Quran with Burmese translation - Surah Yusuf ayat 65 - يُوسُف - Page - Juz 13
﴿وَلَمَّا فَتَحُواْ مَتَٰعَهُمۡ وَجَدُواْ بِضَٰعَتَهُمۡ رُدَّتۡ إِلَيۡهِمۡۖ قَالُواْ يَٰٓأَبَانَا مَا نَبۡغِيۖ هَٰذِهِۦ بِضَٰعَتُنَا رُدَّتۡ إِلَيۡنَاۖ وَنَمِيرُ أَهۡلَنَا وَنَحۡفَظُ أَخَانَا وَنَزۡدَادُ كَيۡلَ بَعِيرٖۖ ذَٰلِكَ كَيۡلٞ يَسِيرٞ ﴾
[يُوسُف: 65]
﴿ولما فتحوا متاعهم وجدوا بضاعتهم ردت إليهم قالوا ياأبانا ما نبغي هذه﴾ [يُوسُف: 65]
| Ba Sein ၆၅။ ထို့နောက်သူတို့သည် မိမိတို့အိတ်များကို ဖွင့်ကြသောအခါ သူတို့ရိက္ခာအစားပေးသောကုန်ပစ္စည်းများကို သူတို့ အား ပြန်ပေးကြောင်းကို တွေ့ရှိကြ၏။ သူတို့က အို-ခမည်းတော်၊ အကျွနု်ပ်တို့သည် သည့်ထက်ပို၍ ဘာကို တောင်းဆိုရပါမည်နည်း။ သည်မှာ အကျွနု်ပ်တို့ပစ္စည်းကို အကျွနု်ပ်တို့အား ပြန်ပေးလိုက်ပါသည်။ အကျွနု်ပ်တို့ လည်း မိမိတို့အမျိုးသားတို့အဖို့ ရိက္ခာရပါမည်။ အကျွနု်ပ်တို့သည် ညီထွေးကို စောင့်ရှောက်ပါမည်။ ထို့အပြင် အကျွနု်ပ်တို့သည် ကုလားအုပ်တစ်စီးတင်အပိုရိက္ခာရကြပါမည်။ ယခုအကျွနု်ပ်တို့ယူခဲ့သောရိက္ခာသည် နည်းပါ သေး၏ဟု တောင်းပန်ကြ၏။ |
| Ghazi Mohammad Hashim ထို့နောက် ၎င်းတို့သည် မိမိတို့၏ ပစ္စည်းကိုဖွင့်ခဲ့ကြသောအခါ မိမိတို့ အရင်းအနှီးပြုသော ပစ္စည်းကို ၎င်းတို့အား ပြန်လည်ထည့်ပေးလိုက်သည်ကို တွေ့ရှိခဲ့ကြလေသည်။(ထိုအခါ) ၎င်းတို့က (ဤသို့) လျှောက်ထားကြပြန်လေသည်။အို-ကျွန်တော်မျိုးတို့၏ ဖခမည်းတော်၊ ကျွန်တော်မျိုးတို့ မည်သည့်အရာကို အလိုရှိကြပါသေးသနည်း၊ ဤသည် ကျွန်တော်မျိုး တို့ အရင်းအနှီးပြုသောပစ္စည်းပင် ဖြစ်ပါသည်။ ထိုအရင်းအနှီးပြုသောပစ္စည်းသည်လည်း ကျွန်တော်မျိုးတို့အား ပြန်ပေးထားပြီး ဖြစ်ပါသည်။ ၎င်းပြင် ကျွန်တော်မျိုးတို့သည် မိမိတို့အိမ်သူအိမ်သားများအဖို့(ထပ်မံ၍)စားနပ်ရိက္ခာများ ယူဆောင်လာကြပါမည်။ ထိုမှတစ်ပါး၊ ကျွန်တော်မျိုးတို့သည် မိမိတို့ညီတော်အားလည်း ထိန်းသိမ်းစောင့်ရှောက်ကြပါမည်။ ထို့ပြင်ကျွန်တော်မျိုးတို့သည် ကုလားအုတ်တစ်စီးစာ (စားနပ်ရိက္ခာ)ကိုလည်း ပိုမို၍ယူဆောင်လာကြပါမည်။ ဤကား လွယ်ကူစွာရရှိမည်ဖြစ်သောရိက္ခာပင်ဖြစ်ပါသည်။ (တစ်နည်း-ယခု ကျွန်တော်မျိုးတို့ ယူဆောင်လာခဲ့ကြသော) ဤ(ရိက္ခာ)သည်ကားအလွန်နည်းလှပါသည်။ |
| Hashim Tin Myint ထို့နောက် သူတို့သည် သူတို့၏ပစ္စည်းများအား ဖွင့်လိုက်ကြသောအခါ သူတို့၏အရင်းပစ္စည်းများအား ပြန်ထည့်ပေးလိုက်သည်ကို တွေ့ရှိခဲ့ကြသည်။ သူတို့က ပြောဆိုကြသည်- အို- ကျွန်ုပ်တို့၏ဖခင်၊ ကျွန်ုပ်တို့သည် မည်သည့်အရာကို အလိုရှိပါသနည်း၊ ဤသည် ကျွန်ုပ်တို့၏အရင်းပစ္စည်းပင် ဖြစ်ပါသည်။ ထိုအရင်းကိုလည်း ကျွန်ုပ်တို့အား ပြန်ပေးထားပြီးဖြစ်သည်။ ၎င်းနောက် ကျွန်ုပ်တို့သည် ကျွန်ုပ်တို့အိမ်သားများအတွက် (ထပ်ပြီး)စားနပ်ရိက္ခာများ ယူဆောင်လာကြပါမည်။ ၎င်းနောက် ကျွန်ုပ်တို့သည် ကျွန်ုပ်တို့၏ညီငယ်ကိုလည်း ထိန်းသိမ်းစောင့်ရှောက်ကြပါမည်။ ထို့ပြင် ကျွန်ုပ်တို့သည် ကုလားအုတ်တစ်စီးစာ(ရိက္ခာ)ကိုလည်း ပိုယူလာကြပါမည်။ ဤသည် အလွယ်တကူ ရရှိမည့်ရိက္ခာပင် ဖြစ်ပါသည်။ |