Quran with Burmese translation - Surah Hud ayat 77 - هُود - Page - Juz 12
﴿وَلَمَّا جَآءَتۡ رُسُلُنَا لُوطٗا سِيٓءَ بِهِمۡ وَضَاقَ بِهِمۡ ذَرۡعٗا وَقَالَ هَٰذَا يَوۡمٌ عَصِيبٞ ﴾
[هُود: 77]
﴿ولما جاءت رسلنا لوطا سيء بهم وضاق بهم ذرعا وقال هذا يوم﴾ [هُود: 77]
| Ba Sein ၇၇။ ၎င်းအပြင် ငါအရှင်မြတ်၏ စေတမန်တော်တို့သည် တမန်တော်လွတ်ထံသို့ ရောက်ရှိသောအခါ သူသည် စိတ်ညစ်ခြင်းဒုက္ခကို ခံစားရ၏။ ဧည့်သည်တော်တို့ကို မည်သို့ကာကွယ်စောင့်ရှောက်ရမည်ကို မသိချေ။ သူက ယနေ့မူကား အလွန်စိတ်ညစ်စရာကောင်းသောနေ့ဖြစ်၏ဟု ညည်းညူ၏။ |
| Ghazi Mohammad Hashim ထို့နောက် ငါအရှင်မြတ်၏ စေတမန်တော်များသည် (နဗီတမန်တော်)လူ(တ်)၏ထံသို့ ရောက်ရှိလာ ခဲ့ကြသောအခါ ထို(နဗီတမန်တော်)လူ(တ်)သည် ၎င်းတို့အတွက် ရတက်မအေးဖြစ်ခဲ့ရသည့်ပြင် ၎င်းတို့အတွက် အလွန် စိတ်ကျဉ်းကျပ်ခြင်းလည်း ဖြစ်ခဲ့လေသည်။ ထိုမှတစ်ပါး ဤနေ့သည် အလွန်ခက်ခဲသောနေ့ပင် ဖြစ်ပေသည်တကားဟု ထို(နဗီတမန်တော်)လူ(တ်)သည် ပြောဆိုမြည်တမ်းခဲ့လေသတည်း။ |
| Hashim Tin Myint ထို့နောက် ငါအရှင်မြတ်၏စေတမန်များသည် (တမန်တော်)လူသွ်ထံသို့ ရောက်ရှိလာခဲ့ကြသောအခါ ၎င်းသည် သူတို့အတွက် ပူပန်မှုဖြစ်ခဲ့သည့်အပြင် သူတို့အတွက် အလွန်စိတ်ကျဉ်းကျပ်မှုလည်း ဖြစ်ခဲ့သည်။ ထို့ပြင် “ဤနေ့သည် အလွန်ခက်ခဲသောနေ့ပင်ဖြစ်သည်“ဟု သူက (ညည်းညူ)ပြောဆိုခဲ့သည်။ |