وَالنَّازِعَاتِ غَرْقًا (1)
Ndinopika neidzo (ngirozi) dzinotora (upenyu hweuyo asingatendi) nechisimba |
وَالنَّاشِطَاتِ نَشْطًا (2)
Neidzo (ngirozi) dzinobvisa zvinyoro-nyoro (mweya wevatendi) |
وَالسَّابِحَاتِ سَبْحًا (3)
Uye neidzo dzinopeperuka |
فَالسَّابِقَاتِ سَبْقًا (4)
Uye neidzo dzinoenderera mberi nekumhanyidzana (ngirozi kana nyenyedzi kana mabhiza) |
فَالْمُدَبِّرَاتِ أَمْرًا (5)
Uye idzo (ngirozi) dzinoronga kutevedzera mirairo yaTenzi vadzo, (saka zvirokwazvo imi vasingatendi muchabvunzwa) |
يَوْمَ تَرْجُفُ الرَّاجِفَةُ (6)
Pazuva iro pasi rino nemakomo paachandengendeka zvakanyanya (uye wese achafa, hwamanda yekutanga yaridzwa) |
تَتْبَعُهَا الرَّادِفَةُ (7)
Hwamanda yepiri paichaitevera (uye wese achamutswa) |
قُلُوبٌ يَوْمَئِذٍ وَاجِفَةٌ (8)
(Mimwe) moyo zuva racho ichandengendeka nekutya |
أَبْصَارُهَا خَاشِعَةٌ (9)
Maziso avo achange akatsikitsira |
يَقُولُونَ أَإِنَّا لَمَرْدُودُونَ فِي الْحَافِرَةِ (10)
Vanoti: “Tichadzoserwa zvirokwazvo here pahupenyu hwedu hwekare?” |
أَإِذَا كُنَّا عِظَامًا نَّخِرَةً (11)
“Mushure mekunge tava mabhonzo akatsetseka?” |
قَالُوا تِلْكَ إِذًا كَرَّةٌ خَاسِرَةٌ (12)
Vanoti: “Nokudaro kuchava kudzokera kwekurasikirwa!” |
فَإِنَّمَا هِيَ زَجْرَةٌ وَاحِدَةٌ (13)
Asi zvirokwazvo icharidzwa (hwamanda) kamwechete (kuridzwa kechipiri, Surah) |
فَإِذَا هُم بِالسَّاهِرَةِ (14)
Apo vachazoona vava pamusoro pevhu (vari vapenyu mushure mekufa) |
هَلْ أَتَاكَ حَدِيثُ مُوسَىٰ (15)
Hakuna here kuuya nhaurwa yaMusa kwauri |
إِذْ نَادَاهُ رَبُّهُ بِالْوَادِ الْمُقَدَّسِ طُوًى (16)
Apo Tenzi vake vakamushevedza munzvimbo inoera yeTuwaa |
اذْهَبْ إِلَىٰ فِرْعَوْنَ إِنَّهُ طَغَىٰ (17)
(Vakati kwaari): “Enda kuna Farawo, zvirokwazvo arikufurikidza mwero (nekusatenda nekuita zvakaipa).” |
فَقُلْ هَل لَّكَ إِلَىٰ أَن تَزَكَّىٰ (18)
Omutaurira kuti: “Ungazvichenure here (kubva mukusatenda)?” |
وَأَهْدِيَكَ إِلَىٰ رَبِّكَ فَتَخْشَىٰ (19)
“Uye kuti ndive ndinokutungamira kuna Tenzi vako, kuti uve unovatya?” |
فَأَرَاهُ الْآيَةَ الْكُبْرَىٰ (20)
Uye Musa akamuratidza chiratidzo chihombe |
فَكَذَّبَ وَعَصَىٰ (21)
Asi (Farawo) akaramba uye haana kuteerera |
ثُمَّ أَدْبَرَ يَسْعَىٰ (22)
Uye akapfuratira, akashingirira (achipokana naAllah) |
فَحَشَرَ فَنَادَىٰ (23)
Uye akaunganidza (vanhu vake) ndokushevedzera |
فَقَالَ أَنَا رَبُّكُمُ الْأَعْلَىٰ (24)
Achiti: “Ndini Tenzi venyu mukuru” |
فَأَخَذَهُ اللَّهُ نَكَالَ الْآخِرَةِ وَالْأُولَىٰ (25)
Saka Allah vakamukweva nemutongo wekubva kwekutanga nekupedzisira kwekuraudzira kwake |
إِنَّ فِي ذَٰلِكَ لَعِبْرَةً لِّمَن يَخْشَىٰ (26)
Zvirokwazvo, mune izvi mune chidzidzo kune uyo anotya Allah |
أَأَنتُمْ أَشَدُّ خَلْقًا أَمِ السَّمَاءُ ۚ بَنَاهَا (27)
Munonetsa kusika here kana kuti denga ravakagadzira |
رَفَعَ سَمْكَهَا فَسَوَّاهَا (28)
Vakarisimudza vakarinatsurudza |
وَأَغْطَشَ لَيْلَهَا وَأَخْرَجَ ضُحَاهَا (29)
Husiku hwaro vakaufukidza nerima uye vakaburitsamo chiedza |
وَالْأَرْضَ بَعْدَ ذَٰلِكَ دَحَاهَا (30)
Uye mushure mezvo ndokubva vawaridza nyika |
أَخْرَجَ مِنْهَا مَاءَهَا وَمَرْعَاهَا (31)
Vakaunza kubvamo mvura uye nemafuro |
وَالْجِبَالَ أَرْسَاهَا (32)
Uye nemakomo vakaiisa zvakasimba |
مَتَاعًا لَّكُمْ وَلِأَنْعَامِكُمْ (33)
(Kuitira kuti) mubatsirikane nekudya kwenyu nemombe dzenyu |
فَإِذَا جَاءَتِ الطَّامَّةُ الْكُبْرَىٰ (34)
Asi kana kukauya dambudziko guru (zuva rekutongwa) |
يَوْمَ يَتَذَكَّرُ الْإِنسَانُ مَا سَعَىٰ (35)
Zuva iro munhu acharangarira zvaaiita |
وَبُرِّزَتِ الْجَحِيمُ لِمَن يَرَىٰ (36)
Uye moto weGehena uchava pachena kune (wese) anoona |
فَأَمَّا مَن طَغَىٰ (37)
Kune uyo aityora mitemo yese (nekusatenda nekusateerera Allah) |
وَآثَرَ الْحَيَاةَ الدُّنْيَا (38)
Uye akasarudza upenyu hwepasi pano (achiita zvido zvake) |
فَإِنَّ الْجَحِيمَ هِيَ الْمَأْوَىٰ (39)
Zvirokwazvo, Gehena ndiyo nzvimbo (yake) yokugara |
وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَىٰ (40)
Asi uyo aitya kumira pamberi paTenzi vake, uye akazvidzora kubva kuhuipi hwakasviba uye nemakaro |
فَإِنَّ الْجَنَّةَ هِيَ الْمَأْوَىٰ (41)
Zvirokwazvo, Paradhiso ndokwaachagara |
يَسْأَلُونَكَ عَنِ السَّاعَةِ أَيَّانَ مُرْسَاهَا (42)
Vanokubvunza (Muhammad (SAW)) pamusoro penguva yekutongwa, kuti zuva racho ndirinhi |
فِيمَ أَنتَ مِن ذِكْرَاهَا (43)
Hauna ruzivo kutaura chimwe chinhu pamusoro payo |
إِلَىٰ رَبِّكَ مُنتَهَاهَا (44)
Kuna Tenzi vako ndiko kune ruzivo rwenguva yacho |
إِنَّمَا أَنتَ مُنذِرُ مَن يَخْشَاهَا (45)
Zvirokwazvo iwe (Muhammad (SAW)) uri muyambiri kune avo vanoritya |
كَأَنَّهُمْ يَوْمَ يَرَوْنَهَا لَمْ يَلْبَثُوا إِلَّا عَشِيَّةً أَوْ ضُحَاهَا (46)
Zuva ravachaiona kuchava sekunge havana kugara (pano panyika) kusiya kwemasikati kana mangwanani |
