Quran with Burmese translation - Surah Al-Jumu‘ah ayat 2 - الجُمعَة - Page - Juz 28
﴿هُوَ ٱلَّذِي بَعَثَ فِي ٱلۡأُمِّيِّـۧنَ رَسُولٗا مِّنۡهُمۡ يَتۡلُواْ عَلَيۡهِمۡ ءَايَٰتِهِۦ وَيُزَكِّيهِمۡ وَيُعَلِّمُهُمُ ٱلۡكِتَٰبَ وَٱلۡحِكۡمَةَ وَإِن كَانُواْ مِن قَبۡلُ لَفِي ضَلَٰلٖ مُّبِينٖ ﴾
[الجُمعَة: 2]
﴿هو الذي بعث في الأميين رسولا منهم يتلو عليهم آياته ويزكيهم ويعلمهم﴾ [الجُمعَة: 2]
| Ba Sein ၂။ အရှင်မြတ်သည် စာမတတ်သော လူမျိုးအထဲတွင် မိမိတို့သားချင်းဖြစ်သော တမန်တော်တစ်ပါးကို စေလွှတ်တော်မူ၏၊ ထိုတမန်တော်သည် သူတို့အား အရှင်မြတ်၏ နှုတ်ကပတ်တော်များကို ဖတ်ပြရန် သူတို့ကို သန့်ရှင်း စင်ကြယ်စေရန် ကျမ်းမြတ်ကုရ်အာန်ကို သင်ကြားရန် ပညာအလင်းရောင်ပေးရန်ဖြစ်၏၊ ထိုသူများသည် ရှေးအခါက လမ်းမှားရောက်နေသူများစင်စစ်ဖြစ်သော်လည်း သူတို့ကို သွန်သင်ဆုံးမတော်မူ၏။ |
| Ghazi Mohammad Hashim ထိုအရှင်မြတ်သည်ပင် စာပေမတတ်သော သူတို့ထံ ၎င်းတို့အနက်မှပင် ရစူလ်တမန်တော်တစ်ပါးကို စေလွှတ်တော်မူခဲ့၏။ ထိုရစူလ်တမန်တော်သည် ၎င်းတို့ရှေ့ဝယ် ထိုအရှင်မြတ်၏အာယတ်တော်များကို ဖတ်ကြားလေ၏။ ထို့ပြင် ၎င်းတို့အား စင်ကြယ်သန့်ရှင်းအောင် ပြုလုပ်လေ၏။ ထိုမှတစ်ပါး ထိုသူတို့အား ကျမ်းဂန်ကိုလည်းကောင်း၊ ဉာဏ်ပညာကိုလည်းကောင်း၊ သင်ကြားပို့ချလေ၏။ စင်စစ်မှာမူကား ၎င်းတို့သည် ယခင်က ထင်ရှားစွာသော လမ်းမှားမှု၌ပင် ရှိနေခဲ့ကြကုန်၏။ |
| Hashim Tin Myint အရှင်မြတ်သည် စာမတတ်သူများထံသို့ သူတို့ထဲမှပင် တမန်တော်တစ်ပါးကို စေလွှတ်တော်မူခဲ့သည်။ ထိုတမန်တော်သည် သူတို့ရှေ့၌ အရှင်မြတ်၏ အာယသ်တော်များ ကိုဖတ်ကြား၍သူတို့အား စင်ကြယ်သန့်ရှင်းအောင် ပြုလုပ်ပေးသည်။၎င်းပြင် သူတို့အား ကျမ်းဂန်နှင့် ပညာဉာဏ်အမြော်အမြင်များကို သင်ကြားပို့ချပေးသည်။ ထို့ပြင်သူတို့သည် ယခင်က ထင်ရှားသော လမ်းမှားမှု၌ အမှန်ပင်ရှိနေခဲ့ကြသည်။ |