Quran with Burmese translation - Surah At-Tahrim ayat 10 - التَّحرِيم - Page - Juz 28
﴿ضَرَبَ ٱللَّهُ مَثَلٗا لِّلَّذِينَ كَفَرُواْ ٱمۡرَأَتَ نُوحٖ وَٱمۡرَأَتَ لُوطٖۖ كَانَتَا تَحۡتَ عَبۡدَيۡنِ مِنۡ عِبَادِنَا صَٰلِحَيۡنِ فَخَانَتَاهُمَا فَلَمۡ يُغۡنِيَا عَنۡهُمَا مِنَ ٱللَّهِ شَيۡـٔٗا وَقِيلَ ٱدۡخُلَا ٱلنَّارَ مَعَ ٱلدَّٰخِلِينَ ﴾
[التَّحرِيم: 10]
﴿ضرب الله مثلا للذين كفروا امرأة نوح وامرأة لوط كانتا تحت عبدين﴾ [التَّحرِيم: 10]
| Ba Sein ၁၀။ အလ္လာဟ်အရှင်မြတ်သည် မိစ္ဆာ ဒိဋ္ဌိတို့အား တမန်တော်နူဟို၏ ဇနီး မိန်းမနှင့် တမန်တော်လွဒ် တို့၏ ဇနီးမိန်းမတို့ကို ပမာတင်၍ မိန့်တော်မူသည်မှာ ထိုမိန်းမနှစ်ယောက်တို့သည် ငါချီးမြှင့်မြှောက်စားတော်မူသောသူမွန်သူမြတ် တို့၏ ကြင်ဘက်တော်များတည်း၊ သို့သော်ထိုမိန်းမတို့၏ လင်ယောကျာ်းသည်တို့သည် သူတို့ကို အလ္လာဟ်အရှင် မြတ်၏ အပြစ်တော်မှ မကယ်နိုင်ကြချေ၊ ထိုမိန်းမတို့အား မိန့်တော်မူသည်ကား ဟယ်-အမိုက်မတို့၊ နင်တို့သည် အဝီစိငရဲမီးထဲသို့ လားရသူတို့နှင့်အတူတကွလားကြလော့။ |
| Ghazi Mohammad Hashim အလ္လာဟ်အရှင်မြတ်သည် "ကာဖိရ်" သွေဖည် ငြင်းပယ်ကြကုန်သူတို့၏အကျိုးငှာ (နဗီတမန်တော်) နူဟ်၏ဇနီးကြင်ရာကိုလည်းကောင်း၊ (နဗီတမန်တော်) လူ(တ်)၏ဇနီးကြင်ရာကိုလည်းကောင်း၊ ဥပမာအဖြစ် ခိုင်းနှိုင်း မိန့်ကြားတော်မူ၏။ ထိုဇနီးကြင်ရာနှစ်ဦးကား ငါအရှင်မြတ်၏ကျွန်အနက် သူတော်စင်ကျွန်နှစ်ပါး၏ (ထိမ်းမြားမှု) အောက်တွင် ရှိခဲ့ကြလေ၏။ သို့တစေလည်း ထိုဇနီးကြင်ရာနှစ်ဦးသည် ထိုကျွန်နှစ်ပါးနှင့်ပတ်သက်၍ (ဒီန်သာသနာရေးတွင်) သစ္စာ သွေလှန်ခဲ့ကြပေရာ ထိုကျွန်တော်နှစ်ပါးမှာ အလ္လာဟ်အရှင်မြတ်နှင့်ယှဉ်ပြိုင်၍ ထိုကြင်ရာနှစ်ဦးအဖို့ အနည်းငယ်စိုးစဉ်းမျှပင် အကျိုးမပြုနိုင်ခဲ့ကြပေ။ ထို့ပြင် "အသင်တို့နှစ်ဦးသည်လည်း (အခြားသော) ဝင်ရောက်ကြသူတို့နှင့်အတူ (ငရဲ)မီးထဲသို့ ဝင်ရောက် ကြကုန်လော့"ဟု အမိန့်ပေးတော်မူခြင်းကို ခံခဲ့ကြရလေသတည်း။ |
| Hashim Tin Myint အလ္လာဟ်အရှင်မြတ်သည် ကာဖိရ်ငြင်းပယ်ကြသည့်သူများအတွက်(တမန်တော်)နူးဟ်၏ ဇနီးကြင်ရာနှင့် (တမန်တော်)လူသွ်၏ဇနီးကြင်ရာကို ပမာခိုင်းနှိုင်းမိန့်ကြားတော်မူ သည်။ ထို ဇနီးကြင်ရာနှစ်ဦးသည် ငါအရှင်မြတ်၏ ကျွန်များထဲမှ ကောင်းမြတ်သောကျွန်နှစ်ဦး၏ (ထိမ်းမြားမှု)အောက်တွင်ရှိခဲ့ကြသည်။ ထို့နောက်လည်း ထိုဇနီးကြင်ရာနှစ်ဦးသည် ထိုကျွန်နှစ်ဦးနှင့် ပတ်သက်၍ (သာသနာရေးရာတွင်)သစ္စာဖောက်ခဲ့သည့်အတွက် ထိုကျွန်နှစ်ဦးသည် အလ္လာဟ်အရှင်မြတ်နှင့် ဆန့်ကျင်၍ ထိုကြင်ရာနှစ်ဦးအတွက် အနည်းငယ်မျှ အကျိုးမပြုနိုင်ခဲ့ကြပေ။ ထို့ပြင် “အသင်မတို့ နှစ်ဦးလည်း (အခြား)ဝင်ရောက်ကြသည့်သူများနှင့်အတူ မီးထဲသို့ ဝင်ရောက်ကြပေတော့” ဟု အမိန့်ပေးတော်မူခြင်း ခံခဲ့ကြရသည်။ ###၄ |