Quran with Burmese translation - Surah Ta-Ha ayat 80 - طه - Page - Juz 16
﴿يَٰبَنِيٓ إِسۡرَٰٓءِيلَ قَدۡ أَنجَيۡنَٰكُم مِّنۡ عَدُوِّكُمۡ وَوَٰعَدۡنَٰكُمۡ جَانِبَ ٱلطُّورِ ٱلۡأَيۡمَنَ وَنَزَّلۡنَا عَلَيۡكُمُ ٱلۡمَنَّ وَٱلسَّلۡوَىٰ ﴾
[طه: 80]
﴿يابني إسرائيل قد أنجيناكم من عدوكم وواعدناكم جانب الطور الأيمن ونـزلنا عليكم﴾ [طه: 80]
| Ba Sein ၈ဝ။ အို--အစ္စရာအီလ်အမျိုးသားတို့ ငါအရှင်မြတ်သည် သင်တို့အား ရန်သူ၏လက်မှ ကယ်နှုတ်တော်မူ၏။ ငါသည် သင်တို့နှင့် မြင့်မြတ်၍ မင်္ဂလာရှိသောတောင်ကဘယံပေါ်တွင် ပဋိညာဉ်ဖွဲ့တော်မူ၏။ ထို့အပြင်သင်တို့ထံသို့ ငုံးနှင့် မန်နကို ချပေးတော်မူ၏။ |
| Ghazi Mohammad Hashim အို-အစ္စရာအီလီမျိုးနွယ်အပေါင်းတို့၊ ဧကန်အမှန်၊ ငါအရှင်မြတ်သည် အသင်တို့အား အသင်တို့၏ ရန်သူ(၏ဘေးအန္တရာယ်)မှ ကယ်တင်တော်မူခဲ့လေပြီ။ ၎င်းပြင်ငါအရှင်မြတ်သည် အသင်တို့အား(အသင်တို့၏)လက်ယာဘက်၌ရှိသော တူရ်မည်သောတောင်၏နံဘေး(သို့လာကြရန်) ချိန်းချက်တော်မူခဲ့လေသည်။ ထိုမှတစ်ပါး ငါအရှင်မြတ်သည်အသင်တို့အပေါ်၌ မန္န(မုန့်ချိုတစ်မျိုး)ကိုလည်းကောင်း၊စလ်ဝါ(ငုံးသတ္တဝါတစ်မျိုး)ကိုလည်းကောင်း၊ ချပေးသနားတော်မူခဲ့လေသည်။ |
| Hashim Tin Myint အို အစ္စရာအီလ်မျိုးနွယ်အပေါင်းတို့၊ အမှန်စင်စစ် ငါအရှင်မြတ်သည် အသင်တို့ကို အသင်တို့၏ရန်သူမှ ကယ်တင်တော်မူခဲ့ပြီဖြစ်သည်။ ထို့ပြင် ငါအရှင်မြတ်သည် အသင်တို့ကို လက်ယာဘက်၌ရှိသော သွူရ်တောင်၏နံဘေးသို့ (လာရန်)ချိန်းဆိုတော်မူခဲ့သည်။ ထို့ပြင် ငါအရှင်မြတ်သည် အသင်တို့အပေါ်တွင် မန်း(နှင်းမုန့်)ကိုရော၊ စလ်ဝါ (ငုံးကောင်တစ်မျိုး)ကိုပါ ချပေးတော်မူခဲ့သည်။ |