Quran with Burmese translation - Surah An-Nahl ayat 124 - النَّحل - Page - Juz 14
﴿إِنَّمَا جُعِلَ ٱلسَّبۡتُ عَلَى ٱلَّذِينَ ٱخۡتَلَفُواْ فِيهِۚ وَإِنَّ رَبَّكَ لَيَحۡكُمُ بَيۡنَهُمۡ يَوۡمَ ٱلۡقِيَٰمَةِ فِيمَا كَانُواْ فِيهِ يَخۡتَلِفُونَ ﴾
[النَّحل: 124]
﴿إنما جعل السبت على الذين اختلفوا فيه وإن ربك ليحكم بينهم يوم﴾ [النَّحل: 124]
| Ba Sein ၁၂၄။ ယဟူဒီလူမျိုးတို့စောင့်သောဥပုသ်ကို ထိုဥပုသ်နှင့်စပ်လျဉ်း၍ အငြင်းအခုံပြုလုပ်သူတို့အဖို့သာ ပြဋ္ဌာန်းထားတော် မူလေ၏။ မှတ်သားလော့။ သင်၏ ကျေးဇူးတော်သခင်သည် သူတို့အား ၎င်းတို့အချင်းချင်းကွဲပြားငြင်းခုံသော အမှုအခင်းများနှင့်ပတ်သက်၍ သူတို့အလယ်ကြားတွင် ရှင်ပြန်ထမြောက်ရသောနေ့တော်ကြီး၌ စစ်ကြောစီရင် တော်မူမည်။ |
| Ghazi Mohammad Hashim စဗ်တ် (ဥပုသ်)နေ့(ကို ရိုသေလေးစားရန်အမိန့်တော်)သည် ထို စဗ်တ် (ဥပုသ်)နေ့နှင့် စပ်လျဉ်း၍သဘောကွဲလွဲကြကုန်သောသူတို့အပေါ် ၌သာလျှင် (အတည်)ပြုလုပ်ခြင်း ခံခဲ့ရလေသည်။ ၎င်းပြင် ဧကန်အမှန် အသင့်အားဖန်ဆင်းမွေးမြူ တော်မူသောအရှင်မြတ်သည် ကိယာမတ်ရှင်ကြကပြန်ထမည့်နေ့တွင် ၎င်းတို့သဘောကွဲလွဲလျက်ရှိခဲ့ကြသောအရာနှင့်စပ်လျဉ်း၍ အမှန်ပင် စီရင်ဆုံးဖြတ်တော်မူအံ့သတည်း။ |
| Hashim Tin Myint စဗ်သ် စနေနေ့(ဥပုသ်နေ့)သည် ထိုနေ့(၏ အမိန့်ပညတ်ချက်များ)နှင့်ပတ်သက်၍ ကွဲလွဲခဲ့ကြသောသူများအပေါ်၌သာ (အတည်)ပြုလုပ်ခံခဲ့ရခြင်းဖြစ်သည်။ ၎င်းနောက် အမှန်စင်စစ် အသင်(တမန်တော်)အား ဖန်ဆင်းမွေးမြူတော်မူသောအရှင်မြတ်သည် ကိယာမသ် ရှင်ပြန်ထမည့်နေ့တွင် သူတို့ ကွဲလွဲနေခဲ့သောအရာများနှင့်ပတ်သက်၍ အမှန်ပင် စီရင်ဆုံးဖြတ်တော်မူမည် ဖြစ်သည်။ |