Quran with Burmese translation - Surah Al-Baqarah ayat 158 - البَقَرَة - Page - Juz 2
﴿۞ إِنَّ ٱلصَّفَا وَٱلۡمَرۡوَةَ مِن شَعَآئِرِ ٱللَّهِۖ فَمَنۡ حَجَّ ٱلۡبَيۡتَ أَوِ ٱعۡتَمَرَ فَلَا جُنَاحَ عَلَيۡهِ أَن يَطَّوَّفَ بِهِمَاۚ وَمَن تَطَوَّعَ خَيۡرٗا فَإِنَّ ٱللَّهَ شَاكِرٌ عَلِيمٌ ﴾
[البَقَرَة: 158]
﴿إن الصفا والمروة من شعائر الله فمن حج البيت أو اعتمر فلا﴾ [البَقَرَة: 158]
| Ba Sein ၁၅၈။ ကြည့်ကြလော့။ စဖွာတောင်နှင့် မာရ်ဝါတောင်တို့သည် အလ္လာဟ်အရှင်မြတ်၏ သက်သေသာဓက တော်များဖြစ်ကြ၏။ ထို့ကြောင့် သတ်မှတ်ပြဋ္ဌာန်းထားသောအချိန်ကာလတော်အတွင်း အရှင်မြတ်၏ ဗလီကျောင်းတော်သို့ ဝတ်ပြုသွားသူတို့ သို့မဟုတ် အခြားအချိန်ကာလတွင် သွားရောက်သူတို့အဖို့ ထိုတောင်နှစ်ပါးကို ရှေးမိစ္ဆာဒိဋ္ဌိတို့ ခေတ်ထုံးစံအတိုင်း လှည့်လည်ခြင်းသည် အပြစ်မထိုက်ချေ။ အကြင်သူသည် မိမိအလိုအလျောက် မိမိအကျိုးဖြစ်စေရန် ကုသိုလ်ကောင်းမှုပြု၏။ အလ္လာဟ် အရှင်မြတ်သည် မုချဧကန်အကျိုးတုန့်ပြန်တော်မူ၏။ သိမြင်တော်မူ၏။ |
| Ghazi Mohammad Hashim ဧကန်အမှန် ဆွဖာနှင့် မရ်ဝဟ်တောင်များသည် အလ္လာဟ်အရှင်မြတ် သတ်မှတ်ထားတော်မူသော သာသနာတော်၏အထိမ်းအမှတ်များအနက်မှ ဖြစ်သည်၊ အကြင်သူသည် အလ္လာဟ်အရှင်မြတ်၏ အိမ်တော်ဖြစ်သော ကအ်ဗဟ် ကျောင်းတော်သို့ ဟဂျ်ပြုရန် သွားရောက်သည်ဖြစ်စေ၊ သို့တည်းမဟုတ် အွန်မ်ရဟ် ပြုသည်ဖြစ်စေ ထိုသူ၏အပေါ်၌ ထိုတောင် နှစ်လုံး အကြားတွင် သွားလာခြင်းသည် တစ်စုံတစ်ရာမျှ အပြစ်မရှိပြီ။ ထို့ပြင် အကြင်သူသည် မိမိ၏စိတ်စေတနာအလျောက် ကောင်းကျိုးပေးသနားတော်မူသောအရှင်၊ အရာခပ်သိမ်းတို့ကို သိတော်မူသောအရှင် ဖြစ်တော်မူလေသတည်း။ |
| Hashim Tin Myint အမှန်စင်စစ် စဖွာနှင့် မရ်ဝဟ်တောင်*သည် အလ္လာဟ်အရှင်မြတ်၏ ထင်ရှားသောအထိမ်းအမှတ်များ*အနက်မှဖြစ်သည်။ သို့ဖြစ်ရာ မည်သူမဆို အလ္လာဟ်အရှင်မြတ်၏အိမ်တော်(ကအ်ဗဟ်ကျောင်းတော်)သို့ ဟဂျ်ပြုလုပ်*ရန် သို့မဟုတ် အွမ္မရဟ်ပြုလုပ်*ရန်သွားလျှင် ထိုသူတို့အပေါ်တွင် ထိုတောင်နှစ်ခုကြား(စအီပြုလုပ်)သွားလာခြင်း*သည် မည်သည့်အပြစ်မျှ မရှိပေ။ ထို့ပြင် မည်သူမဆို စေတနာအလျောက် ကောင်းမှုတစ်ခုခုပြုလုပ်လျှင် အမှန်ပင် အလ္လာဟ်အရှင်မြတ်သည် အမိန့်နာခံသူကို အလွန်ကျေးဇူးပြု အစားပေးတော်မူသောအရှင်၊ အကြွင်းမဲ့သိတော်မူသောအရှင် ဖြစ်တော်မူသည်။ |