Quran with Burmese translation - Surah Hud ayat 64 - هُود - Page - Juz 12
﴿وَيَٰقَوۡمِ هَٰذِهِۦ نَاقَةُ ٱللَّهِ لَكُمۡ ءَايَةٗۖ فَذَرُوهَا تَأۡكُلۡ فِيٓ أَرۡضِ ٱللَّهِۖ وَلَا تَمَسُّوهَا بِسُوٓءٖ فَيَأۡخُذَكُمۡ عَذَابٞ قَرِيبٞ ﴾
[هُود: 64]
﴿وياقوم هذه ناقة الله لكم آية فذروها تأكل في أرض الله ولا﴾ [هُود: 64]
| Ba Sein ၆၄။ ဟယ်-အချင်းတို့၊ ဤကုလားအုတ်မသည် အလ္လာဟ်၏ ကုလားအုပ်တော်ဖြစ်၏။ သင်တို့အတွက် သက်သေ သာဓကတော်တပါးဖြစ်၏။ ထို့ကြောင့်သင်တို့သည် ဤကုလားအုပ်မအား အလ္လာဟ်အရှင်မြတ်၏ ပထဝီမြေပေါ် တွင် စားသောက်ခွင့်ပေးကြလော့။ သင်တို့ကို နီးကပ်နေသောအပြစ်ဒဏ်မဖမ်းဆီးစေရန် သင်တို့သည် ဤ ကုလားအုပ်မကို ဘေးအန္တရာယ်နှင့် မထိကြလင့်ဟု ပြော၏။ |
| Ghazi Mohammad Hashim ၎င်းပြင် အို-ငါ၏အမျိုးသားတို့၊ အလ္လာဟ်အရှင်မြတ်၏ကုလားအုတ်မသည် အသင်တို့အဖို့ သက်သေလက္ခဏာတရပ်ပင်။ သို့ဖြစ်ပေရာ အသင် တို့သည် ထိုကုလားအုတ်မကိုအလ္လာဟ်အရှင်မြတ်၏ ပထဝီမြေ၌ စားသောက်နေထိုင်ရန်လွှတ်ထားကြလေကုန်။ ၎င်းပြင် အသင်တို့သည် ယင်းကုလားအုတ်မအား အကျိုးယုတ်စေသော ရည်ရွယ်ချက်ဖြင့် မထိကြကုန်လင့်။ ထိုသို့ပြုခဲ့ကြလျှင် ချက်ချင်း ဆိုက်ရောက်လာမည်ဖြစ်သောပြစ်ဒဏ်သည် အသင်တို့အား ဖမ်းဆီး (ကွပ်မျက်) အံ့သတည်း။ |
| Hashim Tin Myint ထို့ပြင် အို- ငါ၏အမျိုးသားတို့၊ ဤသည် အသင်တို့အတွက် သက်သေလက္ခဏာတစ်ခုအဖြစ် အလ္လာဟ်အရှင်မြတ်၏ ကုလားအုတ်မဖြစ်သည်။ သို့ဖြစ်ရာ အသင်တို့သည် ထိုကုလားအုတ်မကို အလ္လာဟ်အရှင်မြတ်၏ မြေပထဝီတွင် စားသောက်နေထိုင်ရန် လွှတ်ထားကြပါ။ ၎င်းနောက် အသင်တို့သည် ထိုကုလားအုတ်မကို မကောင်းသောရည်ရွယ်ချက်ဖြင့် မထိကြနှင့်။ ထိုသို့ ပြုလုပ်ခဲ့ကြလျှင် နီးကပ်သောပြစ်ဒဏ်သည် အသင်တို့အား ဖမ်းဆီးလိမ့်မည်။ |