Quran with Burmese translation - Surah Al-Ahzab ayat 33 - الأحزَاب - Page - Juz 22
﴿وَقَرۡنَ فِي بُيُوتِكُنَّ وَلَا تَبَرَّجۡنَ تَبَرُّجَ ٱلۡجَٰهِلِيَّةِ ٱلۡأُولَىٰۖ وَأَقِمۡنَ ٱلصَّلَوٰةَ وَءَاتِينَ ٱلزَّكَوٰةَ وَأَطِعۡنَ ٱللَّهَ وَرَسُولَهُۥٓۚ إِنَّمَا يُرِيدُ ٱللَّهُ لِيُذۡهِبَ عَنكُمُ ٱلرِّجۡسَ أَهۡلَ ٱلۡبَيۡتِ وَيُطَهِّرَكُمۡ تَطۡهِيرٗا ﴾
[الأحزَاب: 33]
﴿وقرن في بيوتكن ولا تبرجن تبرج الجاهلية الأولى وأقمن الصلاة وآتين الزكاة﴾ [الأحزَاب: 33]
| Ba Sein ၃၃။ ထို့အပြင် သင်တို့သည် မိမိတို့အိမ်အတွင်း နေကြလော့၊ သာသနာမတောက်ထွန်းမီ အချိန်ကာလမှာကဲ့သို့ မိန်းမယောက်ျားလူအများမြင်အောင် ကိုယ်ကို တင့်တယ်စွာတန်ဆာဆင်ယင်မွမ်းမံခြင်းကို မပြုကြလင့်၊ ဆွလဝသ် ကို မှန်မှန်ပြုကြလော့၊ ပညတ်ထားတော်မူသောဇကားသ်အလှုကို လှုကြလော့၊ ထို့အပြင်အလ္လာဟ်အရှင်မြတ် နှင့် အရှင်မြတ်၏ တမန်တော်ကို ကျိုးနွံနာခံကြလော့၊ အို-တမန်တော်၏ အိမ်တော်သူအပေါင်းတို့၊ အလ္လာဟ် အရှင်မြတ်၏ အလိုတော်မှာ ဒုစရိုက်ညစ်ညမ်းမှုများကို သင်တို့ထံမှ ဝေးကွာစွာဖယ်ရှား၍ သင်တို့ကို ကောင်းစွာ သန့်ရှင်းဖြူစင်စေဖို့ရာဖြစ်၏။ |
| Ghazi Mohammad Hashim ထိုမှတပါး အသင်တို့သည် မိမိတို့နေအိမ်များ၌ပင်တည်ငြိမ်စွာနေကြလေကုန်၊ ထို့ပြင် ရှေးဟောင်း အမိုက်ခေတ်တွင် မိမိတို့ကိုယ်ကို ပြကြသကဲ့သို့ အသင်တို့သည် မိမိတို့ကိုယ်ကို မပြကြကုန်လင့်။ ၎င်းပြင် အသင်တို့သည် ‘ဆွလာတ်’ဝတ်ပြုမှုကို ဆောက်တည် ကြလေကုန်။ ထို့ပြင် အသင်တို့သည်’ဇကာတ်’ ပေးဆောင်ကြလေကုန်။ ထိုမှတစ်ပါး အသင်တို့သည်အလ္လာဟ်အရှင်မြတ်၏ အမိန့်တော်ကိုလည်းကောင်း၊ ထိုအရှင်မြတ်၏ ရစူလ်တမန်တော်မြတ် အမိန့်တော်ကိုလည်းကောင်း၊လိုက်နာကြလေကုန်။ အို-(နဗီတမန်တော်မြတ်၏) အိမ်တော်သူ အိမ်တော်သားတို့၊ အလ္လာဟ်အရှင်မြတ်သည် အသင်တို့မှမစင်ကြယ်မှုကို ပပျောက်စေတော်မူရန်နှင့် အသင်တို့အားကောင်းမွန်စွာ စင်ကြယ်သန့်ရှင်းတော်မူရန် ကိုသာလျှင်ရည်စူးတော်မူ၏၊ |
| Hashim Tin Myint ထို့ပြင် အသင်မတို့သည် အသင်မတို့၏နေအိမ်များ၌ တည်ငြိမ်စွာ နေထိုင်ကြပါ။* ထို့ပြင် ယခင် အမိုက်ခေတ်က အလှအပကို (အခြားအမျိုးသမီးများ)ထုတ်ဖော်ပြကြသကဲ့သို့ အသင်မတို့သည် အသင်မတို့၏အလှအပကို ထုတ်ဖော်မပြသကြနှင့်။ ထို့ပြင် အသင်မတို့သည် စွလာသ်ဝတ်ပြုမှုကို ဆောက်တည်ကြပါ။ ထို့ပြင် အသင်မတို့သည် ဇကာသ်ပေးဆောင်ကြပါ။ ထို့ပြင် အသင်မတို့သည် အလ္လာဟ်အရှင်မြတ်၏အမိန့်တော်နှင့် အရှင်မြတ်၏တမန်တော့်အမိန့်ကို လိုက်နာကြပါ။ အို- တမန်တော်၏အိမ်သူအိမ်သားအပေါင်းတို့၊ အလ္လာဟ်အရှင်မြတ်သည် အသင်မတို့မှ အညစ်အကြေးကို ပပျောက်စေတော်မူရန်နှင့် စင်ကြယ်သန့်ရှင်းစေတော်မူရန်ကိုပင် ရည်ရွယ်တော်မူခဲ့ခြင်းဖြစ်သည်။ |