Quran with Burmese translation - Surah An-Nisa’ ayat 125 - النِّسَاء - Page - Juz 5
﴿وَمَنۡ أَحۡسَنُ دِينٗا مِّمَّنۡ أَسۡلَمَ وَجۡهَهُۥ لِلَّهِ وَهُوَ مُحۡسِنٞ وَٱتَّبَعَ مِلَّةَ إِبۡرَٰهِيمَ حَنِيفٗاۗ وَٱتَّخَذَ ٱللَّهُ إِبۡرَٰهِيمَ خَلِيلٗا ﴾
[النِّسَاء: 125]
﴿ومن أحسن دينا ممن أسلم وجهه لله وهو محسن واتبع ملة إبراهيم﴾ [النِّسَاء: 125]
| Ba Sein ၁၂၅။ အကြင်သူသည် မိမိကိုယ်ကို အလ္လာဟ်အသျှင်မြတ်အား ပုံအပ်ထား၏။ ကုသိုလ်ကောင်းမှုပြုကျင့် ၏။ ဖြောင့်မတ်မှန်ကန်သော တမန်တော်အီဗရာဟီမ်၏ထုံးတမ်းကို လိုက်နာ၏။ ထိုသူထက် အဘယ်သူသည် ဘာသာအယူဝါဒ၌ သာလွန်မှန်ကန်မည်နည်း။ အလ္လာဟ်အသျှင်မြတ်ကိုယ်တော်တိုင် တမန်တော်အီဗရာဟီမ်အား မိတ်ဆွေအဖြစ်ဖြင့် ရွေးကောက်တော်မူ၏။ |
| Ghazi Mohammad Hashim အမှန်သော်ကား အကြင်သူထက် ‘ဒီန်’ သာသနာအားဖြင့် ပိုမို၍မြင့်မြတ်သောသူသည် မည်သူရှိသနည်း။ ထိုသူသည် မိမိမျက်နှာ (မိမိကိုယ်) ကို အလ္လာဟ်အရှင်မြတ်အထံတော်သို့ အပ်နှင်းခဲ့သည့်ပြင် (အပြောအဆို အကျင့်အမူအားဖြင့်) မြင့်မြတ်သောသူလည်းဖြစ်၏။ ထိုမှတစ်ပါး ထိုသူသည် ဖြောင့်မတ်တည်ကြည်သော (နဗီတမန်တော်) အစ်ဗ်ရာဟီမ်၏ ‘ဒီန်’ သာသနာကိုလည်း လိုက်နာ၏။ အမှန်စင်စစ်သော်ကား အလ္လာဟ်အရှင်မြတ်သည် (နဗီတမန်တော်) အစ်ဗ်ရာဟီမ်အား (မိမိ) မိတ်ဆွေအဖြစ် ပြုလုပ်ချီးမြှင့်တော်မူခဲ့လေသတည်း။ |
| Hashim Tin Myint ထို့ပြင် အကြင်သူထက် ဒီန်သာသနာအားဖြင့် ပိုမိုမြင့်မြတ်သောသူသည် မည်သူ ရှိဦးမည်နည်း။ ထိုသူသည် ကောင်းကျိုးဆောင်ရွက်သူဖြစ်လျက် သူ၏မျက်နှာ(သူ၏ကိုယ်)ကို အလ္လာဟ်အရှင်မြတ်ထံတွင် အပ်နှံခဲ့သည့်အပြင် သူသည် ဖြောင့်မတ်မှန်ကန်သော (တမန်တော်)အိဗ်ရာဟီမ်၏ဒီန်သာသနာ*ကိုလည်း လိုက်နာခဲ့သည်။ ထို့ပြင် အလ္လာဟ်အရှင်မြတ်သည် (တမန်တော်)အိဗ်ရာဟီမ်ကို မိတ်ဆွေအဖြစ် ပြုလုပ်ချီးမြှင့်တော်မူခဲ့သည်။ |