هَلْ أَتَاكَ حَدِيثُ الْغَاشِيَةِ (1)
Ana jinyyiche abali ja chakuunichila (wandu ni yogoyo yakwe, jajili Kiyama) |
وُجُوهٌ يَوْمَئِذٍ خَاشِعَةٌ (2)
Ngope sine lyele lisikulyo sichiwa syakunyosyeka |
عَامِلَةٌ نَّاصِبَةٌ (3)
Syasyapanganyisye masengo (gasambi ku duniya), syakupela (nikwaluka ku Akhera) |
تَصْلَىٰ نَارًا حَامِيَةً (4)
Sichijinjila ku Moto Wakupoteka nnope |
تُسْقَىٰ مِنْ عَيْنٍ آنِيَةٍ (5)
Sichimwesyedwa mu tutumule jwansemule kusyene |
لَّيْسَ لَهُمْ طَعَامٌ إِلَّا مِن ضَرِيعٍ (6)
Ngasakola wanganyao yakulya ikaweje miwa janchongwe |
لَّا يُسْمِنُ وَلَا يُغْنِي مِن جُوعٍ (7)
Jangajimbasya soni jangakamuchisya ku sala |
وُجُوهٌ يَوْمَئِذٍ نَّاعِمَةٌ (8)
Ngope sine lyele lisikulyo sichiwa m’chindimba |
لِّسَعْيِهَا رَاضِيَةٌ (9)
Ligongo lya masengo gakwe (gambone) sichiwa syakusengwa |
فِي جَنَّةٍ عَالِيَةٍ (10)
Ku Mbepo Japenani |
لَّا تَسْمَعُ فِيهَا لَاغِيَةً (11)
Ngasisija kupikana kwalakweko yangali mate |
فِيهَا عَيْنٌ جَارِيَةٌ (12)
Kweleko kwana tutumule jwakujilimaga |
فِيهَا سُرُرٌ مَّرْفُوعَةٌ (13)
Kweleko kwana itengu yauchimbichimbi yenyakulidwe |
وَأَكْوَابٌ مَّوْضُوعَةٌ (14)
Ni migawo jewichidwe (chilepe) |
وَنَمَارِقُ مَصْفُوفَةٌ (15)
Ni misago jejalidwe mu ntungo wambone |
وَزَرَابِيُّ مَبْثُوثَةٌ (16)
Ni yakutandika yaofuofu yetandichidwe posepose |
أَفَلَا يَنظُرُونَ إِلَى الْإِبِلِ كَيْفَ خُلِقَتْ (17)
Ana ngakujiona ngamiya yajatite kagumbidwe |
وَإِلَى السَّمَاءِ كَيْفَ رُفِعَتْ (18)
Ni liwunde yalyatite kanyakulidwe |
وَإِلَى الْجِبَالِ كَيْفَ نُصِبَتْ (19)
Ni matumbi yagatite kasimichidwe |
وَإِلَى الْأَرْضِ كَيْفَ سُطِحَتْ (20)
Ni litaka yalyatite katandichidwe |
فَذَكِّرْ إِنَّمَا أَنتَ مُذَكِّرٌ (21)
Basi kumbusyani, chisimu mmwejo ni nkukumbusya |
لَّسْتَ عَلَيْهِم بِمُصَيْطِرٍ (22)
Nganim'batu mmwe wakwakanganichisya wanganyao (chikulupi) |
إِلَّا مَن تَوَلَّىٰ وَكَفَرَ (23)
Ikaweje jwatagalauche (kuleka masengo gambone) ni kufulu (kuleka Usilamu) |
فَيُعَذِّبُهُ اللَّهُ الْعَذَابَ الْأَكْبَرَ (24)
Basi Allah tachinnagasya ni ilagasyo yekulungwa nnope |
إِنَّ إِلَيْنَا إِيَابَهُمْ (25)
Chisimu Kukwetu pe ni kwakuujila kwao |
ثُمَّ إِنَّ عَلَيْنَا حِسَابَهُم (26)
Soni chisimu kuwalanjidwa kwao kuli Nowe |
