وَالْمُرْسَلَاتِ عُرْفًا (1)
(Ndifunga) ngemimoya ethunyelwa phambili omnye emva komnye |
فَالْعَاصِفَاتِ عَصْفًا (2)
Nangemimoya evuthuza ngamandla |
وَالنَّاشِرَاتِ نَشْرًا (3)
Nangemimoya echitha-chitha amafu nemvula |
فَالْفَارِقَاتِ فَرْقًا (4)
NangeeVesi ze’Kur’ân ezahlula okulungileyo kokugwenxa |
فَالْمُلْقِيَاتِ ذِكْرًا (5)
Nangeengelosi ezizisa isiTyhilelo kubaProfeti |
عُذْرًا أَوْ نُذْرًا (6)
Ukunqamla konke ukuzithethelela zilumkise nokulumkisa |
إِنَّمَا تُوعَدُونَ لَوَاقِعٌ (7)
Inene oko nikuthenjisiweyo kunyanzelekile kwenzeke |
فَإِذَا النُّجُومُ طُمِسَتْ (8)
Xa iinkwenkwezi ziphelelwe kukukhanya kwazo |
وَإِذَا السَّمَاءُ فُرِجَتْ (9)
Naxa izulu licandeka |
وَإِذَا الْجِبَالُ نُسِفَتْ (10)
Naxa iintaba ziphaphatheke zemka |
وَإِذَا الرُّسُلُ أُقِّتَتْ (11)
Naxa abaThunywa behlanganiselwe ixesha labo elikhethiweyo |
لِأَيِّ يَوْمٍ أُجِّلَتْ (12)
Yiyiphi le Mini le miqondiso irhoxiselwa yona |
لِيَوْمِ الْفَصْلِ (13)
(Irhoxiselwa) iMini yohlenga-hlengiso |
وَمَا أَدْرَاكَ مَا يَوْمُ الْفَصْلِ (14)
Yintoni na enokukwenza wazi ukuba iyintoni na iMini yohlengahlengiso |
وَيْلٌ يَوْمَئِذٍ لِّلْمُكَذِّبِينَ (15)
Yeha ngaloo Mini kubaphiki |
أَلَمْ نُهْلِكِ الْأَوَّلِينَ (16)
ASizanga Sibatshabalalise na abamandulo |
ثُمَّ نُتْبِعُهُمُ الْآخِرِينَ (17)
Siya kwenza njalo ke nangezizukulwana zamva ukulandelisa |
كَذَٰلِكَ نَفْعَلُ بِالْمُجْرِمِينَ (18)
Siqubisana kanjalo ke naboni |
وَيْلٌ يَوْمَئِذٍ لِّلْمُكَذِّبِينَ (19)
Yeha ngaloo Mini kubaphiki |
أَلَمْ نَخْلُقكُّم مِّن مَّاءٍ مَّهِينٍ (20)
ASizanga Sinidale ngolwelo olonyanyekayo na |
فَجَعَلْنَاهُ فِي قَرَارٍ مَّكِينٍ (21)
Saza Salubeka kwindawo yalo yokhuseleko (esibelekweni) |
إِلَىٰ قَدَرٍ مَّعْلُومٍ (22)
Ixesha elingummiselo owaziwayo |
فَقَدَرْنَا فَنِعْمَ الْقَادِرُونَ (23)
Samisela ixesha elithile ngalo, (SiThi ke) abaMiseli xesha Abalungileyo |
وَيْلٌ يَوْمَئِذٍ لِّلْمُكَذِّبِينَ (24)
Yeha ngaloo Mini kubaphiki |
أَلَمْ نَجْعَلِ الْأَرْضَ كِفَاتًا (25)
Asiwenzanga umhlaba waba sisiqulathi |
أَحْيَاءً وَأَمْوَاتًا (26)
Sabaphilileyo nabaFileyo na |
وَجَعَلْنَا فِيهَا رَوَاسِيَ شَامِخَاتٍ وَأَسْقَيْنَاكُم مَّاءً فُرَاتًا (27)
Saza Sabeka apho kuwo iintaba ezinde eziqinileyo. Saninika amanzi amnandi ukuba nisele |
وَيْلٌ يَوْمَئِذٍ لِّلْمُكَذِّبِينَ (28)
Yeha ngaloo Mini kubaphiki |
انطَلِقُوا إِلَىٰ مَا كُنتُم بِهِ تُكَذِّبُونَ (29)
(Kuya kuthiwa kubo): “Yiyani koko nanidla ngokuphika |
انطَلِقُوا إِلَىٰ ظِلٍّ ذِي ثَلَاثِ شُعَبٍ (30)
Yiyani ethunzini (lomsi woMlillo wesiHogo) oziingqimba ezintathu |
لَّا ظَلِيلٍ وَلَا يُغْنِي مِنَ اللَّهَبِ (31)
(Kodwa) lingenamthunzi upholileyo, lingancedi nakunceda ngokuchasene neDangatya.” |
إِنَّهَا تَرْمِي بِشَرَرٍ كَالْقَصْرِ (32)
Inene wona loo (msi) utakisa iintlantsi (ezinkulu) ezingangenqaba (yamajoni) |
كَأَنَّهُ جِمَالَتٌ صُفْرٌ (33)
Ngathi ziinkamela ezilubhelu bumnyama |
وَيْلٌ يَوْمَئِذٍ لِّلْمُكَذِّبِينَ (34)
Yeha ngaloo Mini kubaphiki |
هَٰذَا يَوْمُ لَا يَنطِقُونَ (35)
Le yiMini abangayi kuthetha ngayo |
وَلَا يُؤْذَنُ لَهُمْ فَيَعْتَذِرُونَ (36)
Bengayi kuvunyelwa nakuvunyelwa ukuba bazithethelele |
وَيْلٌ يَوْمَئِذٍ لِّلْمُكَذِّبِينَ (37)
Yeha ngaloo Mini kubaphiki |
هَٰذَا يَوْمُ الْفَصْلِ ۖ جَمَعْنَاكُمْ وَالْأَوَّلِينَ (38)
Le yiMini yoMgwebo; Siya kuba Sinihlanganisile nabamandulo |
فَإِن كَانَ لَكُمْ كَيْدٌ فَكِيدُونِ (39)
Ukuba ngaba ninalo icebo, cebani kaloku ngokuchasene naM (ngoku) |
وَيْلٌ يَوْمَئِذٍ لِّلْمُكَذِّبِينَ (40)
Yeha ngaloo Mini kubaphiki |
إِنَّ الْمُتَّقِينَ فِي ظِلَالٍ وَعُيُونٍ (41)
Inene abanyulu baya kuba phakathi kwemithunzi nemithombo |
وَفَوَاكِهَ مِمَّا يَشْتَهُونَ (42)
Neziqhamo (zohlobo) abalufunayo |
كُلُوا وَاشْرَبُوا هَنِيئًا بِمَا كُنتُمْ تَعْمَلُونَ (43)
(Kuya kuthiwa kubo): “Yidlani nisele nanele ngenxa yoko nakwenzayo.” |
إِنَّا كَذَٰلِكَ نَجْزِي الْمُحْسِنِينَ (44)
Inene Thina sibavuza kajalo ke abenzi bokulungileyo |
وَيْلٌ يَوْمَئِذٍ لِّلْمُكَذِّبِينَ (45)
Yeha ngaloo Mini kubaphiki |
كُلُوا وَتَمَتَّعُوا قَلِيلًا إِنَّكُم مُّجْرِمُونَ (46)
(Hini na nina bangakholwayo), yibani nisitya nizonwabise okwethutyana inene nina ningaboni |
وَيْلٌ يَوْمَئِذٍ لِّلْمُكَذِّبِينَ (47)
Yeha ngaloo Mini kubaphiki |
وَإِذَا قِيلَ لَهُمُ ارْكَعُوا لَا يَرْكَعُونَ (48)
Ukanti xa kusithiwa kubo: Gobani amadolo (phambi koAllâh)”, abagobi bona |
وَيْلٌ يَوْمَئِذٍ لِّلْمُكَذِّبِينَ (49)
Yeha ngaloo Mini kubaphiki |
فَبِأَيِّ حَدِيثٍ بَعْدَهُ يُؤْمِنُونَ (50)
Yiyiphi ke enye intetho emva (kwe’Kur’ân) abaya kukholwa kuyo |
