وَالْفَجْرِ (1)
Ngukulumbila kumasikusiku |
وَلَيَالٍ عَشْرٍ (2)
Ni ilo likumi (yandanda yamwesi wa Mfungotatu) |
وَالشَّفْعِ وَالْوَتْرِ (3)
Ni (indu yayili) yiwiliyiwili kwisa soni (yayili) chimochimo |
وَاللَّيْلِ إِذَا يَسْرِ (4)
Ni chilo ndema jachikuwigula |
هَلْ فِي ذَٰلِكَ قَسَمٌ لِّذِي حِجْرٍ (5)
Ana mu yalakweyi ngawa mwana kulumbila kwakwanila, kwa jwakwete lunda |
أَلَمْ تَرَ كَيْفَ فَعَلَ رَبُّكَ بِعَادٍ (6)
Ana nganinyyiona yawatite Ambuje wenu kaape ipotesi wanya Adi |
إِرَمَ ذَاتِ الْعِمَادِ (7)
Wa ku Irama; achalewulewu mpela misaati |
الَّتِي لَمْ يُخْلَقْ مِثْلُهَا فِي الْبِلَادِ (8)
Wanganagumbidweje wane wanti chisawu wanganyao mu ilambo (ine) |
وَثَمُودَ الَّذِينَ جَابُوا الصَّخْرَ بِالْوَادِ (9)
Ni wanya Asamuda wawaliji nkusokola maganga pachiwata (chakuwilanjikwa Wadi Qura kuwa majumba gao) |
وَفِرْعَوْنَ ذِي الْأَوْتَادِ (10)
Kwisa soni Firiauna nsyene ichili (yakulimbanganyichisya uchimwene wakwe) |
الَّذِينَ طَغَوْا فِي الْبِلَادِ (11)
Awala wana kusumbaga mpika mu ilambo (pakusakasya) |
فَأَكْثَرُوا فِيهَا الْفَسَادَ (12)
Ni watupiye mwalakwemo kuwatanganya |
فَصَبَّ عَلَيْهِمْ رَبُّكَ سَوْطَ عَذَابٍ (13)
Basi Ambuje wenu wapungulile wanganyao mitundu ja ilagasyo (yakupoteka nnope) |
إِنَّ رَبَّكَ لَبِالْمِرْصَادِ (14)
Chisimu Ambuje wenu awele Wang'unulila (masengo ga wandu, mwanti chachalipila mwaakupanganyichisya) |
فَأَمَّا الْإِنسَانُ إِذَا مَا ابْتَلَاهُ رَبُّهُ فَأَكْرَمَهُ وَنَعَّمَهُ فَيَقُولُ رَبِّي أَكْرَمَنِ (15)
Sano mundu ndema jaakun'dinga Ambujegwe pakunchimbichisya ni kumpa chindimba, basi akasatiji: “Ambuje wangu anjimbichisye (ligongo une nijwakuwajilwa kupata yeleyi).” |
وَأَمَّا إِذَا مَا ابْتَلَاهُ فَقَدَرَ عَلَيْهِ رِزْقَهُ فَيَقُولُ رَبِّي أَهَانَنِ (16)
Nambo ndema jaakun'dinga pakunnandiyichisya lisiki lyakwe, akasatiji: “Ambuje wangu anjalwisye.” |
كَلَّا ۖ بَل لَّا تُكْرِمُونَ الْيَتِيمَ (17)
Ngwamba! Nambo kuti ngankwatendelaga yaukoto wanache wawina |
وَلَا تَحَاضُّونَ عَلَىٰ طَعَامِ الْمِسْكِينِ (18)
Soni ngankuchisyanaga yaagaliisya masikini |
وَتَأْكُلُونَ التُّرَاثَ أَكْلًا لَّمًّا (19)
Ni nkulyaga chipanje chamalekwa kalye kakutunduka |
وَتُحِبُّونَ الْمَالَ حُبًّا جَمًّا (20)
Ni nkuchinonyelaga soni chipanje kachinonyele kakupelenganya nnope |
كَلَّا إِذَا دُكَّتِ الْأَرْضُ دَكًّا دَكًّا (21)
Ngawa (mwankutendelamo)! Ndema jalichisyajidwa litaka syajidwe-syajidwe |
وَجَاءَ رَبُّكَ وَالْمَلَكُ صَفًّا صَفًّا (22)
Ni kwika Ambuje wenu (Allah kukwiilanya magambo), Achimalaika ali ndandanda |
وَجِيءَ يَوْمَئِذٍ بِجَهَنَّمَ ۚ يَوْمَئِذٍ يَتَذَكَّرُ الْإِنسَانُ وَأَنَّىٰ لَهُ الذِّكْرَىٰ (23)
Ni kwikanajo lyele lisikulyo Jahannama! Lyele lisikulyo mundu tachikumbuchila (yawapanganyisye), nambo ana kuchinkamuchisya chichi kwele kumbuchilako |
يَقُولُ يَا لَيْتَنِي قَدَّمْتُ لِحَيَاتِي (24)
Tachiti (pakuligamba): “Nkongwene! Bola ngalongosye (yambone yakungamuchisya) pa umi wangu (walelo uno).” |
فَيَوْمَئِذٍ لَّا يُعَذِّبُ عَذَابَهُ أَحَدٌ (25)
Mwanti palyele lisikuli, pangali jwampaka apeleche ilagasyo mwatachipelechela (Allah) |
وَلَا يُوثِقُ وَثَاقَهُ أَحَدٌ (26)
Soni pangali jwampaka atawe mwatachitawila (Jwalakwe) |
يَا أَيَّتُهَا النَّفْسُ الْمُطْمَئِنَّةُ (27)
E mmwe antima wakutulala |
ارْجِعِي إِلَىٰ رَبِّكِ رَاضِيَةً مَّرْضِيَّةً (28)
Wujilani kwa Ambuje wenu n'di wakusengwa ni kunonyeledwa |
فَادْخُلِي فِي عِبَادِي (29)
Jinjilani mwikuga lya achikapolo Wangu |
وَادْخُلِي جَنَّتِي (30)
Soni jinjilani ku Mbepo Jangu |
