إِذَا وَقَعَتِ الْوَاقِعَةُ (1)
Mohla ketsahalo e phethahalang – |
لَيْسَ لِوَقْعَتِهَا كَاذِبَةٌ (2)
Nakong eo ha ho moea o tla thetseha ka ho tla ha eona |
خَافِضَةٌ رَّافِعَةٌ (3)
E tla nyenyefatsa ba bang; ba bang e tla ba phahamisa |
إِذَا رُجَّتِ الْأَرْضُ رَجًّا (4)
Mohla lefats’e le tsukutlehang botebong ba lona |
وَبُسَّتِ الْجِبَالُ بَسًّا (5)
Lithaba li tla batalla |
فَكَانَتْ هَبَاءً مُّنبَثًّا (6)
Hoo li tlang ho fetoha lerole |
وَكُنتُمْ أَزْوَاجًا ثَلَاثَةً (7)
Le tla hloptjhoa ka maquloana a mararo |
فَأَصْحَابُ الْمَيْمَنَةِ مَا أَصْحَابُ الْمَيْمَنَةِ (8)
Joale, sehlopha sa pele sa balekane ba letsohong le letona; – e be sehlopha seo etla be ele se joang |
وَأَصْحَابُ الْمَشْأَمَةِ مَا أَصْحَابُ الْمَشْأَمَةِ (9)
E be sehlopha sa balekane ba letsoho le lets’ehali, ebe se ka letsohong le lets’ehali etlabe ele se joang |
وَالسَّابِقُونَ السَّابِقُونَ (10)
Joale, ho latele sehlopha se ipabotseng, bao etla ba bona ba ipabotseng (Bophelong Bo-tlang) |
أُولَٰئِكَ الْمُقَرَّبُونَ (11)
Bao ke bona ba tla atamela haufinyane le Allah |
فِي جَنَّاتِ النَّعِيمِ (12)
Kahar’a Lirapa tsa Nyakallo |
ثُلَّةٌ مِّنَ الْأَوَّلِينَ (13)
Ho tla be ho kopane mats’oele-ts’oele a batho ba khale-khale |
وَقَلِيلٌ مِّنَ الْآخِرِينَ (14)
Le ba fokolang ba mengoaha ea morao-rao |
عَلَىٰ سُرُرٍ مَّوْضُونَةٍ (15)
Ba tla be ba lutse holim’a Literone tse khabisitsoeng |
مُّتَّكِئِينَ عَلَيْهَا مُتَقَابِلِينَ (16)
Le hona ho phomola ba shebane mahlong |
يَطُوفُ عَلَيْهِمْ وِلْدَانٌ مُّخَلَّدُونَ (17)
Ba tla be ba feptjoa ke bacha ho ea kahosafeleng |
بِأَكْوَابٍ وَأَبَارِيقَ وَكَأْسٍ مِّن مَّعِينٍ (18)
Ka lijana le mepoptjoana e tletseng metsi a liliba tse kopotsang |
لَّا يُصَدَّعُونَ عَنْهَا وَلَا يُنزِفُونَ (19)
A ke keng a ba bakela ho opeloa ke hlooho le hona ho angoa ke botahoa |
وَفَاكِهَةٍ مِّمَّا يَتَخَيَّرُونَ (20)
Ba feptjoa le ka litholoana tseo ba li thabelang |
وَلَحْمِ طَيْرٍ مِّمَّا يَشْتَهُونَ (21)
Le nama ea linonyana tseo ba li laba-labelang |
وَحُورٌ عِينٌ (22)
Ho tla ba teng basali ba ratehang, ba bileng ba mahlo a ncho- cho |
كَأَمْثَالِ اللُّؤْلُؤِ الْمَكْنُونِ (23)
Ba joaloka mahakoe a patehileng kahar’a likhaketlana |
جَزَاءً بِمَا كَانُوا يَعْمَلُونَ (24)
Tseo tsohle e le moputso oa tseo ba neng ba li etsa |
لَا يَسْمَعُونَ فِيهَا لَغْوًا وَلَا تَأْثِيمًا (25)
Kamoo teng, ba ke ke ba utloa lipuo tse hlohlonts’ang litsebe le tsona lits’okelano |
إِلَّا قِيلًا سَلَامًا سَلَامًا (26)
Haese feela litumeliso tsa: “khotso! Khotso” |
وَأَصْحَابُ الْيَمِينِ مَا أَصْحَابُ الْيَمِينِ (27)
Sehlopha balekane ba letsoho le letona; ebe sehlopha seo e tla be e le se joang |
فِي سِدْرٍ مَّخْضُودٍ (28)
Se tla ba har’a lifate tsa leoka tse hlokang metsu |
وَطَلْحٍ مَّنضُودٍ (29)
Ba bile ba le har’a lifate tsa lipalesa tse ririellaneng |
وَظِلٍّ مَّمْدُودٍ (30)
Tse fanang ka moriti o pharaletseng |
وَمَاءٍ مَّسْكُوبٍ (31)
Ba le har’a liliba tse kollang |
وَفَاكِهَةٍ كَثِيرَةٍ (32)
Le har’a litholoana ka mefuta |
لَّا مَقْطُوعَةٍ وَلَا مَمْنُوعَةٍ (33)
Tseo nako ea tsona e sa emiseng, kapa hona ho haneloa ka tsona |
وَفُرُشٍ مَّرْفُوعَةٍ (34)
Ba tla be ba lutse holim’a mealo e phahamisitsoeng |
إِنَّا أَنشَأْنَاهُنَّ إِنشَاءً (35)
Hobane Ruri! Re ba hloletse balekane ba khethehileng |
فَجَعَلْنَاهُنَّ أَبْكَارًا (36)
Le hona ho ba etsa ba hloekileng |
عُرُبًا أَتْرَابًا (37)
Ba ratehang, ba lilemong tse lekaneng |
لِّأَصْحَابِ الْيَمِينِ (38)
Molemong oa ba tla beng ba le ka letsohong le letona |
ثُلَّةٌ مِّنَ الْأَوَّلِينَ (39)
E tla be ele mats’oele-ts’oele a batho ba khale-khale |
وَثُلَّةٌ مِّنَ الْآخِرِينَ (40)
Le mats’oele-ts’oele a mengoaha ea morao-rao |
وَأَصْحَابُ الشِّمَالِ مَا أَصْحَابُ الشِّمَالِ (41)
Joale, e be ho latela sehlopha se ka letsohong le lets’ehali: ebe sehlopha se ka letsohong le lets’ehali sona ke se joang |
فِي سَمُومٍ وَحَمِيمٍ (42)
Seo etla ba sehlopha se kahar’a phefo ea mocheso, le metsi a belang |
وَظِلٍّ مِّن يَحْمُومٍ (43)
Se bileng se leng kahar’a moriti oa Mosi o Mots’o |
لَّا بَارِدٍ وَلَا كَرِيمٍ (44)
O sa pholang, kapa hona ho bata |
إِنَّهُمْ كَانُوا قَبْلَ ذَٰلِكَ مُتْرَفِينَ (45)
Hobane Pele ho mona, ba ne ba sitsitsoe ka nyakallo |
وَكَانُوا يُصِرُّونَ عَلَى الْحِنثِ الْعَظِيمِ (46)
Ba ile ba phehella ho kena sebeng se ts’abehang sa ho kopanya Allah le batlatsetsi |
وَكَانُوا يَقُولُونَ أَئِذَا مِتْنَا وَكُنَّا تُرَابًا وَعِظَامًا أَإِنَّا لَمَبْعُوثُونَ (47)
Ba ne ba tloaetse ho re: “Na ha re se re shoele re fetohile lerole le masapo, na ka nete re ka boela ra tsosoa hape |
أَوَآبَاؤُنَا الْأَوَّلُونَ (48)
Le bo-ntat’a rona moholo?” |
قُلْ إِنَّ الْأَوَّلِينَ وَالْآخِرِينَ (49)
E re: “Ruri! batho ba khale-khale le ba mengoaha ea morao- rao |
لَمَجْمُوعُونَ إِلَىٰ مِيقَاتِ يَوْمٍ مَّعْلُومٍ (50)
Ba tla khobokangoa ‘moho ts’episong ea letsatsi la pallo |
ثُمَّ إِنَّكُمْ أَيُّهَا الضَّالُّونَ الْمُكَذِّبُونَ (51)
Lona ba etsang bobe, ba bile ba nyefola Tsoho ea Bafu |
لَآكِلُونَ مِن شَجَرٍ مِّن زَقُّومٍ (52)
Ruri! Le tla ja sefate se bitsoang Zaqqum |
فَمَالِئُونَ مِنْهَا الْبُطُونَ (53)
Seo le tla tlatsa limpa ka sona |
فَشَارِبُونَ عَلَيْهِ مِنَ الْحَمِيمِ (54)
Le tla noa metsi a belang kamora’o ho moo |
فَشَارِبُونَ شُرْبَ الْهِيمِ (55)
Le tla noa joaloka likamele tse nyoriloeng.” |
هَٰذَا نُزُلُهُمْ يَوْمَ الدِّينِ (56)
Sena e tla ba kamohelo ea bona ka Letsatsi la Kahlolo |
نَحْنُ خَلَقْنَاكُمْ فَلَوْلَا تُصَدِّقُونَ (57)
Ke Rona ba le hlotseng. Na le tla ke le amohele ‘nete |
أَفَرَأَيْتُم مَّا تُمْنُونَ (58)
Na le se le ile la bona lithere tsa lona |
أَأَنتُمْ تَخْلُقُونَهُ أَمْ نَحْنُ الْخَالِقُونَ (59)
Ana ke lona ba li hlotseng, kapa ke Rona bahloli ba tsona |
نَحْنُ قَدَّرْنَا بَيْنَكُمُ الْمَوْتَ وَمَا نَحْنُ بِمَسْبُوقِينَ (60)
Ke Rona ba faneng ka karolo ea lefu har’a lona, Re ke ke Ra sitoa |
عَلَىٰ أَن نُّبَدِّلَ أَمْثَالَكُمْ وَنُنشِئَكُمْ فِي مَا لَا تَعْلَمُونَ (61)
Hore Re fetolele libopeho tsa lona ho seo le sa se tsebeng |
وَلَقَدْ عَلِمْتُمُ النَّشْأَةَ الْأُولَىٰ فَلَوْلَا تَذَكَّرُونَ (62)
Ruri le tseba tlholeho ea mathomo. Joale, ke hobaneng ha le sa ketek lithoriso tsa Hae |
أَفَرَأَيْتُم مَّا تَحْرُثُونَ (63)
Na le se le ile la bona peo eo le e jalang |
أَأَنتُمْ تَزْرَعُونَهُ أَمْ نَحْنُ الزَّارِعُونَ (64)
Na ke lona ba e holisang, kapa ke Rona baholisi |
لَوْ نَشَاءُ لَجَعَلْنَاهُ حُطَامًا فَظَلْتُمْ تَفَكَّهُونَ (65)
Hoja e bile Thato ea Rona, Ruri! Re ka be Re e ripitlile; le ne le ke ke la khaotsa ho lla ka hore |
إِنَّا لَمُغْرَمُونَ (66)
“Ruri! Re setse ka mejaro ea mekoloto holim’a ho se letho |
بَلْ نَحْنُ مَحْرُومُونَ (67)
Che, empa re buselitsoe morao!” |
أَفَرَأَيْتُمُ الْمَاءَ الَّذِي تَشْرَبُونَ (68)
Na le bona metsi ao le’a noang |
أَأَنتُمْ أَنزَلْتُمُوهُ مِنَ الْمُزْنِ أَمْ نَحْنُ الْمُنزِلُونَ (69)
Na ke lona ba etsang hore a theohe marung, kapa ke Rona ba etsang hore a theohe marung |
لَوْ نَشَاءُ جَعَلْنَاهُ أُجَاجًا فَلَوْلَا تَشْكُرُونَ (70)
Hoja e ne e le thato ea Rona, Re ne Re tla etsa hore a be bohla. Joale, hobaneng ha le sa fane ka liteboho |
أَفَرَأَيْتُمُ النَّارَ الَّتِي تُورُونَ (71)
Na le se le ile la bona mollo oo le o besang |
أَأَنتُمْ أَنشَأْتُمْ شَجَرَتَهَا أَمْ نَحْنُ الْمُنشِئُونَ (72)
Na ke lona ba ileng ba melisa lifate lefats’eng, kapa ke Rona ba li melisang |
نَحْنُ جَعَلْنَاهَا تَذْكِرَةً وَمَتَاعًا لِّلْمُقْوِينَ (73)
Etsoe Rona, ke Rona ba hlapants’itseng Qura’n e le sehopotso le khotsofalo molemong oa baahi ba lehoatateng le bohle lefats’eng |
فَسَبِّحْ بِاسْمِ رَبِّكَ الْعَظِيمِ (74)
Ka lebaka leo, u rorise lebitso la Mong`a hau, Ea Moholo- holo |
۞ فَلَا أُقْسِمُ بِمَوَاقِعِ النُّجُومِ (75)
Che, ke bitsa bopaki ho likela ha Linaleli – |
وَإِنَّهُ لَقَسَمٌ لَّوْ تَعْلَمُونَ عَظِيمٌ (76)
Seo ke kano e kholohali hoja ebe le ne le tsebile – |
إِنَّهُ لَقُرْآنٌ كَرِيمٌ (77)
Sena ke Qura‘n e hlomphehang ka ho fetisisa |
فِي كِتَابٍ مَّكْنُونٍ (78)
Ka har’a Lengolo le hlokometsoeng ka tieo |
لَّا يَمَسُّهُ إِلَّا الْمُطَهَّرُونَ (79)
Eo ho seng mang, kapa mang ea ka e amang ntle le ba hloekileng |
تَنزِيلٌ مِّن رَّبِّ الْعَالَمِينَ (80)
Ts’enolo e tsoang ho Mong`a Mafats’e |
أَفَبِهَٰذَا الْحَدِيثِ أَنتُم مُّدْهِنُونَ (81)
Na ke Molaetsa oo le o nyefolang |
وَتَجْعَلُونَ رِزْقَكُمْ أَنَّكُمْ تُكَذِّبُونَ (82)
Le entse tsela ea lona ea bophelo, ho e shanofatsa |
فَلَوْلَا إِذَا بَلَغَتِ الْحُلْقُومَ (83)
Joale, hobaneng nakong eo moea o nyolohelang ‘metsong oa motho ea shoang le sa thusetse |
وَأَنتُمْ حِينَئِذٍ تَنظُرُونَ (84)
Empa ebile ka nako eo le ntse le shebile – |
وَنَحْنُ أَقْرَبُ إِلَيْهِ مِنكُمْ وَلَٰكِن لَّا تُبْصِرُونَ (85)
Empa Re le haufi haholo ho eena ho feta lona, empa le sa bone – |
فَلَوْلَا إِن كُنتُمْ غَيْرَ مَدِينِينَ (86)
Hobaneng ha le sa ikamahanye le Rona |
تَرْجِعُونَهَا إِن كُنتُمْ صَادِقِينَ (87)
Ha le busetse moea oo morao ha feela eba le buoa ‘nete |
فَأَمَّا إِن كَانَ مِنَ الْمُقَرَّبِينَ (88)
Joale, ke kahoo e reng haeba ele e mong oa ba haufinyane le Allah |
فَرَوْحٌ وَرَيْحَانٌ وَجَنَّتُ نَعِيمٍ (89)
E be oa phela, a be a fumane khotsofalo le Serapa sa Nyakallo |
وَأَمَّا إِن كَانَ مِنْ أَصْحَابِ الْيَمِينِ (90)
Haeba e le e mong oa ba ka Letsohong le Letona |
فَسَلَامٌ لَّكَ مِنْ أَصْحَابِ الْيَمِينِ (91)
Joale, kemoo tumeliso ea ba ka letsohong le letona e tla ba: “Khotso e be le uena.” |
وَأَمَّا إِن كَانَ مِنَ الْمُكَذِّبِينَ الضَّالِّينَ (92)
Empa haeba e le oa ba nyefoli, ba khelohileng |
فَنُزُلٌ مِّنْ حَمِيمٍ (93)
Kamohelo ea hae e tla ba ea metsi a belang |
وَتَصْلِيَةُ جَحِيمٍ (94)
Le hona ho cha Mollong oa Lihele |
إِنَّ هَٰذَا لَهُوَ حَقُّ الْيَقِينِ (95)
Sena ke ‘nete ea sebele |
فَسَبِّحْ بِاسْمِ رَبِّكَ الْعَظِيمِ (96)
Kahoo, u rorise lebitso la Mong`a hau, Ea Moholo-holo |
