إِذَا السَّمَاءُ انفَطَرَتْ (1)
जब आकाश क्षतविक्षत भइहाल्नेछ |
وَإِذَا الْكَوَاكِبُ انتَثَرَتْ (2)
र जब ताराहरू झरिहाल्नेछन् । |
وَإِذَا الْبِحَارُ فُجِّرَتْ (3)
र जब समुन्द्र बगेर जानेछन् । |
وَإِذَا الْقُبُورُ بُعْثِرَتْ (4)
र जब चिहानहरू उत्खनित हुनेछन् । |
عَلِمَتْ نَفْسٌ مَّا قَدَّمَتْ وَأَخَّرَتْ (5)
तब हर व्यक्तिले थाहा पाउनेछ कि उसले अगाडि के पठाएको थियो र पछाडि के छोडेको थियो |
يَا أَيُّهَا الْإِنسَانُ مَا غَرَّكَ بِرَبِّكَ الْكَرِيمِ (6)
हे मानव ! कुन कुराले तिमीलाई आफ्नो उदार पालनकर्ताको विषयमा भ्रममा पारेको छ |
الَّذِي خَلَقَكَ فَسَوَّاكَ فَعَدَلَكَ (7)
(त्यही नहो) जसले तिमीलाई सृष्टि गर्यो र फेरि (तिम्रा अङ्ग–प्रत्यङ्गहरूलाई) ठीक–ठीक पारी तिमीलाई सन्तुलित बनायो । |
فِي أَيِّ صُورَةٍ مَّا شَاءَ رَكَّبَكَ (8)
र जुन रूपमा चाह्यो, तिमीलाई जोडेर तयार गर्यो । |
كَلَّا بَلْ تُكَذِّبُونَ بِالدِّينِ (9)
केही होइन, बरु तिमीले प्रतिफल दिइने दिनलाई झुठ्लाउँछौ । |
وَإِنَّ عَلَيْكُمْ لَحَافِظِينَ (10)
जबकि तिमीमाथि निगरानी गर्नेहरू नियुक्त छन् । |
كِرَامًا كَاتِبِينَ (11)
प्रतिष्ठित लेख्नेहरू नियुक्त छन् । |
يَعْلَمُونَ مَا تَفْعَلُونَ (12)
तिमीले जे गर्दछौ, (त्यसलाई) उनीहरू जान्दछन् । |
إِنَّ الْأَبْرَارَ لَفِي نَعِيمٍ (13)
निःसन्देह सत्कर्मी मानिसहरू स्वर्गका ऐशो आराम र अनुग्रहमा हुनेछन् । |
وَإِنَّ الْفُجَّارَ لَفِي جَحِيمٍ (14)
र निःसंदेह दूराचारीहरू नर्कमा हुनेछन् । |
يَصْلَوْنَهَا يَوْمَ الدِّينِ (15)
(अर्थात्) प्रतिफलको दिन त्यसमा प्रवेश गर्नेछन् । |
وَمَا هُمْ عَنْهَا بِغَائِبِينَ (16)
र त्यसबाट उम्केर जान सक्ने छैनन् । |
وَمَا أَدْرَاكَ مَا يَوْمُ الدِّينِ (17)
र तिमीहरूलाई के थाहा कि प्रतिफलको दिन कस्तो छ |
ثُمَّ مَا أَدْرَاكَ مَا يَوْمُ الدِّينِ (18)
म फेरि भन्छु तिमीलाई के थाहा कि प्रतिफलको दिन कस्तो छ । |
يَوْمَ لَا تَمْلِكُ نَفْسٌ لِّنَفْسٍ شَيْئًا ۖ وَالْأَمْرُ يَوْمَئِذٍ لِّلَّهِ (19)
जुन दिन कुनै व्यक्ति कसैको निम्ति कुनै कुराको अधिकारी हुनेछैन, र सबै आदेश त्यस दिन अल्लाहकै हुनेछन् । |
