |
وَأَهْدِيَكَ إِلَىٰ رَبِّكَ فَتَخْشَىٰ (19)
Go manggonanao akn ska ko Kadnan ka, na makapananggila ka |
فَأَرَاهُ الْآيَةَ الْكُبْرَىٰ (20)
Na piyakiilay niyan on so tanda a mala |
فَكَذَّبَ وَعَصَىٰ (21)
Na piyakambokhag iyan go somiyangka |
ثُمَّ أَدْبَرَ يَسْعَىٰ (22)
Oriyan iyan na tomiyalikhod a gii nggagaan |
فَحَشَرَ فَنَادَىٰ (23)
Na tominimo sa taw go piyakalangkap iyan |
فَقَالَ أَنَا رَبُّكُمُ الْأَعْلَىٰ (24)
Sa pitharo iyan: "Sakn i tohan iyo a maporo |
فَأَخَذَهُ اللَّهُ نَكَالَ الْآخِرَةِ وَالْأُولَىٰ (25)
Na inidan´g on o Allah so siksa ko mori, ago so paganay |
إِنَّ فِي ذَٰلِكَ لَعِبْرَةً لِّمَن يَخْشَىٰ (26)
Mataan! a adn a matatago saya a titho a thoma ko taw a maalkn (ko Allah) |
أَأَنتُمْ أَشَدُّ خَلْقًا أَمِ السَّمَاءُ ۚ بَنَاهَا (27)
Ba skano i margn a adnn, antawaa so langit? Pimbalay Niyan skaniyan |
رَفَعَ سَمْكَهَا فَسَوَّاهَا (28)
Iniporo Iyan so kaporo Iyan go pithaong Iyan phiyapiya |
وَأَغْطَشَ لَيْلَهَا وَأَخْرَجَ ضُحَاهَا (29)
Go piyakalibotng Iyan so gagawii ron, go piyakaliwanag Iyan so dawndaw ron |
وَالْأَرْضَ بَعْدَ ذَٰلِكَ دَحَاهَا (30)
Go so lopa ko oriyan oto na kiyayat Iyan |
أَخْرَجَ مِنْهَا مَاءَهَا وَمَرْعَاهَا (31)
Piyakambowat Iyan on so ig rkaniyan, ago so manga pangn´ngkn on |
وَالْجِبَالَ أَرْسَاهَا (32)
Go so manga palaw na piyamakabkn Iyan on |
مَتَاعًا لَّكُمْ وَلِأَنْعَامِكُمْ (33)
Pagpr rkano ago so manga ayam iyo |
فَإِذَا جَاءَتِ الطَّامَّةُ الْكُبْرَىٰ (34)
Na amay ka makatalingoma so khawlawla a mala |
يَوْمَ يَتَذَكَّرُ الْإِنسَانُ مَا سَعَىٰ (35)
Sii ko alongan a katadman o manosiya so pinggolawla niyan |
وَبُرِّزَتِ الْجَحِيمُ لِمَن يَرَىٰ (36)
Go payagn so naraka Jahim ko phakaylay ron |
فَأَمَّا مَن طَغَىٰ (37)
Na so pman so taw a miyangakowala |
وَآثَرَ الْحَيَاةَ الدُّنْيَا (38)
Go miyatomo iyan so kawyagoyag sa doniya |
فَإِنَّ الْجَحِيمَ هِيَ الْمَأْوَىٰ (39)
Na mataan! a so naraka Jahim na giyoto i darpa iyan |
وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَىٰ (40)
Na so pman so miyalk sa kakhaadapa niyan ko Kadnan iyan, go pininggn iyan a ginawa niyan ko kabaya a ribat |
فَإِنَّ الْجَنَّةَ هِيَ الْمَأْوَىٰ (41)
Na mataan! a so sorga na giyoto i darpa iyan |
يَسْأَلُونَكَ عَنِ السَّاعَةِ أَيَّانَ مُرْسَاهَا (42)
Ipagiza iran rka so bangkit, o anday kaphakadongko iyan |
فِيمَ أَنتَ مِن ذِكْرَاهَا (43)
Na bang ka kiran oto kaphakisaboti |
إِلَىٰ رَبِّكَ مُنتَهَاهَا (44)
Sii bo ko Kadnan ka so khadansalan iyan |
إِنَّمَا أَنتَ مُنذِرُ مَن يَخْشَاهَا (45)
Mataan! a ska na matag ka phamakaiktiyar ko maalk Rkaniyan |
كَأَنَّهُمْ يَوْمَ يَرَوْنَهَا لَمْ يَلْبَثُوا إِلَّا عَشِيَّةً أَوْ ضُحَاهَا (46)
Lagid oba mataan a siran ko alongan a kasandngi iran on na da a minitarg iran (ko doniya) a rowar ko kagabigabi odi na so kapitapita |
