سُورَةٌ أَنزَلْنَاهَا وَفَرَضْنَاهَا وَأَنزَلْنَا فِيهَا آيَاتٍ بَيِّنَاتٍ لَّعَلَّكُمْ تَذَكَّرُونَ (1)
Nyoe saboh surat nyang Kamoe peutron F Di dalam jih nyan Kamoe peurintah Peue nyang peureulee u ateueh gata Ayat lom nyata sinan Meupeugah Jeuet keu peuingat ban dumna gata |
الزَّانِيَةُ وَالزَّانِي فَاجْلِدُوا كُلَّ وَاحِدٍ مِّنْهُمَا مِائَةَ جَلْدَةٍ ۖ وَلَا تَأْخُذْكُم بِهِمَا رَأْفَةٌ فِي دِينِ اللَّهِ إِن كُنتُمْ تُؤْمِنُونَ بِاللَّهِ وَالْيَوْمِ الْآخِرِ ۖ وَلْيَشْهَدْ عَذَابَهُمَا طَائِفَةٌ مِّنَ الْمُؤْمِنِينَ (2)
Soe nyang meuzina jipeubuet salah Soe nyang meuzina inong ngon agam Han jeuet tadiam tahukom bagah Sireutoh go dra keu jih sidroe-droe Bek sayang teuh roe jih nyan ka salah Han jeuet tasayang bak hukom Tuhan Meunyo meuiman gata keu Allah Meu na taiman uroe akhirat Tahukom leugat bek na meuilah Tahukom jih nyan beu na geukalon d Le ureueng mukmin dum beu tapeugah |
الزَّانِي لَا يَنكِحُ إِلَّا زَانِيَةً أَوْ مُشْرِكَةً وَالزَّانِيَةُ لَا يَنكِحُهَا إِلَّا زَانٍ أَوْ مُشْرِكٌ ۚ وَحُرِّمَ ذَٰلِكَ عَلَى الْمُؤْمِنِينَ (3)
Meu jimeukawen agam meuzina Ngon inong zina cit jimeunikah Adak kon ngon nyan ngon inong musyrek Meunyo tabalek pih hana ubah f Meu jimeukawen inong meuzina Ngon agam zina cit jimeunikah Adak kon ngon nyan ngon agam musyrek À Hana meubalek meunankeuh ulah Atra nyan hareuem bak ureueng mukmin |
وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاءَ فَاجْلِدُوهُمْ ثَمَانِينَ جَلْدَةً وَلَا تَقْبَلُوا لَهُمْ شَهَادَةً أَبَدًا ۚ وَأُولَٰئِكَ هُمُ الْفَاسِقُونَ (4)
Tatudoh mukmin pih raya salah Beurangsoe tudoh inong nyang suci d Han ek treuk jibri saksi nyang beusah Peuet droe keu saksi han ek jipeuna Tahukom teuma jih nyan ka salah Lapan ploh go dra tahukom keu jih Keu saksi dijih beurangjan han sah Han jeuet keu saksi jih le beurangjan Nyankeuh awak nyan fasek that leupah |
إِلَّا الَّذِينَ تَابُوا مِن بَعْدِ ذَٰلِكَ وَأَصْلَحُوا فَإِنَّ اللَّهَ غَفُورٌ رَّحِيمٌ (5)
Meulengkan lheueh nyan jih ka jitoubat Jipeubuet nyang got han le jikeubah Nyan teuma Tuhan Maha Peungampon Lagi pih Tuhan Maha Peumurah |
وَالَّذِينَ يَرْمُونَ أَزْوَاجَهُمْ وَلَمْ يَكُن لَّهُمْ شُهَدَاءُ إِلَّا أَنفُسُهُمْ فَشَهَادَةُ أَحَدِهِمْ أَرْبَعُ شَهَادَاتٍ بِاللَّهِ ۙ إِنَّهُ لَمِنَ الصَّادِقِينَ (6)
Ureueng nyang tudoh peurumoh droe jih Keu saksi dijih pih tan jikeubah Keudroe jih mantong nyang jeuet keu saksi Dijih peuet kali beu jimeusumpah Jipeugah bit jih ureueng nyang beuna |
وَالْخَامِسَةُ أَنَّ لَعْنَتَ اللَّهِ عَلَيْهِ إِن كَانَ مِنَ الْكَاذِبِينَ (7)
Keulimong teuma laknat bak Allah Beu Neubri laknat keu jih le Tuhan Meu narit jih nyan sulet sileupah |
وَيَدْرَأُ عَنْهَا الْعَذَابَ أَن تَشْهَدَ أَرْبَعَ شَهَادَاتٍ بِاللَّهِ ۙ إِنَّهُ لَمِنَ الْكَاذِبِينَ (8)
Teuma diinong bebaih hukoman Meunyo dijih nyan jitulak balah Peuet go meusumpah dijih pih sabet Agam nyan sulet peue nyang jipeugah |
وَالْخَامِسَةَ أَنَّ غَضَبَ اللَّهِ عَلَيْهَا إِن كَانَ مِنَ الصَّادِقِينَ (9)
Kali keulimong murka Tuhan Neubri keu jih nyan meunyo jih salah Meunyo agam nyan ureueng nyang beuna Neupeumureuka lon nyoe le Allah |
وَلَوْلَا فَضْلُ اللَّهِ عَلَيْكُمْ وَرَحْمَتُهُ وَأَنَّ اللَّهَ تَوَّابٌ حَكِيمٌ (10)
Adak meukon na karonya Tuhan Ngon rahmat Tuhan keu gata sudah Meuhat hana got teuma keu gata Allah Taʻala teuma that Murah Teuma cit Tuhan teurimong toubat Bijaksana that cit sidroe Allah |
إِنَّ الَّذِينَ جَاءُوا بِالْإِفْكِ عُصْبَةٌ مِّنكُمْ ۚ لَا تَحْسَبُوهُ شَرًّا لَّكُم ۖ بَلْ هُوَ خَيْرٌ لَّكُمْ ۚ لِكُلِّ امْرِئٍ مِّنْهُم مَّا اكْتَسَبَ مِنَ الْإِثْمِ ۚ وَالَّذِي تَوَلَّىٰ كِبْرَهُ مِنْهُمْ لَهُ عَذَابٌ عَظِيمٌ (11)
Awak nyang peuna-peuna tudohan Cit saboh kawan awak nyang salah Bek tasangka nyan jeuheuet keu gata Tapi keu gata cit got that leupah Teuma awak nyan teuntee meudacha Ban nyang usaha jih dumnan salah k Teuma nyang pimpin buet nyan peuraya Azeueb that raya keu jih geukeubah |
لَّوْلَا إِذْ سَمِعْتُمُوهُ ظَنَّ الْمُؤْمِنُونَ وَالْمُؤْمِنَاتُ بِأَنفُسِهِمْ خَيْرًا وَقَالُوا هَٰذَا إِفْكٌ مُّبِينٌ (12)
Pakon han gata ‘oh tadeungo nyan Beugot sangkaan teuh bek meusalah Ureueng meuiman inong ngon agam Beu got dugaan bek na meuilah Sabe keudroe-droe sangkaan beu got Takheun hana got narit nyoe salah Haba nyan nyata jipeuna-peuna |
لَّوْلَا جَاءُوا عَلَيْهِ بِأَرْبَعَةِ شُهَدَاءَ ۚ فَإِذْ لَمْ يَأْتُوا بِالشُّهَدَاءِ فَأُولَٰئِكَ عِندَ اللَّهِ هُمُ الْكَاذِبُونَ (13)
Saksi pih hana jiyue jak peugah Pakon han jiba peuet droe keu saksi Meu hana saksi nyan sulet leupah Meunyo bak Tuhan jih nyan sulet that |
وَلَوْلَا فَضْلُ اللَّهِ عَلَيْكُمْ وَرَحْمَتُهُ فِي الدُّنْيَا وَالْآخِرَةِ لَمَسَّكُمْ فِي مَا أَفَضْتُمْ فِيهِ عَذَابٌ عَظِيمٌ (14)
Lah pih Hadharat Maha Peumurah Sangkira kon na karonya Tuhan Ngon rahmat Tuhan nyang keubit luah Donya akhirat Tuhan bri rahmat Adak han azeueb keu gata sudah Azeueb raya that Neubri keu gata |
إِذْ تَلَقَّوْنَهُ بِأَلْسِنَتِكُمْ وَتَقُولُونَ بِأَفْوَاهِكُم مَّا لَيْسَ لَكُم بِهِ عِلْمٌ وَتَحْسَبُونَهُ هَيِّنًا وَهُوَ عِندَ اللَّهِ عَظِيمٌ (15)
Sabab roh gata teurimong salah Tatueng jih laju ngon lidah gata Jeuet takheun lanja meuneu‘en babah 7 Padahai gata hana tateupeue Sang han jeuet keu peue ta sangka mudah Padahai raya buet nyan bak Tuhan |
وَلَوْلَا إِذْ سَمِعْتُمُوهُ قُلْتُم مَّا يَكُونُ لَنَا أَن نَّتَكَلَّمَ بِهَٰذَا سُبْحَانَكَ هَٰذَا بُهْتَانٌ عَظِيمٌ (16)
Pakon watee nyan hana tabantah Oh tadeungo nyan pakon han takheun s Bek dilee hai nyan tapeugah-peugah Maha Suci Droe-Neuh ya Tuhanku Nyoe bek roe laku tuduhan salah Atra nyan narit jipeuna-peuna |
يَعِظُكُمُ اللَّهُ أَن تَعُودُوا لِمِثْلِهِ أَبَدًا إِن كُنتُم مُّؤْمِنِينَ (17)
Peuingat gata teuma le Allah Atra lagee nyoe bek le meuulang Bek le beurangjan meunan tapeugah Meunyo bit gata ureueng meuiman |
وَيُبَيِّنُ اللَّهُ لَكُمُ الْآيَاتِ ۚ وَاللَّهُ عَلِيمٌ حَكِيمٌ (18)
Tanda bak Tuhan cit trang sileupah Tuhan ka Neutrang keu gata ayat Tuhan Hadharat ‘eleumee luah Bijaksana lom Tuhan Hadharat |
إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ ۚ وَاللَّهُ يَعْلَمُ وَأَنتُمْ لَا تَعْلَمُونَ (19)
Bek galak teuh that teuma seumeugah € Ureueng nyang galak peugah buet keuji Mangat jap bibi jipeugah-peugah Jipeumalee dum ureueng meuiman Akan ureueng nyan azeueb that leupah Azeueb that peudeh donya akhirat Tuhan Neutupat peue nyang tapeugah Tuhan Neuteupeue nyang han tateupeue |
وَلَوْلَا فَضْلُ اللَّهِ عَلَيْكُمْ وَرَحْمَتُهُ وَأَنَّ اللَّهَ رَءُوفٌ رَّحِيمٌ (20)
Karonya-Neuh nyoe le han ban peugah Sangkira kon na karonya Tuhan Ngon rahmat Tuhan keu gata sudah Meuhat hana got teuma keu gata Teuma keu hamba Neusayang leupah Tuhan keu hamba keubit Neusayang Lagi pih Tuhan Maha Peumurah |
۞ يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ ۚ وَمَن يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ وَالْمُنكَرِ ۚ وَلَوْلَا فَضْلُ اللَّهِ عَلَيْكُمْ وَرَحْمَتُهُ مَا زَكَىٰ مِنكُم مِّنْ أَحَدٍ أَبَدًا وَلَٰكِنَّ اللَّهَ يُزَكِّي مَن يَشَاءُ ۗ وَاللَّهُ سَمِيعٌ عَلِيمٌ (21)
Hai ureueng mukmin bek roh taikot Chetan nyang karot ‘oh jimeulangkah Soe nyang roh ikot dum langkah chetan Dijih beurangjan jiyue buet salah Jiyue buet keuji ngon keujahatan Sangkira Tuhan kon that Peumurah Sangkira kon na karonya Tuhan Ngon rahmat Tuhan keu gata sudah Hana meusidroe lam kawan gata Nyang gleh bak dacha hana meusalah Beurangjan hana meusidroe nyang gleh Meu kon Neupeugleh gata le Allah Soe nyang h‘eut Tuhan teuma Neupeugleh Neudeungo meuceh bandum le Allah Lom pih Neuteupeue bandum le Tuhan |
وَلَا يَأْتَلِ أُولُو الْفَضْلِ مِنكُمْ وَالسَّعَةِ أَن يُؤْتُوا أُولِي الْقُرْبَىٰ وَالْمَسَاكِينَ وَالْمُهَاجِرِينَ فِي سَبِيلِ اللَّهِ ۖ وَلْيَعْفُوا وَلْيَصْفَحُوا ۗ أَلَا تُحِبُّونَ أَن يَغْفِرَ اللَّهُ لَكُمْ ۗ وَاللَّهُ غَفُورٌ رَّحِيمٌ (22)
Teuma bek simban gata meusumpah Ureueng nyang kaya na keuleubehan Bek jikheun han jan jibri nafakah Bek jimeusumpah jikheun han jibri Akan famili jih nyang lam sosah Kaom keurabat ngon ureueng gasien Ngon muhajirin bak jalan Allah Beu jipeumeuʻah ngon dada lapang Neubri amponan keu jih le Allah Peue han galakteuh Tuhan peuampon Deecha gata dum nyang na meusalah Keubit cit Tuhan Maha Peungampon Lagi pih Tuhan Maha Peumurah |
إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ (23)
Ureueng nyang tudoh inong nyang suci Mukmin nyang lale han tom buet salah Geulaknat jih nyan donya akhirat Azeueb raya that keu jih geukeubah |
يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ (24)
Uroe nyan lidah jih jeuet keu saksi Jaroe ngon gaki jih jiseumeugah Peue nyang jipubuet yoh masa dilee |
يَوْمَئِذٍ يُوَفِّيهِمُ اللَّهُ دِينَهُمُ الْحَقَّ وَيَعْلَمُونَ أَنَّ اللَّهَ هُوَ الْحَقُّ الْمُبِينُ (25)
Uroe nyan teuntee bandum geubalah Balasan keu jih teuma nyang beuna That samporeuna Neubri le Allah Jiteupeue Tuhan nyata that beuna Meu bacut hana buet-Neuh meuilah |
الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ ۖ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ ۚ أُولَٰئِكَ مُبَرَّءُونَ مِمَّا يَقُولُونَ ۖ لَهُم مَّغْفِرَةٌ وَرِزْقٌ كَرِيمٌ (26)
Inong nyang jeuheut keu agam jeuheut Agam nyang jeuheut keu inong ceulah Inong nyang shaleh keu agam shaleh Agam nyang shaleh inong meutuah Bahle jitudoh gopnyan buet dacha Ureueng nyang hana geupubuet salah Keu gopnyan Tuhan amponan Neubri Lom ngon raseuki mulia leupah |
يَا أَيُّهَا الَّذِينَ آمَنُوا لَا تَدْخُلُوا بُيُوتًا غَيْرَ بُيُوتِكُمْ حَتَّىٰ تَسْتَأْنِسُوا وَتُسَلِّمُوا عَلَىٰ أَهْلِهَا ۚ ذَٰلِكُمْ خَيْرٌ لَّكُمْ لَعَلَّكُمْ تَذَكَّرُونَ (27)
Wahe dum ureueng nyang ka meuiman Bak rumoh laen meunyo talangkah Meunyo rumoh nyan kon rumoh gata Bek that tasigra tatamong bagah Bak ureueng po jih talakee izin Ngon tabri saleuem baro talangkah Keu bandum gata meunan nyang that got Mangat teuingat teuh bek meusalah |
فَإِن لَّمْ تَجِدُوا فِيهَا أَحَدًا فَلَا تَدْخُلُوهَا حَتَّىٰ يُؤْذَنَ لَكُمْ ۖ وَإِن قِيلَ لَكُمُ ارْجِعُوا فَارْجِعُوا ۖ هُوَ أَزْكَىٰ لَكُمْ ۚ وَاللَّهُ بِمَا تَعْمَلُونَ عَلِيمٌ (28)
Meu hana taeu di sinan ureueng À Nyan bek tatamong meu goh geupeugah Meu ka geuizin tatamong jinoe Meu geuyue jak woe tawoe beubagah Nyan nyang leubeh gleh keu bandum gata Allah Taʻala Neuteupeue sudah Peue nyang tapeubuet Tuhan Neuteupeue Hana meusapeue pih na meuilah |
لَّيْسَ عَلَيْكُمْ جُنَاحٌ أَن تَدْخُلُوا بُيُوتًا غَيْرَ مَسْكُونَةٍ فِيهَا مَتَاعٌ لَّكُمْ ۚ وَاللَّهُ يَعْلَمُ مَا تُبْدُونَ وَمَا تَكْتُمُونَ (29)
Meunyo rumoh soh hana jeuet keu peue Kadang na peue-peue sinan takeubah Nyan jeuet tatamong hana geularang Bandum nyan Tuhan Neuteupeue sudah Got tapeulahe atawa tasom Neuteupeue bandum cit nyan le Allah |
قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ۚ ذَٰلِكَ أَزْكَىٰ لَهُمْ ۗ إِنَّ اللَّهَ خَبِيرٌ بِمَا يَصْنَعُونَ (30)
Takheun bak ureueng mukmin nyang agam Bek jingieng tajam mata jih leupah Beu jipeulahra lom meunalee jih Nyan gleh that keu jih hana ban peugah Peue nyang jipeugot Tuhan Neumaklum |
وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَىٰ عَوْرَاتِ النِّسَاءِ ۖ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ ۚ وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ (31)
Bak mukmin inong pih meunan ulah Tayue theun mata jaga meunalee Hiasan ulee bek tabri peuhah Hiasan tuboh kalong boh bajee Bandum nyan teuntee bek jipeuleumah Meulengkan peue nyang lahe u lua Nyang leumah nyata sabe cit teuhah Meunan pih jingui ija tob ulee Di ateueh bajee mangat bek leumah Jeuet jipeuleumah perhiasan jih Ubak linto jih deungon bak ayah Ayah droe jih ngon ayah linto jih Got pih aneuk jih jeuet jipeuleumah Aneuk linto jih ngon chedara jih Aneuk keumuen jih jeuet bandua blah Sabe inong jih got pih namiet jih Got peumbantu jih nyang hana syahwat Agam nyang hana napsu keu inong Aneuk cut mantong pih hana salah Mantong cut goh lom malee keu inong Keunankeuh mantong jeuet jipeuleumah Bek jipeumeusu keutʻing gleueng gaki Mangat gob turi hiasan indah Mangat gob teupeue na perhiasan Dijih di dalam nyang hana leumah Teuma tatoubat ban dumna gata Bak Tuhan gata nyang Maha Murah Hai ureueng mukmin tatoubat sigra Mangat bahgia gata meutuah |
وَأَنكِحُوا الْأَيَامَىٰ مِنكُمْ وَالصَّالِحِينَ مِنْ عِبَادِكُمْ وَإِمَائِكُمْ ۚ إِن يَكُونُوا فُقَرَاءَ يُغْنِهِمُ اللَّهُ مِن فَضْلِهِ ۗ وَاللَّهُ وَاسِعٌ عَلِيمٌ (32)
Soe-soe nyang lajang lam kawan gata Peukawen sigra bek trep takeubah Meunan pih namiet teuh agam inong Meu ka meukeunong peukawen bagah Meunyo jih gasien Tuhan peukaya Neubri karonya keu jih le Allah Maha luah that karonya Tuhan Dumpeue Neutuban ‘eleumee Allah |
وَلْيَسْتَعْفِفِ الَّذِينَ لَا يَجِدُونَ نِكَاحًا حَتَّىٰ يُغْنِيَهُمُ اللَّهُ مِن فَضْلِهِ ۗ وَالَّذِينَ يَبْتَغُونَ الْكِتَابَ مِمَّا مَلَكَتْ أَيْمَانُكُمْ فَكَاتِبُوهُمْ إِنْ عَلِمْتُمْ فِيهِمْ خَيْرًا ۖ وَآتُوهُم مِّن مَّالِ اللَّهِ الَّذِي آتَاكُمْ ۚ وَلَا تُكْرِهُوا فَتَيَاتِكُمْ عَلَى الْبِغَاءِ إِنْ أَرَدْنَ تَحَصُّنًا لِّتَبْتَغُوا عَرَضَ الْحَيَاةِ الدُّنْيَا ۚ وَمَن يُكْرِههُّنَّ فَإِنَّ اللَّهَ مِن بَعْدِ إِكْرَاهِهِنَّ غَفُورٌ رَّحِيمٌ (33)
Meunyo meukawen goh lom kuasa , Beugot jijaga bek roh buet salah f Meu ka jih kaya karonya Tuhan Laju watee nyan jijak meunikah Meu namiet gata lakee teuboh droe Surat keu jih nyoe tapeugot bagah Meunyo tateupeue ka got nyan keu jih Lom tabri keu jih hareuta Allah Hareuta Tuhan Neubri keu gata Peugot keunira keu jih takeubah Namiet nyang inong teuh bek tapaksa Jipeubuet dacha ngon tan meunikah Meunyo meunapsu droe jipeulahra Teuma digata napsu nyang salah Napsu areuta udep lam donya Buet nyan that hina hana ban peugah Soe nyang paksa jih teuma cit Tuhan Maha Peungampon lom that Peumurah |
وَلَقَدْ أَنزَلْنَا إِلَيْكُمْ آيَاتٍ مُّبَيِّنَاتٍ وَمَثَلًا مِّنَ الَّذِينَ خَلَوْا مِن قَبْلِكُمْ وَمَوْعِظَةً لِّلْمُتَّقِينَ (34)
Ka Kamoe peutron ayat keu gata Nyang trang ngon nyata hana meusalah Lom pih na miseue ureueng nyang dilee Sinan meuteuntee raya phaedah Ureueng nyang dilee sigohlom gata Bandum nyan haba dalam seujarah Lom pih nasehat keu soe nyang takwa Ureueng mulia di sisi Allah |
۞ اللَّهُ نُورُ السَّمَاوَاتِ وَالْأَرْضِ ۚ مَثَلُ نُورِهِ كَمِشْكَاةٍ فِيهَا مِصْبَاحٌ ۖ الْمِصْبَاحُ فِي زُجَاجَةٍ ۖ الزُّجَاجَةُ كَأَنَّهَا كَوْكَبٌ دُرِّيٌّ يُوقَدُ مِن شَجَرَةٍ مُّبَارَكَةٍ زَيْتُونَةٍ لَّا شَرْقِيَّةٍ وَلَا غَرْبِيَّةٍ يَكَادُ زَيْتُهَا يُضِيءُ وَلَوْ لَمْ تَمْسَسْهُ نَارٌ ۚ نُّورٌ عَلَىٰ نُورٍ ۗ يَهْدِي اللَّهُ لِنُورِهِ مَن يَشَاءُ ۚ وَيَضْرِبُ اللَّهُ الْأَمْثَالَ لِلنَّاسِ ۗ وَاللَّهُ بِكُلِّ شَيْءٍ عَلِيمٌ (35)
Tuhan po cahya langot ngon bumoe Miseue cahya nyoe na saboh kubah Dalam kubah nyan saboh peulita Di dalam kaca nyang trang that leupah Sang-sang kaca nyan bintang meucahya Intan permata hu meujeureulah Hu jih ngon minyeuk kayee beureukat Zaitun ganje that kayee meutuah Kon blah u timu kon blah u barat Minyeuk jih ka rap meucahya indah Bah that beu apui tan teupeh keunan Cahya di sinan le han ban peugah Di ateueh cahya na lom meucahya Allah Taʻala Neubri Hidayah Soe nyang h‘eut Tuhan Neutunyok keunan Bak cahya-Neuh nyan nyang hu that indah Neupeugot misee dum uleh Tuhan Keu bandum insan jitueng phaedah Bandum perkara Tuhan Neuteupeue Hana meusapeue pih na meuilah |
فِي بُيُوتٍ أَذِنَ اللَّهُ أَن تُرْفَعَ وَيُذْكَرَ فِيهَا اسْمُهُ يُسَبِّحُ لَهُ فِيهَا بِالْغُدُوِّ وَالْآصَالِ (36)
Dalam meusijid dum izin Tuhan Pangkat that manyang geuseubot Allah Ucap teuseubeh hana tom karot Beungoh ngon seupot geupujoe Allah |
رِجَالٌ لَّا تُلْهِيهِمْ تِجَارَةٌ وَلَا بَيْعٌ عَن ذِكْرِ اللَّهِ وَإِقَامِ الصَّلَاةِ وَإِيتَاءِ الزَّكَاةِ ۙ يَخَافُونَ يَوْمًا تَتَقَلَّبُ فِيهِ الْقُلُوبُ وَالْأَبْصَارُ (37)
Le ureueng-ureueng nyang han tom laloe Deungon bloe peubloe meukat blah bicah Bahthat geumeukat geuingat Tuhan Pubuet seumbahyang geubri seudeukah Geubri ngon zakeuet meu na hareuta Uroe Keunira geutakot leupah Uroe meuguncang ate ngon mata That haro hara kiamat sudah |
لِيَجْزِيَهُمُ اللَّهُ أَحْسَنَ مَا عَمِلُوا وَيَزِيدَهُم مِّن فَضْلِهِ ۗ وَاللَّهُ يَرْزُقُ مَن يَشَاءُ بِغَيْرِ حِسَابٍ (38)
Mangat Neubalah gopnyan le Tuhan Ateueh buet gopnyan nyang got that leupah F Lom Neupeuleubeh karonya Tuhan Raseuki gopnyan hana ban peugah Soe nyang h‘eut Tuhan Neubri raseuki Han ek tatukri cit le sileupah |
وَالَّذِينَ كَفَرُوا أَعْمَالُهُمْ كَسَرَابٍ بِقِيعَةٍ يَحْسَبُهُ الظَّمْآنُ مَاءً حَتَّىٰ إِذَا جَاءَهُ لَمْ يَجِدْهُ شَيْئًا وَوَجَدَ اللَّهَ عِندَهُ فَوَفَّاهُ حِسَابَهُ ۗ وَاللَّهُ سَرِيعُ الْحِسَابِ (39)
Amai si kaphe miseuejih teuma Patamorgana lam padang luah Geuleumbong anoe jisangka nyan ie Napsu keu leupie ka grah that leupah ‘Oh jijak keunan hana sapeue na Patamorgana jipeungot sudah f Nyang na di sinan Allah Taʻala Laju Neukira amai nyang salah Neubri treuk balah keu jih le Tuhan Keunira Tuhan keubit that bagah |
أَوْ كَظُلُمَاتٍ فِي بَحْرٍ لُّجِّيٍّ يَغْشَاهُ مَوْجٌ مِّن فَوْقِهِ مَوْجٌ مِّن فَوْقِهِ سَحَابٌ ۚ ظُلُمَاتٌ بَعْضُهَا فَوْقَ بَعْضٍ إِذَا أَخْرَجَ يَدَهُ لَمْ يَكَدْ يَرَاهَا ۗ وَمَن لَّمْ يَجْعَلِ اللَّهُ لَهُ نُورًا فَمَا لَهُ مِن نُّورٍ (40)
Atawa seupot lagee lam laot Lam kawan eungkot lam laot luah Di ateueh bakat meulapeh-lapeh Jitob jitindeh han sapeue leumah Ateueh nyan awan meususon-suson Seupot meuhimpon teubai sileupah Lam seupot suklip meutindeh lapeh Sinoe ngon sideh itam that leupah Jaroe droe jih sang han deuh jikalon d Cahya bak Tuhan han Neupeuleumah Soe nyang han Neubri cahya le Tuhan Peungeuh keu jih tan seupot sileupah |
أَلَمْ تَرَ أَنَّ اللَّهَ يُسَبِّحُ لَهُ مَن فِي السَّمَاوَاتِ وَالْأَرْضِ وَالطَّيْرُ صَافَّاتٍ ۖ كُلٌّ قَدْ عَلِمَ صَلَاتَهُ وَتَسْبِيحَهُ ۗ وَاللَّهُ عَلِيمٌ بِمَا يَفْعَلُونَ (41)
Peue hana taeu jikheun teuseubeh Dumpeue cit jadeh jipujoe Allah Soe nyang di langot ngon nyang di bumoe Bandum sinaroe pujoe di babah Cicem dum jipo meubareh-bareh Bandum teuseubeh sabe di babah Bandum jiteupeue ayat seumbahyang Jipujoe Tuhan nyang Maha Murah Peue nyang jipeubuet Tuhan Neuteupeue Hana meusapeue pih na meuilah |
وَلِلَّهِ مُلْكُ السَّمَاوَاتِ وَالْأَرْضِ ۖ وَإِلَى اللَّهِ الْمَصِيرُ (42)
Keurajeuen langet bandum ngon bumoe Bandum atra nyoe cit milek Allah Bandum teuh tawoe keudeh bak Tuhan |
أَلَمْ تَرَ أَنَّ اللَّهَ يُزْجِي سَحَابًا ثُمَّ يُؤَلِّفُ بَيْنَهُ ثُمَّ يَجْعَلُهُ رُكَامًا فَتَرَى الْوَدْقَ يَخْرُجُ مِنْ خِلَالِهِ وَيُنَزِّلُ مِنَ السَّمَاءِ مِن جِبَالٍ فِيهَا مِن بَرَدٍ فَيُصِيبُ بِهِ مَن يَشَاءُ وَيَصْرِفُهُ عَن مَّن يَشَاءُ ۖ يَكَادُ سَنَا بَرْقِهِ يَذْهَبُ بِالْأَبْصَارِ (43)
Hana takalon peuneujeuet Allah Neuarak awan meulapeh-lepeh Lheueh nyan Neutindeh meutamon bagah j Lam awan teubai jiteubiet ujeuen Jitreun meureuen-reuen tunjai sileupah Na cit Neupeutron sideh di langet Gunong eh kreueh that ngon leupie leupah Soe nyang h‘eut Tuhan Neubri atra nyan Soe nyang h‘eut Tuhan han Neubri jatah Cahya kilatjih sang-sang rap buta Teuh seupot mata sapeue han leumah |
يُقَلِّبُ اللَّهُ اللَّيْلَ وَالنَّهَارَ ۚ إِنَّ فِي ذَٰلِكَ لَعِبْرَةً لِّأُولِي الْأَبْصَارِ (44)
Neubalek sabe malam ngon uroe Tuhanku sidroe kuasa leupah Uroe ngon malam han tom meusapat Jitueng ibarat soe nyang meutuah Le ureueng nyang na pikiran sehat |
وَاللَّهُ خَلَقَ كُلَّ دَابَّةٍ مِّن مَّاءٍ ۖ فَمِنْهُم مَّن يَمْشِي عَلَىٰ بَطْنِهِ وَمِنْهُم مَّن يَمْشِي عَلَىٰ رِجْلَيْنِ وَمِنْهُم مَّن يَمْشِي عَلَىٰ أَرْبَعٍ ۚ يَخْلُقُ اللَّهُ مَا يَشَاءُ ۚ إِنَّ اللَّهَ عَلَىٰ كُلِّ شَيْءٍ قَدِيرٌ (45)
Tuhan nyang peujeuet bandum blah bicah Bandum binatang bak ie Neupeujeuet Nyang jak ateueh pruet takalon ulah Nyang ladom jijak ngon dua gaki : Ladom peuet gaki peuneujeuet Allah J Bandum Neupeujeuet ban nyang h‘eut Tuhan Dumpeue cit Tuhan kuasa leupah À |
لَّقَدْ أَنزَلْنَا آيَاتٍ مُّبَيِّنَاتٍ ۚ وَاللَّهُ يَهْدِي مَن يَشَاءُ إِلَىٰ صِرَاطٍ مُّسْتَقِيمٍ (46)
Ka Kamoe peutron dum ayat-ayat Meupeutrang meuhat nyata sileupah 3 Teuma Neutunyok soe nyang h‘eut Tuhan Keudeh bak jalan nyang hana salah Jalan nyang teupat bak jalan Tuhan |
وَيَقُولُونَ آمَنَّا بِاللَّهِ وَبِالرَّسُولِ وَأَطَعْنَا ثُمَّ يَتَوَلَّىٰ فَرِيقٌ مِّنْهُم مِّن بَعْدِ ذَٰلِكَ ۚ وَمَا أُولَٰئِكَ بِالْمُؤْمِنِينَ (47)
Kamoe meuiman teuma jipeugah Iman keu Tuhan iman keu Rasul Bandum meukaboi peue nyang Neupeugah ‘Oh Iheueh jipeugah kamoe meutaʻat Jipaleng leugat saboh farikah Bandum jih nyan kon ureueng meuiman |
وَإِذَا دُعُوا إِلَى اللَّهِ وَرَسُولِهِ لِيَحْكُمَ بَيْنَهُمْ إِذَا فَرِيقٌ مِّنْهُم مُّعْرِضُونَ (48)
‘Oh geuhoi jih nyan bak jalan Allah Geuhoi le Rasul geumeung hukom jih Na antara jih nyang meuparikah Saboh parikah cit laju jiwoe |
وَإِن يَكُن لَّهُمُ الْحَقُّ يَأْتُوا إِلَيْهِ مُذْعِنِينَ (49)
Meu laba keu droe jih jitem singgah Meunyo na peue-peue nyang hak jih sinan Jiteuka keunan le bagah-bagah Jiteuka laju taʻat that dijih |
أَفِي قُلُوبِهِم مَّرَضٌ أَمِ ارْتَابُوا أَمْ يَخَافُونَ أَن يَحِيفَ اللَّهُ عَلَيْهِمْ وَرَسُولُهُ ۚ بَلْ أُولَٰئِكَ هُمُ الظَّالِمُونَ (50)
Peue lam ate jih na nyang. meusalah Peue na peunyaket dalam ate jih f Atawa chok jih peue nyang geupeugah Peue teumakot jih Tuhan elanya Keu jih nyan teuma sabab ka salah Meunan pih Rasul geuelanya jih Tapi cit droe jih lalem that leupah |
إِنَّمَا كَانَ قَوْلَ الْمُؤْمِنِينَ إِذَا دُعُوا إِلَى اللَّهِ وَرَسُولِهِ لِيَحْكُمَ بَيْنَهُمْ أَن يَقُولُوا سَمِعْنَا وَأَطَعْنَا ۚ وَأُولَٰئِكَ هُمُ الْمُفْلِحُونَ (51)
Teuma nyang narit ureueng meuiman Oh geuhoi jih nyan bak jalan Allah Geuhoi le Rasul geupeugah hukom Teuntee dum jikheun turot peurintah Ka kamoe deungo kamoe meutaʻat Ureueng nyan meuhat bahgia leupah |
وَمَن يُطِعِ اللَّهَ وَرَسُولَهُ وَيَخْشَ اللَّهَ وَيَتَّقْهِ فَأُولَٰئِكَ هُمُ الْفَائِزُونَ (52)
Taʻat keu Allah taʻat keu Rasul Bandum jikaboi peue nyang peurintah Takot keu Tuhan takwa keu Tuhan Ureueng nyang meunankeuh nyang meutuah Nyankeuh nyang meunang lam perjuangan Keubit that seunang Neubri le Allah |
۞ وَأَقْسَمُوا بِاللَّهِ جَهْدَ أَيْمَانِهِمْ لَئِنْ أَمَرْتَهُمْ لَيَخْرُجُنَّ ۖ قُل لَّا تُقْسِمُوا ۖ طَاعَةٌ مَّعْرُوفَةٌ ۚ إِنَّ اللَّهَ خَبِيرٌ بِمَا تَعْمَلُونَ (53)
Awak nyan teuma meusumpah keubit Meu tayue teubjet jiteubiet bagah Meusumpah-sumpah leupah that dijih Takheun leh bak jih bek tameusumpah Meunyo tataʻat nyan cit ka meuphom Keubit Neumaklum bandum le Allah Peue nyang tapubuet Tuhan Neumaklum |
قُلْ أَطِيعُوا اللَّهَ وَأَطِيعُوا الرَّسُولَ ۖ فَإِن تَوَلَّوْا فَإِنَّمَا عَلَيْهِ مَا حُمِّلَ وَعَلَيْكُم مَّا حُمِّلْتُمْ ۖ وَإِن تُطِيعُوهُ تَهْتَدُوا ۚ وَمَا عَلَى الرَّسُولِ إِلَّا الْبَلَاغُ الْمُبِينُ (54)
Takheun boh bandum taʻat keu Allah 3 Meunan pih taat bandum keu Rasul |
وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَىٰ لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْنًا ۚ يَعْبُدُونَنِي لَا يُشْرِكُونَ بِي شَيْئًا ۚ وَمَن كَفَرَ بَعْدَ ذَٰلِكَ فَأُولَٰئِكَ هُمُ الْفَاسِقُونَ (55)
Soe nyang meuiman lam kawan gata Allah Taʻala janji Neupeugah Jipeubuet amai pih bandum nyang got Nyan Tuhan peujeuet jih keu khalifah Di dalam bumoe jih mat keurajeuen Lagee yoh jameun ummat nyang sudah Lagee ka Neubri keu ummat jameun Agama jih nyan pih kong sileupah Agama Tuhan nyang ka Neurila Neupeukong sigra keu jih Neukeubah Lom pih jih aman han le teumakot Meunyo jiturot bandum peurintah Jiseumah cit Lon bek peucharikat Beurangpeue meuhat nyang bukon Allah v Meunyo jikaphe teuma ‘oh lheueh nyan 3 Jeuet treuk awak nyan fasek sileupah y |
وَأَقِيمُوا الصَّلَاةَ وَآتُوا الزَّكَاةَ وَأَطِيعُوا الرَّسُولَ لَعَلَّكُمْ تُرْحَمُونَ (56)
Peubuet seumbahyang tabri ngon zakeuet Lom pih tataʻat keu Rasul Allah Mangat jeuet rahmat neubri keu gata |
لَا تَحْسَبَنَّ الَّذِينَ كَفَرُوا مُعْجِزِينَ فِي الْأَرْضِ ۚ وَمَأْوَاهُمُ النَّارُ ۖ وَلَبِئْسَ الْمَصِيرُ (57)
Bek roe tasangka kafirin Makkah Bek tasangka jih teuga di bumoe ý Lam apui dudoe keudeh geukeubah 2 Dalam nuraka jih geubri teumpat Sijeuheut teumpat nuraka juah |
يَا أَيُّهَا الَّذِينَ آمَنُوا لِيَسْتَأْذِنكُمُ الَّذِينَ مَلَكَتْ أَيْمَانُكُمْ وَالَّذِينَ لَمْ يَبْلُغُوا الْحُلُمَ مِنكُمْ ثَلَاثَ مَرَّاتٍ ۚ مِّن قَبْلِ صَلَاةِ الْفَجْرِ وَحِينَ تَضَعُونَ ثِيَابَكُم مِّنَ الظَّهِيرَةِ وَمِن بَعْدِ صَلَاةِ الْعِشَاءِ ۚ ثَلَاثُ عَوْرَاتٍ لَّكُمْ ۚ لَيْسَ عَلَيْكُمْ وَلَا عَلَيْهِمْ جُنَاحٌ بَعْدَهُنَّ ۚ طَوَّافُونَ عَلَيْكُم بَعْضُكُمْ عَلَىٰ بَعْضٍ ۚ كَذَٰلِكَ يُبَيِّنُ اللَّهُ لَكُمُ الْآيَاتِ ۗ وَاللَّهُ عَلِيمٌ حَكِيمٌ (58)
Namiet gata dum hai ureueng mukmin Jilakee izin meunan tapeugah Lhee go siuroe izin jilakee Meunan meuteuntee mangat bek salah a e Meunan pih aneuk nyang goh troh umu Bek tamong laju lam kama bagah Nyang phon yoh goh lom seumbahyang suboh Goh lom tabeudoh tapujoe Allah ‘Oh tasuet bajee bak watee leuho r Watee pajoh bu tapiyoh payah h Meunan pih ‘oh Iheueh sumbahyang ‘isya Nyan ‘aurat gata beu tapeusiblah r Jilakee izin lhee boh watee nyan ‘Oh Iheueh nibak nyan gata pih bebaih Dijih pih ka jeuet jiteubiet tamong Peue nyang meukeunong jipeubuet bagah Meunankeuh Tuhan dum Neupeunyata y Keu gata tanda tatueng phaedah Tuhan Neuteupeue bandum peurkara Lom bijaksana-Neuh han ban peugah |
وَإِذَا بَلَغَ الْأَطْفَالُ مِنكُمُ الْحُلُمَ فَلْيَسْتَأْذِنُوا كَمَا اسْتَأْذَنَ الَّذِينَ مِن قَبْلِهِمْ ۚ كَذَٰلِكَ يُبَيِّنُ اللَّهُ لَكُمْ آيَاتِهِ ۗ وَاللَّهُ عَلِيمٌ حَكِيمٌ (59)
Meunyo aneukmiet ka troh umu jih Nyan saban dijih hana meuubah Lagee ureueng nyang dilee nibak jih s Lakee izin jih saban that leupah Meunankeuh Tuhan Neupeutrang ayat Keu gata meuhat tatueng phaedah Tuhan Neuteupeue bandum perkara Ngon bijaksana-Neuh han ban peugah |
وَالْقَوَاعِدُ مِنَ النِّسَاءِ اللَّاتِي لَا يَرْجُونَ نِكَاحًا فَلَيْسَ عَلَيْهِنَّ جُنَاحٌ أَن يَضَعْنَ ثِيَابَهُنَّ غَيْرَ مُتَبَرِّجَاتٍ بِزِينَةٍ ۖ وَأَن يَسْتَعْفِفْنَ خَيْرٌ لَّهُنَّ ۗ وَاللَّهُ سَمِيعٌ عَلِيمٌ (60)
Ureueng inong nyang hana meuhe le Lom hana mume watee ka leupah $ Lom pih hana le napsu meukawen 7 Nyan jeuet meulaen bacut meuubah Hana peue dijih ija di lua Hana meudacha adak jikeubah Lom hana jingui ngon peurhiasan Jiboh bak badan jimeung peuleumah Leubeh got teuma beu jijaga droe Bek jeuet keu paloe roh dalam salah Tuhan Neudeungo lom pih Neuteupeue Hana meusapeue pih na meuilah |
لَّيْسَ عَلَى الْأَعْمَىٰ حَرَجٌ وَلَا عَلَى الْأَعْرَجِ حَرَجٌ وَلَا عَلَى الْمَرِيضِ حَرَجٌ وَلَا عَلَىٰ أَنفُسِكُمْ أَن تَأْكُلُوا مِن بُيُوتِكُمْ أَوْ بُيُوتِ آبَائِكُمْ أَوْ بُيُوتِ أُمَّهَاتِكُمْ أَوْ بُيُوتِ إِخْوَانِكُمْ أَوْ بُيُوتِ أَخَوَاتِكُمْ أَوْ بُيُوتِ أَعْمَامِكُمْ أَوْ بُيُوتِ عَمَّاتِكُمْ أَوْ بُيُوتِ أَخْوَالِكُمْ أَوْ بُيُوتِ خَالَاتِكُمْ أَوْ مَا مَلَكْتُم مَّفَاتِحَهُ أَوْ صَدِيقِكُمْ ۚ لَيْسَ عَلَيْكُمْ جُنَاحٌ أَن تَأْكُلُوا جَمِيعًا أَوْ أَشْتَاتًا ۚ فَإِذَا دَخَلْتُم بُيُوتًا فَسَلِّمُوا عَلَىٰ أَنفُسِكُمْ تَحِيَّةً مِّنْ عِندِ اللَّهِ مُبَارَكَةً طَيِّبَةً ۚ كَذَٰلِكَ يُبَيِّنُ اللَّهُ لَكُمُ الْآيَاتِ لَعَلَّكُمْ تَعْقِلُونَ (61)
Bak ureueng buta hana geularang Capiek got pincang hana geuteugah Got ureueng saket got pih droe gata Pajoh bersama saboh maidah Sinan tamakeuen di rumoh gata Got pih seudia di rumoh ayah Rumoh yah gata got pih ma gata j Chedara gata pih hana salah í Ni Agam ngon inong chedara gata J Got pih ngon apateuh hana ubah g Rumoh abua ngon macut gata A Meunan pih mawateuh saban leupah Got rumoh nyang na gunci bak gata Got rakan gata pih hana ubah Hana jeuet keu peue tapajoh sapat Keunan dum meuhat tajak meulangkah Atawa napsu pajoh sidroe-droe Bandum sinaroe han jeuet keu salah Watee tatamong dalam rumoh nyoe Saleuem bri keudroe saleuem bak Allah Saleuem beureukat Neubri keu gata Allah Taʻala Neubri jroh leupah Meunankeuh ayat Neutrang bak gata Mangat jeuet gata pike beuceudah |
إِنَّمَا الْمُؤْمِنُونَ الَّذِينَ آمَنُوا بِاللَّهِ وَرَسُولِهِ وَإِذَا كَانُوا مَعَهُ عَلَىٰ أَمْرٍ جَامِعٍ لَّمْ يَذْهَبُوا حَتَّىٰ يَسْتَأْذِنُوهُ ۚ إِنَّ الَّذِينَ يَسْتَأْذِنُونَكَ أُولَٰئِكَ الَّذِينَ يُؤْمِنُونَ بِاللَّهِ وَرَسُولِهِ ۚ فَإِذَا اسْتَأْذَنُوكَ لِبَعْضِ شَأْنِهِمْ فَأْذَن لِّمَن شِئْتَ مِنْهُمْ وَاسْتَغْفِرْ لَهُمُ اللَّهَ ۚ إِنَّ اللَّهَ غَفُورٌ رَّحِيمٌ (62)
Nyang geukheun mukmin soe nyang meuiman Keupada Tuhan ngon Rasulullah Sajan ngon Rasul ‘oh na urosan Lam pertemuan geumuchawarah Han lom geubeudoh geujak ho laen Meu goh na izin bak Rasulullah d Ureueng nyang lakee izin bak gata Keubit jih nyata iman keu Allah Lom jimeuiman keu Rasul Tuhan Teuma urosan jih goh lom sudah 1 Meunyo jilakee izin bak gata Urosan raya jimeung jak peuglah Nyan tabri izin soe nyang hʻeut gata Talakee teuma ampon bak Allah Talakee ampon akan ureueng nyan Tuhan Peungampon lom that Peumurah |
لَّا تَجْعَلُوا دُعَاءَ الرَّسُولِ بَيْنَكُمْ كَدُعَاءِ بَعْضِكُم بَعْضًا ۚ قَدْ يَعْلَمُ اللَّهُ الَّذِينَ يَتَسَلَّلُونَ مِنكُمْ لِوَاذًا ۚ فَلْيَحْذَرِ الَّذِينَ يُخَالِفُونَ عَنْ أَمْرِهِ أَن تُصِيبَهُمْ فِتْنَةٌ أَوْ يُصِيبَهُمْ عَذَابٌ أَلِيمٌ (63)
Tameuhei Rasul bek tapeusaban i Ngon tahei rakanteuh saban leupah i Soe nyang ka teubiet Tuhan Neutusoe 2 Jimita sagoe mangat bek leumah Lam kawan gata jipeusiblah droe Ubak rakan droe keudeh jilangkah Soe nyang han peubuet suroh Hadharat Jiingat beuthat keunong musibah Cobaan Neubri uleh Hadharat í Atawa azeueb peudeh that leupah |
أَلَا إِنَّ لِلَّهِ مَا فِي السَّمَاوَاتِ وَالْأَرْضِ ۖ قَدْ يَعْلَمُ مَا أَنتُمْ عَلَيْهِ وَيَوْمَ يُرْجَعُونَ إِلَيْهِ فَيُنَبِّئُهُم بِمَا عَمِلُوا ۗ وَاللَّهُ بِكُلِّ شَيْءٍ عَلِيمٌ (64)
Peue nyang di langet got nyang di bumoe Beuna tateupeue nyan milek Allah Hal ihwal gata bandum Neuteupeue Meunan pih uroe tawoe bak Allah Bandumteuh tawoe keudeh bak Tuhan Neubri thee yohnyan buet nyang ka leupah Bandum peukara Tuhan Neuteupeue Hana meusapeue pih na meuilah aa a E a a a a a r a Ai AL-FURQAN (PEUMEUNGKLEH) Ngon nama Allah lon peuphon surat Tuhan Hadharat nyang Maha Murah Tuhanku Sidroe geumaseh that-that Donya akhirat rahmat Neulimpah |
