﴿يَٰٓأَيُّهَا ٱلَّذِينَ ءَامَنُواْ لَا تُحِلُّواْ شَعَٰٓئِرَ ٱللَّهِ وَلَا ٱلشَّهۡرَ ٱلۡحَرَامَ وَلَا ٱلۡهَدۡيَ وَلَا ٱلۡقَلَٰٓئِدَ وَلَآ ءَآمِّينَ ٱلۡبَيۡتَ ٱلۡحَرَامَ يَبۡتَغُونَ فَضۡلٗا مِّن رَّبِّهِمۡ وَرِضۡوَٰنٗاۚ وَإِذَا حَلَلۡتُمۡ فَٱصۡطَادُواْۚ وَلَا يَجۡرِمَنَّكُمۡ شَنَـَٔانُ قَوۡمٍ أَن صَدُّوكُمۡ عَنِ ٱلۡمَسۡجِدِ ٱلۡحَرَامِ أَن تَعۡتَدُواْۘ وَتَعَاوَنُواْ عَلَى ٱلۡبِرِّ وَٱلتَّقۡوَىٰۖ وَلَا تَعَاوَنُواْ عَلَى ٱلۡإِثۡمِ وَٱلۡعُدۡوَٰنِۚ وَٱتَّقُواْ ٱللَّهَۖ إِنَّ ٱللَّهَ شَدِيدُ ٱلۡعِقَابِ ﴾
[المَائدة: 2]
Wahe dum mukmin bek roh talingkeue Neutham got Neuyue gata le Allah Bek roh talingkeue dum syiar Tuhan Lom buleun hareum pih bek tabantah Dam keu hadiah lom ngon qalaid Untuk geulilet bak takue kibah Lom pih ureueng jak u Baitul Haram Karonya Tuhan mita napakah Sira ibadat keu rila Tuhan Geupubuet sajan mita napakah ‘Oh Iheuh ibadat ka haleue gata Jeut talet rusa hana le salah Teuma bek sabab tabeunci kawom Sabab jijak tham tamong u Makkah Masjidil Haram han jibri tamong Ka jeut roh keunong tapubuet salah Roh taelanya deungon sababnyan Han Neubri meunan teuma le Allah Mentulong-tulong bak buet mulia Ngon buet takwa Neuyue le Allah Teuma bek gata meutulong-tulong Bak buet nyang sirong ngon buet nyang salah Buet nyang meudacha meumusoh-musosh Nyan bek sagai roh keunan talangkah Teuma takwa gata keu Tuhan Hukoman Tuhan cit brat sileupah
ترجمة: ياأيها الذين آمنوا لا تحلوا شعائر الله ولا الشهر الحرام ولا الهدي, باللغة الأتشيهية
﴿ياأيها الذين آمنوا لا تحلوا شعائر الله ولا الشهر الحرام ولا الهدي﴾ [المَائدة: 2]