Quran with Burmese translation - Surah AT-Talaq ayat 12 - الطَّلَاق - Page - Juz 28
﴿ٱللَّهُ ٱلَّذِي خَلَقَ سَبۡعَ سَمَٰوَٰتٖ وَمِنَ ٱلۡأَرۡضِ مِثۡلَهُنَّۖ يَتَنَزَّلُ ٱلۡأَمۡرُ بَيۡنَهُنَّ لِتَعۡلَمُوٓاْ أَنَّ ٱللَّهَ عَلَىٰ كُلِّ شَيۡءٖ قَدِيرٞ وَأَنَّ ٱللَّهَ قَدۡ أَحَاطَ بِكُلِّ شَيۡءٍ عِلۡمَۢا ﴾
[الطَّلَاق: 12]
﴿الله الذي خلق سبع سموات ومن الأرض مثلهن يتنـزل الأمر بينهن لتعلموا﴾ [الطَّلَاق: 12]
| Ba Sein ၁၂။ အလ္လာဟ်အရှင်မြတ်သည် ကောင်းကင်ဘုံခုနစ်ထပ်ကို ဖန်ဆင်းတော်မူ၏၊ ပထဝီမြေကြီးကိုလည်း ထိုနည်းတူ ခုနစ်ထပ်ဖန်ဆင်းတော်မူ၏၊ ထိုမိုးမြေ၏ အလယ်ကြားကို ဖြတ်သန်း၍ အရှင်မြတ်၏ အမိန့်တော်သည် ဆင်း သက်လာ၏၊ ဤသို့သက်ဆင်းရခြင်းအကြောင်းရင်းမူကား အလ္လာဟ်အရှင်မြတ်သည် အရာခပ်သိမ်းတို့ကို ပြုစွမ်းနိုင်တော်မူကြောင်းနှင့် အရာခပ်သိမ်းတို့ကို ဉာဏ်တော်နှင့် ဝိုင်းဝန်းထားတော်မူကြောင်းကို သင်တို့သိရန် အလို့ငှာဖြစ်၏။ |
| Ghazi Mohammad Hashim အလ္လာဟ်အရှင်မြတ်သည် အကြင်အရှင်မြတ်ပင်၊ ထိုအရှင်မြတ်သည် မိုးခုနစ်ထပ်ကို ဖန်ဆင်းတော်မူခဲ့၏။ ၎င်းပြင် မြေကိုလည်း ယင်းကဲ့သို့ပင်(ဖန်ဆင်းတော်မူခဲ့၏)။ ယင်းမိုးနှင့်မြေတို့ အကြားဝယ် အမိန့်တော်များသည် ဆင်းသက်လေ၏။ (ယင်းသို့ဖြစ်ရခြင်းမှာ)ဧကန်မလွဲ အလ္လာဟ်အရှင်မြတ်သည် အရာခပ်သိမ်းတို့ကို စွမ်းဆောင်နိုင်တော်မူကြောင်းကို လည်းကောင်း၊ ထိုမှတစ်ပါး အလ္လာဟ်အရှင်မြတ်သည် အရာခပ်သိမ်းတို့ကို အသိပညာဖြင့် အမှန်ပင် ဝန်းခြုံလျက် ရှိတော်မူကြောင်းကိုလည်းကောင်း၊ အသင်တို့ သိရှိကြအံ့သောငှာ ဖြစ်ပေသတည်း။ |
| Hashim Tin Myint အလ္လာဟ်အရှင်မြတ်သည် ထိုအရှင်မြတ်ပင် ဖြစ်တော်မူသည်။ ထိုအရှင်မြတ်သည် မိုးခုနစ်ထပ်ကို ဖန်ဆင်းတော်မူခဲ့သည်။ ထို့ပြင် မြေကိုလည်း ထိုသို့ပင် (ဖန်ဆင်းတော်မူခဲ့သည်)။ ထိုမိုးနှင့် မြေအကြားတွင် အမိန့်တော်များ ဆင်းသက်သည်။ (ထိုသို့ဖြစ်ရခြင်းမှာ)အမှန်စင်စစ် အလ္လာဟ်အရှင်မြတ်သည် အရာအားလုံးကို အလွန်စွမ်းဆောင်နိုင်တော်မူကြောင်းနှင့် အမှန်စင်စစ် အလ္လာဟ်အရှင်မြတ်သည် အရာအားလုံးကို အသိပညာနှင့် အမှန်ပင် လွှမ်းခြုံထားတော်မူကြောင်းကို အသင်တို့ သိရှိကြရန်အတွက်ဖြစ်သည်။ |